प्रलंबीत शिष्यवृत्तीसाठी

समाज कल्याणचे आवाहन

नांदेड, दि. 4 :- विद्यार्थ्यांची शिष्यवृत्ती / शिक्षण फी परीक्षा फी, निर्वाह भत्ता, विद्यावेतन आदी लाभ देण्याचे प्रलंबीत असल्याने ई-स्कॉलरशीप हे संकेतस्थळ मर्यादीत कालावधीसाठी सुरु आहे. जिल्ह्यातील कनिष्ठ, वरिष्ठ तसेच व्यावसायिक महाविद्यालयांनी पात्र विद्यार्थ्यांचे प्रलंबीत व नुतनीकरण प्रस्ताव त्वरीत सहाय्यक आयुक्त समाज कल्याण नांदेड यांच्या लॉगीनवर पाठवून त्याची हार्ड कॉपी सादर करावी, असे आवाहन सहाय्यक आयुक्त समाज कल्याण नांदेड यांनी केले आहे. प्रलंबीत विद्यार्थ्यांची शिष्यवृत्ती अदा करणे ही संबंधीत महाविद्यालयाच्या प्राचार्यांची जबाबदारी राहील, असेही प्रसिद्धी पत्रकात नमूद केले आहे.

00000