नांदेड शिख गुरुद्वारा सचखंड श्री हजूर अपचलनगर साहिब मंडळ

 निवडणूक प्रशिक्षणास गैरहजर असलेल्या

अधिकारी, कर्मचाऱ्यांना कारणे दाखवा नोटीस

नांदेड, दि. 24 :- नांदेड शिख गुरुद्वारा सचखंड श्री हजूर अपचलनगर साहिब मंडळाच्या निवडणूकीसाठी शुक्रवार 14 डिसेंबर 2018 रोजी गुरु ग्रंथ साहिब भवन नांदेड येथे आयोजित प्रशिक्षणास गैरहजर असणाऱ्या मतदान केंद्राध्यक्ष, क्षेत्रिय अधिकारी तसेच इतर अधिकारी, कर्मचाऱ्यांना कारणे दाखवा नोटीस नांदेडचे निवडणूक निर्णय अधिकारी तथा जिल्हाधिकारी अरुण डोंगरे यांनी बजावली आहे.

संबंधीत जिल्हाधिकारी यांचेमार्फत त्यांना खुलासा सादर करण्यास कळविले आहे. गैरहजेरीचा खुलासा सादर  न करणाऱ्यांविरुद्ध शिस्तभंग विषयक कार्यवाही प्रस्तावित करण्यात येईल. याची सर्व संबंधितांनी नोंद घ्यावी, असेही निर्देश दिले आहेत.

जिल्हाधिकारी नांदेड यांची अधिसूचना 26 नोव्हेंबर 2018 नुसार नांदेड शिख गुरुद्वारा सचखंड श्री हजूर अपलनगर साहिब मंडळाच्या तीन सदस्य निवडणूकीसाठी निवडणूक कार्यक्रम जाहीर करण्यात आला आहे. या निवडणूकीसाठी 14 डिसेंबर रोजी आयोजित या प्रशिक्षणास नांदेड, औरंगाबाद, बीड, जालना, लातूर, उस्मानाबाद, परभणी, हिंगोली व चंद्रपुर जिल्ह्यातील सर्व अप्पर जिल्हाधिकारी, अतिरिक्त पोलीस अधिक्षक, संबंधीत उपविभागीय अधिकारी, तहसिलदार, क्षेत्रिय अधिकारी, मतदान केंद्राध्यक्ष, मतदान अधिकारी उपस्थित होते.                                                                                      00000