वृत्त क्रमांक 48

नांदेड येथील औद्योगिक प्रशिक्षण संस्थेत १९ जानेवारी रोजी पीएमएनएएम शिकाऊ उमेदवारी भरती मेळावा

नांदेड, दि. 16 जानेवारी :- मूलभूत प्रशिक्षण तथा अनुषंगिक सूचना केंद्र व औद्योगिक प्रशिक्षण संस्था, नांदेड यांच्या संयुक्त विद्यमाने प्रधानमंत्री नॅशनल अप्रेंटिसशिप प्रोत्साहन योजना (PMNAM) अंतर्गत शिकाऊ उमेदवारी भरती मेळाव्याचे आयोजन सोमवार, दि. १९ जानेवारी २०२६ रोजी सकाळी ११ वाजता औद्योगिक प्रशिक्षण संस्था, नांदेड येथे करण्यात आले आहे.

या भरती मेळाव्यात आयटीआय, बारावी उत्तीर्ण/नापास तसेच पदविधारक उमेदवारांसाठी विविध नामांकित कंपन्यांमार्फत शिकाऊ उमेदवारांची निवड करण्यात येणार आहे. भरतीचा तपशील पुढीलप्रमाणे आहे. जॅबिल इंडिया प्रा. लि., पुणे येथे वायरमन, मेकॅनिक इलेक्ट्रॉनिक्स, इलेक्ट्रीशियन, कोपा (COPA), आयसीटीएसएम (ICTSM), फिटर या व्यवसायांसाठी उमेदवारांची निवड करण्यात येणार आहे.

क्वीज कॉर्प प्रा. लि., पुणे येथे बारावी उत्तीर्ण तसेच आयटीआय (दोन वर्षांचा व्यवसाय) उत्तीर्ण उमेदवारांची भरती होणार आहे. नागार्जुन कन्स्ट्रक्शन कंपनी, हैदराबाद येथे इलेक्ट्रीशियन, आयसीटीएसएम, वायरमन, इलेक्ट्रॉनिक्स या व्यवसायांच्या उमेदवारांची भरती करण्यात येणार आहे. तसेच श्री छत्रपती शिवाजी महाराज जॉब प्लेसमेंट, नांदेड या आस्थापनेद्वारे फिटर, एमएमव्ही (MMV), डिझेल मेकॅनिक, इलेक्ट्रीशियन, मशीनिस्ट तसेच बारावी उत्तीर्ण व पदविधारक उमेदवारांची निवड करण्यात येणार आहे.

पात्र आयटीआय, बारावी उत्तीर्ण/नापास व पदविधारक उमेदवारांनी आवश्यक कागदपत्रांसह दि. १९ जानेवारी २०२६ रोजी सकाळी ११ वाजता औद्योगिक प्रशिक्षण संस्था, नांदेड येथे उपस्थित राहावे, असे आवाहन सहाय्यक प्रशिक्षणार्थी सल्लागार पी. के. अन्नपुर्णे यांनी केले आहे.

०००००