शासकीय अध्यापक महाविद्यालयात

बीएड द्वितीय वर्षाच्या प्रशिक्षणार्थ्यांना निरोप

नांदेड, दि. 16 :- शासकीय अध्यापक महाविद्यालय नांदेड येथे बीएड द्वितीय वर्षाच्या प्रशिक्षणार्थ्यांना प्रथम वर्षाच्या प्रशिक्षणार्थ्यांकडून निरोप देण्यात आला. अध्यक्षस्थानावरुन प्राचार्या डॉ. सुनंदा रोडगे यांनी विद्यार्थ्यांना परिक्षेच्या शुभेच्छा देऊन सध्या तापमानात वाढ होत असल्याने स्वत:चा बचाव करुन परिक्षेत यश संपादन करावे, असा सल्ला दिला.

यावेळी मागील वर्षात घेण्यात आलेल्या विविध स्पर्धेचे पारितोषिक प्रदान करण्यात आले. कार्यक्रमास महाविद्यालयाचे प्राध्यापक, कर्मचारी उपस्थित होते. कार्यक्रमाचे संयोजक / मार्गदर्शक डॉ. उमेश मुरुमकर हे होते. निरोप समारंभ कार्यक्रमाचे सूत्रसंचालन कु. सुकेशना नरवाडे तर आभार प्रशिक्षणार्थी सोनाली जोगदंड हिने केले.

000000