"समृध्द महाराष्ट्र
जनकल्याण"बाबत
नांदेड
तहसिलमध्ये कार्यशाळा संपन्न
नांदेड दि. 9 :- महात्मा गांधी राष्ट्रीय ग्रामीण
रोजगार हमी योजनेतील सर्व यंत्रणांची "समृध्द महाराष्ट्र जनकल्याण
योजने"च्या अनुषंगाने कार्यशाळा
नांदेडचे उपविभागीय अधिकारी प्रदीप कुलकर्णी यांच्या अध्यक्षतेखाली तहसिल कार्यालय नांदेड येथे आज संपन्न झाली.
नांदेड तालुकास्तरीय
तहसिलदार, गटविकास अधिकारी, नायब तहसिलदार, ग्रामसंपर्क अधिकारी, तालुक्यातील
सरपंच, मंडळ अधिकारी, मंडळ कृषी अधिकारी, अव्वल कारकुन, एपीओ,
ग्रामसेवक, तलाठी, कृषी सहायक, ऑपरेटर यांची
यावेळी उपस्थिती होती.
कार्यशाळेत शासनाच्या समृध्द
महाराष्ट्र जनकल्याण योजनेच्या 11 कलमी कार्यक्रमाबाबत चर्चा करण्यात आली. यापुर्वीच्या
तसेच विभागीय आयुक्त यांच्या कार्यशाळेच्या अनुषंगाने कामांचा आढावा घेण्यात आला. यात ग्रामस्तरावर कशाप्रकारे कामे सुरु करण्यात
येतील, जास्तीतजास्त कामे कसे घेण्यात येतील याबाबत मार्गदर्शन करण्यात आले.
ग्रामस्तरावर काम करणाऱ्या कर्मचाऱ्यांच्या व सरपंचांच्या
अडचणी जाणून घेण्यात आल्या व त्यावर संबंधीत विभागाच्या अधिकाऱ्यांमार्फत
मार्गदर्शन करण्यात आले. यावेळी उपविभागीय अधिकारी कुलकर्णी, तालुका
संपर्क अधिकारी श्री. कोंडेकर, तहसिलदार किरण
अंबेकर गटविकास अधिकारी श्री. घोलप यांनी उपस्थितांना
मार्गदर्शन केले. तर सरपंच जिल्हा संघटनेचे
अध्यक्ष दासराव
हंबर्डे यांनीही मनोगत व्यक्त केले.
No comments:
Post a Comment