कर्मचाऱ्यांचा माहितीकोष ऑनलाईन

आज्ञावलीत अद्यावत करण्याचे आवाहन

नांदेड दि. 7 :- शासन परिपत्रकानुसार शासकीय कर्मचाऱ्यांचा सर्वंकष माहितीकोष 2019 या मध्ये ‍ 1 जुलै 2019 यासंदर्भ दिनांकास संबंधित आहरण व संवितरण अधिकारी यांच्या कार्यकक्षेत येणाऱ्या प्रत्येक कर्मचाऱ्यांची माहिती दरवर्षीप्रमाणे याही वर्षी संगणकीय ऑनलाईन आज्ञावलीमध्ये अद्यावत करण्यात येणार आहे.

नियोजन विभागाचे शासन 14 ऑगस्ट 2019 नुसार कर्मचारी सर्वंकष माहितीकोष 2019 तयार करण्याचे काम जिल्हा सांख्यिकी कार्यालय नांदेड यांच्यामार्फत सुरू करण्यात आले आहे. शासन परिपत्रकानुसार जिल्ह्यातील सर्व राज्य शासकीय कार्यालयातील आहरण व संवितरण अधिकारी यांनी  त्यांच्या कार्यालयाची व त्यांच्या आस्थापनेवरील  नियमित, नियमित्तेर, रोजंदारीवरील, अंशकालीन, मानसेवी व तदर्थ तत्वावर कर्मचाऱ्यांची 1 जुलै 2019 या संदर्भ दिनांकाची माहिती ऑनलाईन आज्ञावलीमध्ये नोंदविणे आवश्यक आहे.

ही माहिती ऑनलाईन नोंदवून जिल्हा सांख्यिकी कार्यालयाचे प्रमाणपत्र-1 जोडल्याशिवाय नोव्हेबर -2019 चे वेतन देयके कोषागार कार्यालयाकडुन स्विकारण्यात येणार नाहीत याची सर्व राज्य शासकीय आहरण व संवितरण अधिकारी यांनी नोंद घ्यावी, असे आवाहन जिल्हा सांख्यिकी अधिकारी नांदेड यांनी केले आहे.  अधिक माहितीसाठी जिल्हा सांख्यिकी कार्यालय, उद्योग भवन, तळमजला शिवाजीनगर, नांदेड येथे   02462-252775 ई-मेल- dso.nanded@hotmail.com संपर्क साधावा, असे आवाहन जिल्हा सांख्यिकी अधिकारी नांदेड यांनी केले आहे.

00000