वाहन चालक, मालकांना थकीत कराची

रक्कम भरण्यासाठी 31 डिसेंबरपर्यंतची मुभा

नांदेड, (जिमाका) दि. 14 :- शासन परिपत्रक व राज्याचे परिवहन आयुक्त यांचे 3 डिसेंबरच्या पत्रानुसार जे वाहन मालक त्यांचा वाहनाचा 31 मार्च 2020 पर्यंत थकीत असलेला कर,  दंड व व्याजासहीत 31 डिसेंबर 2020 पर्यंत भरतील. त्यांना शासनाने कोविड-19 या विषाणुद्वारे उदभवलेल्या आपत्कालीन परिस्थितीमुळे वार्षिक कर भरणाऱ्या परिवहन वाहनांना जाहीर करण्यात आलेल्या  सवलतीचा (Tax Exemption) लाभ घेता येईल. या सवलतीचा लाभ घेण्यासाठी वाहनधारकांने 31 डिसेंबर 2020 पूर्वी कार्यालयात येऊन त्यांचे वाहनांचा 31 मार्च 2020 रोजी पर्यंत कर भरणा करावा लागेल, याची नांदेड जिल्हयातील सर्व वाहन चालक, मालकांनी सर्वांनी नोंद घ्यावी, असे आवाहन उपप्रादेशिक परिवहन अधिकारी नांदेड यांनी केले आहे.

00000