नांदेडच्या शासकीय वैद्यकीय महाविद्यालयाच्या

अभ्यागत मंडळाच्या अध्यक्षपदी आमदार मोहनअण्णा हंबर्डे

▪ सदस्य पदी आमदार बालाजी कल्याणकर, संतोष पांडागळे यांच्यासह सात जणांची नियुक्ती 

नांदेड (जिमाका) दि. 6 :- नांदेड येथील डॉ.शंकरराव चव्हाण शासकीय वैद्यकीय महाविद्यालय व रूग्णालयाच्या अभ्यागत मंडळाची घोषणा राज्याच्या वैद्यकीय शिक्षण व औषध द्रव्ये विभागाने नुकतीच केली. अभ्यागत मंडळाच्या अध्यक्षपदी नांदेड दक्षिणचे आमदार मोहन हंबर्डे यांची नियुक्ती करण्यात आली आहे. तर सदस्यांमध्ये नांदेड उत्तरचे आमदार बालाजी कल्याणकर, दैनिक सत्यप्रभाचे कार्यकारी संपादक संतोष पांडागळे यांच्यासह सात जणांचा समावेश आहे. 

शासकीय रूग्णालय व महाविद्यालयातील अडीअडचणीची आपणास चांगलीच जाणीव असून आपल्या व शेजारील जिल्ह्यातील गोरगरीब गरजू रुग्णांना योग्य ते औषधोपचार व चांगल्या आरोग्य सुविधा पुरविणाऱ्या मंडळावर आपली नियुक्ती केल्याबद्दल पालकमंत्री अशोकराव चव्हाण यांना आपण मनातून धन्यवाद देतो असे उद्गार आमदार मोहनअण्णा हंबर्डे यांनी काढले. 

राज्यभरातील शासकीय वैद्यकीय महाविद्यालये व त्यांना संलग्न असलेल्या रूग्णालयावर नियंत्रण ठेवण्यासाठी शासनाकडून अभ्यागत मंडळाची स्थापना करण्यात येते. शासनाने या मंडळाची नुकतीच पुर्नरचना करून अध्यक्षपदी नांदेड दक्षिणचे आमदार मोहनअण्णा हंबर्डे यांची नेमणुक केली. सदस्य म्हणून नांदेड दक्षिणचे आमदार बालाजीराव कल्याणकर, पत्रकार संतोष पांडागळे, अब्दुल हबीब अब्दुल लतीफ, डॉ.करूणा जमदाडे, श्रीमती कल्पना शिरपुरे, दिगांबर पवार, रोहिदास जाधव, कैलास धोत्रे, डॉ. दि. बा. जोशी यांचा समावेश आहे. या वैद्यकीय महाविद्यालय व रूग्णालयाच्या अभ्यागत मंडळावर नियुक्त केल्याबद्दल अध्यक्षांसह सर्व सदस्यांनी पालकमंत्री अशोकराव चव्हाण यांचे आभार मानले आहेत.

000000