वृत्त क्रमांक 1168

शासकीय तंत्रनिकेतन नांदेडला एनबीए मानांकन : शिक्षण क्षेत्रात यशाची भर

नांदेड,दि.७ नोव्हेंबर:- शासकीय तंत्रनिकेतन नांदेडच्या सिव्हिल, माहिती तंत्रज्ञान व विद्युत अभियांत्रीकी या विभागाला 31 डिसेंबर2028 पर्यंत तसेच यंत्र व उत्पादन अभियांत्रिकी या विभागाला दि. 30 जून 2027 पर्यंत National Board of Aceridinarion (NBA) कडून मानांकन प्राप्त झाले आहे.

राष्ट्रीय मान्यता मंडळ (एनबीए) ही भारतातील एक स्वायत्त संस्था आहे जी अभियांत्रिकी आणि इतर  तांत्रिक कार्यक्रमांचे मूल्यमापन आणि मान्यता राष्ट्रीय स्तरावर देते. सदर  राष्ट्रीय मानांकण हे विभागाच्या दर्जेदार, शैक्षणिक आणि तांत्रिक सुविधासाठी मिळाले आहे.

एनबीए मान्यता प्रक्रियेत अभ्यासक्रम, विद्यार्थाची गुणवत्ता आणि मुल्यांकन प्रणाली इ. बाबींची कसून तपासणी केली जाते.  राष्ट्रीय मान्यता मंडळ (एनबीए) मान्यता दिल्याने विद्यार्थ्यांना उच्च दर्जाचे शिक्षण, चांगल्या नोकरीच्या संधी आणि आंतरराष्ट्रीय स्तरावर मान्यता मिळण्यात मदत होते. यामुळे शिक्षण शिकण्याच्या प्रक्रियेत सुधारणा होते. 

तसेच संस्थेच्या वैद्यकीय अणुविद्युत या विभागाला MSBTE कडून मागील वर्षाकरिता शैक्षणिक तसेच गुणवत्तेच्या आधारे उत्कृष्ट दर्जा प्राप्त झाला आहे. त्याचबरोबर भारत सरकारच्या अन्न सुरक्षा व मानक प्राधिकरण यांच्याकडून संस्थेस २६ जुन 2027 पर्यंत प्रमाणित करण्यात आले आहे.

नजिकच्या कालावधीमध्ये जास्तीत जास्त शाखांना मानांकन मिळणारी मराठवाड्यातील शासकीय तंत्रनिकेतन नांदेड ही दुसरी संस्था ठरली आहे. त्यामुळे संस्थेची मान नक्कीच उंचावलेली आहे. 

सदरील मानांकनासाठी विभागाचे संचालक तसेच सहसंचालक यांचे वेळोवेळी मार्गदर्शन लाभले आहे. या यशाबद्दल संस्थेचे प्राचार्य डॉ. एन. एल. जानराव यांनी तसेच संस्थेचे एनबीए समन्वयक डॉ.गणेशडी अवचट यांनी समाधान व्यक्त केले असून, हे यश सर्व प्राध्यापक आणि कर्मचाऱ्यांच्या अथक प्रयत्नांचे फळ असल्याचे सांगितले. यामुळे विद्यार्थ्यांच्या भविष्यासाठी हे एक महत्त्वपूर्ण यश ठरले आहे. 

0000