वृत्त क्र. 713  

पिककर्ज लाभ शेतकऱ्यांना मिळण्यासाठी

बँकानी करावेत विशेष प्रयत्न

-         जिल्हाधिकारी डॉ. विपीन इटनकर

        नांदेड (जिमाका) दि. 31 :- जिल्ह्यात जास्तीत जास्त पात्र शेतकऱ्यांना पिककर्जाचा लाभ देण्यासाठी बँकानी गावोगाव पिककर्ज जनजागृती करावी. शेतकऱ्यांकडून अनावश्यक कागदपत्रांची मागणी करु नये असे, निर्देश जिल्हाधिकारी डॉ. विपीन इटनकर यांनी दिले आहेत.

            जिल्ह्यातील शेतकऱ्यांना पीककर्ज वाटपाचे प्रमाण 19 टक्के एवढे कमी आहे. कर्ज वाटपाचे प्रमाण वाढविण्यासाठी बँकानी गावोगाव पीककर्ज मेळावे आयोजित करुन या कर्ज मेळाव्याची माहिती, पुर्वसूचना, प्रसिध्दी व्यापक प्रमाणात करावी. याबाबत स्थानिक लोकप्रतिनिधीचे सहकार्य घेण्यात यावे. बँकानी जुने कर्जधारकांना नवीन पीककर्ज वाटप करतांना फेरफार नक्कल, टोच नकाशा, बेबाकी प्रमाणपत्र व इतर अनावश्यक कागदपत्राची मागणी करु नये, असे आढळून आल्यास कडक कार्यवाही करण्यात येईल असेही निर्देश जिल्हाधिकारी यांनी दिले आहेत. 

00000