नांदेड ग्रंथोत्सवात “माझ्याजवळ बसा खुदुखुदु हसा"

या विनोदी कार्यक्रमाचे आज आयोजन  

नांदेड, दि. 21 :-  नांदेड ग्रंथोत्सवानिमित्त नांदेडकरांच्या मनोरंजनासाठी हसण्याची संधी उपलब्ध झाली आहे. कुसुम सभागृहात बुधवार 22 नोव्हेंबर रोजी सांय. 6.30 वा. “माझ्याजवळ बसा खुदुखुदु हसा" हा ॲड. अनंत खेळकर, अकोला यांचा तुफान विनोदी कार्यक्रम आयोजित केला आहे. या कार्यक्रमात शेरोशायरी, इरसाल, काव्य व भन्नाट किस्से याची मेजवाणी लाभणार असून कार्यक्रमास विनामूल्य प्रवेश आहे.

            महाराष्ट्र शासनाच्या उच्च व तंत्रशिक्षण विभाग, ग्रंथालय संचालनालय, मुंबई, जिल्हा ग्रंथालय अधिकारी कार्यालय, नांदेड यांच्या संयुक्त विद्यमाने आयोजित नांदेड ग्रंथोत्सव 2017 निमित्त आयोजित या भन्नाट हास्य कार्यक्रमाचा लाभ घ्यावा, असे आवाहन जिल्हा ग्रंथालय अधिकारी सुनिल हुसे यांनी केले आहे.

000000