गरजू कुटुंबांना अन्नधान्याच्या 306 किटचे वाटप

नांदेड, (जिमाका) दि. 31 :- कोरोना प्रादुर्भावामुळे अनेक कुटुंबांचे रोजगार बंद झाले असून कुटुंबातील सदस्यांवर उपासमारीची वेळ आली. ही परिस्थिती लक्षात घेऊन नांदेडचे जिल्हा न्यायाधीश दिपक धोळकिया यांच्या मार्गदर्शनाखाली जिल्हा विधी सेवा प्राधिकरणाचे सदस्य सचिव राजेंद्र रोटे व मुख्य न्यायदंडाधिकारी सतीश हिवाळे यांनी समाजातील गरजू कुटुंबांना अन्नधान्याच्या साधारणता 306 किटचे वाटप केले.

जिल्हा विधी सेवा प्राधिकरणचे कंत्राटी कर्मचारी मंगेश दमाने हे प्रमुख जिल्हा न्यायाधीश यांच्या कार्यामुळे प्रेरित झाले. त्यांनी त्यांच्या लग्नकार्यासाठी होणार अनावश्यक खर्च टाळून सामाजिक कामासाठी ती रक्कम वापरण्याचा निश्चय केला. 24 मे रोजी त्यांचा विवाह शिवानी गोविंद सालमोटे यांच्याशी संपन्न झाला. लग्नामध्ये करण्यात येणाऱ्या अनावश्यक खर्च टाळून लग्न अगदी साध्या पद्धतीने केले. लग्नाच्या विधीनंतर वधू-वरांनी सुमारे 51 अन्नधान्याच्या किटचे वाटप केले व समाजापुढे एक नवीन आदर्श निर्माण केला आहे.

000000