वृत्त क्र. 741
ताळेबंदी (लॉकडाऊन) कालावधीत जिल्‍हयातील
सायबर कॅफे शनिवार, रविवार चालू ठेवण्यास मुभा
नांदेड (जिमाका) दि. 8 :- इयत्‍ता दहावी व बारावीचा निकाल नुकताच जाहीर झाला असून विद्यार्थ्यांना पुढील शिक्षणासाठी ऑनलाईन प्रक्रियेद्वारे प्रवेश प्रक्रियेतील आपली माहिती देणे आवश्यक आहे. या प्रक्रियेत विद्यार्थ्यांना आपल्या गुणवत्तेनुसार पुढील आवडीच्या क्षेत्रात प्रवेश निश्चित करता यावेत यासाठी त्यांना सायबर, इंटनरनेट कॅफेवर येऊन ऑनलाईन अर्ज केल्याशिवाय गत्यंतर राहिलेले नाही. विद्यार्थ्‍यांची गैरसोय होऊ नये यासाठी सायबर कॅफे चालू असणे गरजेचे असल्‍याने जिल्हादंडाधिकारी डॉ. विपीन इटनकर यांनी नांदेड जिल्‍हयातील सर्व सायबर कॅफे यांना शनिवारी व रविवारी सुद्धा सकाळी 7 ते सायं 5 वाजेपर्यंत अटी व शर्तीच्‍या अधीन राहून चालू ठेवण्यास मुभा देण्यात आली आहे.
जिल्हादंडाधिकारी कार्यालयाचे
संदर्भ क्र. 1 अन्‍वये नमूद आदेशान्‍वये नियमावलीसह दिनांक 31 जुलै 2020 पर्यंत
नांदेड जिल्‍हयात नागरी,
ग्रामीण व औद्योगिक क्षेत्रासाठी विविध अटी व शर्तीच्‍या अधिन राहून
आस्‍थापना व दुकाने सकाळी 7 ते सायंकाळी 5 पर्यत चालू ठेवण्यास मुभा देण्यात आली
होती.
इयत्‍ता दहावी व बारावीचा निकाल जाहीर झाला असून विद्यार्थ्यांना पुढील शिक्षणासाठी ऑनलाईन प्रक्रीयेव्‍दारे प्रवेश घेण्‍यासाठी प्रवेश प्रक्रीया सुरु झालेली आहे. तथापि जिल्हादंडाधिकारी कार्यालयाचे संदर्भीय आदेशान्‍वये नांदेड जिल्‍हयात सोमवार ते शुक्रवार विहीत वेळेत दिलेल्‍या अटी व शर्ती नुसारच दुकाने व खाजगी आस्‍थापना सुरु ठेवण्यास मुभा आहे. परंतू विद्यार्थ्‍यांची गैरसोय होऊ नये यासाठी सायबर कॅफे चालू असणे गरजेचे असल्‍याने नांदेड जिल्‍हयातील सर्व सायबर कॅफे यांना शनिवार व रविवारी सुध्‍दा चालू ठेवण्‍यासाठी परवानगी देणे आवश्यक होते, असेही आदेशात नमूद केले आहे.
0000
No comments:
Post a Comment