सार्वजनिक न्यास नोंदणी कार्यालयाची

कामे ऑनलाईन पद्धतीने सुरु

नांदेड, दि. 15  :- सार्वजनिक न्यास नोंदणी कार्यालयाची कामे ऑनलाईन पद्धतीने सुरु झाली आहेत. न्यासाच्या विश्वस्तांना त्यांचे न्यासाचे परिशिष्ट- एकची माहिती www.charity.maharashtra.gov.in या संकेतस्थळावर भरावयाची आहे. अर्जदारांनी त्यांच्या संस्था नोंदणी, न्यास नोंदणी, बदल अर्ज, कलम 41 क अंतर्गत परवाना अर्ज व लेखा परीक्षण अहवाल ऑनलाईन भरावेत, असे आवाहन नांदेड विभागाचे धर्मादाय उपआयुक्त प्रणिता श्रीनीवार यांनी केले आहे.

सार्वजनिक न्यास नोंदणी कार्यालयाच्यावतीने ऑनलाईन पद्धतीने संस्था नोंदणी अर्ज उपाआयुक्त प्रणिता श्रीनीवार व सहायक धर्मादाय आयुक्त मंजुषा अलोने यांच्या हस्ते पहिले नोंदणी प्रमाणपत्र ऑनलाईन पद्धतीने नुकतेच देण्यात आले. अर्ज ऑनलाईन पद्धतीने सादर करण्यासाठी अर्जदारास ईमेल आयडी, मोबाईल नंबर, आधार कार्ड व पॅनकार्ड आवश्यक आहे. तसेच इतर विश्वस्ताची सुद्धा ही माहिती असणे आवश्यक आहे.

000000