राष्ट्रीय युवा पुरस्कारासाठी प्रस्ताव पाठविण्याचे आवाहन 

नांदेड (जिमाका) दि. 13 : राष्ट्रीय युवा पुरस्कार सन 2019-20 साठी नामांकन अर्ज / प्रस्ताव हे  https://innvate.mygov.in/national-youth-award-2020/ या पोर्टलवर ऑनलाईन पद्धतीने पाठविण्याचे आवाहन जिल्हा क्रीडा कार्यालयाने केले आहे. ज्या व्यक्तींना नामांकनासाठी अर्ज सादर करावयाचा आहे त्यांनी प्रथम तो प्रस्ताव ऑनलाईन भरावयाचा आहे. हे नामांकन केंद्र शासनाकडे 18 नोव्हेंबर 2021 पर्यंत ऑनलाईन अचूक भरुन पाठवावेत. या प्रस्तावाच्या दोन सारख्या प्रती जिल्हा क्रीडा अधिकारी कार्यालय नांदेड येथे 18 नोव्हेंबर 2021 रोजी दुपारी 12.30 वाजेपर्यंत सादर करावेत, असेही आवाहन जिल्हा क्रीडा अधिकारी राजेश्वर मारावार यांनी केले आहे.

0000