गुलाबी बोंडअळी नियंत्रण कार्यशाळा संपन्न

नांदेड (जिमाका) दि. 2 :- गुलाबी बोंड अळी नियंत्रण कार्यशाळा जिल्हाधिकारी कार्यालयात ऑनलाईन पध्दतीने नुकतीच संपन्न झाली. या कार्यशाळेत कृषि विकास अधिकारी डॉ. टी. जी. चिमणशेटे त्यांनी गुलाबी बोंडअळीच्या प्रादुर्भावामुळे जिल्हयाचे कापसाचे क्षेत्र हे सरासरी क्षेत्रापेक्षा कमी होत असून गुलाबी बोंडअळीच्या नियंत्रणासाठी फडदड कापूस घेऊ नये व कापसाचे अवशेष नष्ट करावेत असे यावेळी सांगितले.

 

जिल्हा अधिक्षक कृषि अधिकारी रविशंकर चलवदे यांनी गुलाबी बोंडअळी प्रादुर्भावामुळे शेतकऱ्यांच्या कापसाच्या उत्पादकवर परिणाम होत आहे. गुलाबी बोंडअळी नियंत्रणासाठी फडदड काढून टाकण्याची मोहीम प्रत्येक गावात राबविणे गरजेचे असल्याचे सांगितले. कापूस विशेषज्ञ कापूस संशोधन केंद्राचे डॉ.भेदे यांनी गुलाबी बोंडअळी जिवनचक्राची माहिती देऊन गुलाबी बोंडअळी जिवनचक्र ब्रेक करण्यासाठी फडतड कापूस जानेवारी नंतर न घेणे. जिनिंग मध्ये फेरोमन ट्रॅप लावणे, कापूस अवशेष नस्ट करणे गरजेचे असल्याचे सांगितले. राशी कंपनीचे प्रतिनिधी शिरसाठ व महाजन यांनी जिल्हयात गुलाबी बोंडअळी नियंत्रणासाठी केलेल्या कारवाईचे माहिती सादर केली. तसेच महिको कंपनीचे प्रतिनिधी माधव हते यांनी त्यांच्या मार्फत नोडल कंपनी म्हणून जिल्हयात कापूस पिक गुलाबी बोंडअळी नियंत्रणासाठी केलेली कामाची माहिती सादर केली. यावेळी कापूस गुलाबी बोंडअळी नियंत्रण घडीपत्रिकेचे विमोचन करण्यात आले.

या बैठकीत तहसिलदार, गट विकास अधिकारी, तालुका कृषि अधिकारी, कृषि अधिकारी पंचायत समिती, कृषि सेवा केंद्रधारक, जिनिंग मालक प्रतिनिधी, कृषि अधिकारी पुंडलिक माने, इबितवार उपस्थित होते.

0000