जागतिक आरोग्य दिनानिमित्त

अवयवदान, मोतीबिंदू, थायरॉईड विकाराबाबत जनजागृती रॅली

 

नांदेड दि. 7 :- वैद्यकिय शिक्षण विभागामार्फत विविध व्याधीच्या प्रतिबंधात्मक उपाय व उपचाराबाबत जनजागृती अभियान व जागतिक आरोग्य दिनानिमित्त येथील शासकीय आयुर्वेदिक महाविद्यालय व रुग्णालय येथून अवयवदान, मोतीबिंदू व थायरॉईड विकाराबाबत आज जनजागृती रॅली काढण्यात आली होती. महाविद्यालयाचे अधिष्ठाता डॉ. वाय. आर. पाटील यांनी या रॅलीला हिरवी झेंडी दाखवून रॅलीची सुरूवात केली.

 

अवयवदानामुळे अनेकांचे अमूल्य प्राण वाचू शकतात त्यामुळे सर्वांनी अवयवदान अभियानात सहभाग नोंदवावा, असे आवाहन अधिष्ठाता डॉ. पाटील यांनी केले. या रॅलीत निवासी वैद्यकीय अधिकारी डॉ. मंजुषा पाटील, महाविद्यालयातील अध्यापक, पदवी, पदव्युत्तर विद्यार्थी, कर्मचारी सहभागी झाले होते.

0000