लोहा नगरपरिषद निवडणुकीच्या
आरक्षणाची सोडत शुक्रवारी होणार
नांदेड दि. 27 :- नगरपरिषद लोहा
सार्वत्रिक निवडणूक 2018 साठी राज्‍य निवडणूक आयोगाने ठरवून
दिलेल्‍या आरक्षणाच्‍या प्रमाणानुसार शुक्रवार
31 ऑगस्ट 2018 रोजी तहसिल कार्यालय लोहा येथे सकाळी 11 वा.
चिठ्या काढून सदस्‍य पदांचे आरक्षण निश्चित करण्यात येणार आहे. लोहा नगरपरिषद क्षेत्रातील सर्व संबंधित नागरिकांनी
आरक्षण निश्चितीच्‍या कार्यक्रमास
सोडतीच्‍या ठिकाणी उपस्थित राहावे, असे आवाहन जिल्हाधिकारी नांदेड
यांनी केले आहे.
आरक्षण सोडतीच्‍या
कार्यक्रमाचे अध्‍यक्ष / प्राधिकृत अधिकारी म्हणून उपविभागीय अधिकारी कंधार यांची नियुक्‍ती
करण्यात आली आहे. लोहा नगरपरिषद क्षेत्रातील
एकूण प्रभागापैकी अनुसूचित जाती (स्‍त्री), अनुसूचित
जमाती (स्‍त्री), नागरिकांचा मागास प्रवर्ग व
नागरिकांचा मागास प्रवर्ग (स्‍त्री) आणि सर्वसाधारण
स्त्रीयांसाठी आरक्षण निश्चित करण्यात येणार आहे, असेही
प्रसिद्धी पत्रकात म्हटले आहे.
0000000
No comments:
Post a Comment