पिक विमा 24 जुलै पूर्वी भरावा

नांदेड दि. 10 :- खरीप हंगाम 2019 साठी पिक विमा भरण्याची अंतिम तारीख बुधवार 24 जुलै 2019 असुन शेतकऱ्यांनी शेवटच्या दिवसापर्यंत वाट न पाहता त्यापुर्वी विमाहप्ता आपल्या जवळच्या बँकेत / जनसुविधा केंद्रात भरावा. अर्ज सादर करताना चालु 7/12, 8-अ उतारा, बँक पासबुक व आधार कार्ड छायांकित प्रत व विमा अर्ज विमा हप्ता रक्कमेसह दयावा. जनसुविधा केंद्राद्वारे (सी.एस.सी सेंटर) विम्याचा प्रस्ताव दाखल करताना विमा हप्ता व्यतिरीक्त कोणतेही शुल्क देऊ नये.  शेतकऱ्यांसाठी ही सेवा नि:शुल्क आहे, असे आवाहन जिल्हा अधीक्षक कृषि अधिकारी नांदेड यांनी केले आहे.  

00000