चर्मोद्योग विकास महामंडळाच्या

थकबाकीदारांची यादी जाहीर करणार

नांदेड, दि. 23 :- संत रोहिदास चर्मोद्योग व चर्मकार विकास महामंडळाच्या कर्ज थकबाकीदारांची यादी महामंडळाच्यावतीने जाहीर प्रसिद्धीस देण्यात येणार असल्याचे जिल्हा व्यवस्थापक नांदेड यांनी कळविले आहे.

नांदेड जिल्ह्यात महामंडळाचे सुमारे 71 कर्ज थकबाकीदार आहेत. त्यांच्याकडे 71 लाख 33 हजार रुपयांची थकबाकी आहे. सन 2004-05 पासून सन 2015 पर्यंतचे हे थकबाकीदार कर्ज परतफेडीबाबत महामंडळाला सहकार्य करत नाहीत. अशा या थकबाकीदारांची यादी महामंडळाकडून जाहीर प्रसिद्धीस देण्यात येईल. ही यादी विविध ठिकाणच्या शासकीय कार्यालयात फलकांवर लावण्यात येईल, असे महामंडळाच्यावतीने कळविण्यात आले आहे.  

00000000