केळी पिकाचा कृषि संदेश  

नांदेड दि. 24 :- उपविभागीय कृषि अधिकारी नांदेड अंतर्गत मुदखेड, अर्धापूर या तालुक्यात केळी पिकासाठी किड व रोग सर्वेक्षण हा प्रकल्प राबविण्यात येत आहे. केळी पिक संरक्षणासाठी पुढीलप्रमाणे कृषि संदेश देण्यात आला आहे.

केळीच्या झाडाच्या खालील भागातील 2-3 प्रादुर्भावग्रस्त पाने काढून टाकावीत. केळीच्या बागेस जास्तीचे पाणी देण्याचे टाळावे व बागेत पाणी साचून राहणार नाही, याची काळजी घ्यावी. प्रादुर्भावग्रसत पाने काढून टाकावीत व स्वच्छ मशागत करावी. जर पानावरील ठिपक्याचा रंग पिवळ्यावरुन काळपट होत असले तर प्रोपेकोनेझॉल 0.05 टक्के 1 मिली / 1 लि. अधिक स्टिकर 1 मिली प्रति 1 लिटर पाण्यात मिसळून फवारावे. जर काळपट ठिपकेचा आकार वाढत जावून ठिपके एकमेकात मिसळून मोठा काळपट डाग होत असल्यास कार्बेन्डॅक्झिम 0.5 टक्के (0.5 ग्रॅ / लि) अधिक मिनरल ऑईल 1 टक्के 10 मिली प्रति लिटर पाण्यात मिसळून बागेची फवारणी करावी, असे आवाहन उपविभागीय कृषि अधिकारी आर. टी. सुखदेव यांनी केले आहे.

00000000