वृत्त क्र.  725  

उपजिल्हा रुग्णालय हदगाव येथे अनोखे रक्षाबंधन साजरे

नांदेड, (जिमाका) दि. 4 :-  हदगाव उपजिल्हा रुग्णालयातील कोविड आरोग्य केंद्रातील अधिपरिचारिकांनी कोरोना बाधितांना राख्या बांधून रक्षाबंधन सण साजरा केला. भाऊ-बहिणीच्या नात्याला उजाळा देणारा रक्षाबंधनाचा सण हदगाव कोविड आरोग्य केंद्रात अनोख्या पद्धतीने वैद्यकीय अधीक्षक डॉ. ढगे यांच्या मार्गदर्शनाखाली संपन्न झाला. 

स्वत:च्या संरक्षणासाठी बहिणीने भावाकडे घातलेले साकडे म्हणजे रक्षाबंधन. हा उद्देश डोळ्यासमोर ठेवून आरोग्य केंद्रातील अधिपरिचारिकांनी कोरोना बाधितांची कोरोना रोगापासून सुटका व्हावी यासाठी त्या आरोग्य सेवा देत आहेत. कोरोना बाधित व्यक्तींना एकटे व परिवारापासून दूर असल्याची जाणीव होऊ नये यासाठी रक्षाबंधना सारख्या सणातून त्यांचे मनोबल वाढण्यास मदत होत आहे.  

अधिपरिचारिकांनी राखीची भेट म्हणून बाधित भावाने सोशल डिस्टसिंगचे पालन करुन स्वच्छतेची काळजी घेऊन सकारात्मक दृष्टीकोन ठेवावा. याबाबत इतरांना परावृत्त करावे अशी इच्छा त्यांनी व्यक्त केली. याबाबत हदगाव उपजिल्हा रुग्णालयाच्या कर्मचाऱ्यांसह, सर्व अधिपरिचारिकांचे वैद्यकीय अधीक्षक डॉ. ढगे यांनी कौतूक केले.

00000