शासकीय आयटीआय
क्रिडा स्पर्धेची जय्यत तयारी
नांदेड, दि. 10 :- कौशल्य विकास व
उद्योजकता विभाग व्यवसाय शिक्षण व प्रशिक्षण संचालनालय मुंबई व प्रादेशिक
कार्यालयाच्या मान्यतेने अंतर्गत शासकीय आयटीआय क्रिडा 2019 स्पर्धेची जय्यत तयारी
चालू आहे.
शासकीय
आयटीआय व जिल्हास्तरीय स्पर्धा 12 ते 14 डिसेंबर 2019 या कालावधीत ही स्पर्धा नांदेड
शासकीय आयटीआय येथील मैदानावर घेण्यात येणार आहेत. या स्पर्धेसाठी प्राचार्य एस.
एस. परघणे यांच्या मार्गदर्शनाखाली क्रिडा समन्वयक गटनिदेशक आर. डी. केंद्रे, एस.
एच. मोतेवार, के. टी. बरगे, डब्ल्यू. एम. फारुकी, आर. पी. वानखेडे स्पर्धा
घेण्यासाठी रितसर समिती गठीत करण्यात आली आहे. ही स्पर्धा प्रथमत: संस्थास्तर,
जिल्हास्तर आयोजित करण्यात येणार आहे. या क्रिडा स्पर्धेत क्रिकेट, खो-खो,
हॉलिबॉल, धावणे, लांबउडी, उंचउडी, रांगोळी, तंत्रप्रदर्शन या स्पर्धेत विविध
उपक्रम राबविण्यात येणार आहेत. स्पर्धेत आयटीआय मधील संस्थास्तरावरील व
तालुकास्तरावरील प्रशिक्षणार्थीच्या व कर्मचाऱ्यांचा सहभाग असणार आहे. या
स्पर्धेच्या यशस्वीतेसाठी समिती गठीत करण्यात आली आहे, अशी माहिती नांदेड औद्योगिक
प्रशिक्षण संस्थेचे प्राचार्य यांनी दिली आहे.
000000
No comments:
Post a Comment