वृत्त क्र. 756

जवाहर नवोदय विद्यालय शंकरनगर येथे इयत्ता 6 वीमध्ये

प्रवेश घेवू इच्छिणाऱ्या विद्यार्थ्यांनी प्रवेश परीक्षेसाठी 29 जुलैपर्यत अर्ज करण्याचे आवाहन 

नांदेड दि. 23 जुलै :- शैक्षणिक वर्ष 2026-27 साठी जवाहर नवोदय विद्यालय, शंकरनगर  ता. बिलोली  जि. नांदेड येथे इयत्ता सहावीमध्ये प्रवेश घेवू इच्छिणाऱ्या विद्यार्थ्याना प्रवेश परीक्षेसाठी ऑनलाईन अर्ज करण्यासाठी 29 जुलै 2025 हा अंतिम दिनांक आहे. या प्रवेश परीक्षेसाठी पालक, विद्यार्थ्यांनी त्वरीत अर्ज भरावेत, असे आवाहन जिल्हा प्रशासनाच्यावतीने करण्यात आले आहे. 

भारताचे दिवंगत माजी पंतप्रधान राजीव गांधी यांच्या संकल्पनेतून केंद्र सरकारच्या माध्यमातून प्रत्येक जिल्ह्यात एक जवाहर नवोदय विद्यालय सुरु करण्यात आले आहे. या जवाहर नवोदय विद्यालयात गरजू व होतकरू हुशार, सर्व सामान्य कुटूंबातील विद्यार्थ्यांना दर्जेदार शिक्षण मिळावे. यासाठी इयत्ता पाचवीमध्ये शिक्षण घेणाऱ्या विद्यार्थ्याची निवड चाचणी प्रवेश परीक्षा द्वारे निवड करण्यात येते. अधिक माहितीसाठी 9926928732, 9977994732  क्रमांकावर संपर्क साधावा, असे निवासी उपजिल्हाधिकारी नांदेड यांनी कळविले आहे.

0000