कृषि विभागाच्या लोगो सुधारीत

करण्यासाठी जाहीर आवाहन

नांदेड, दि. 27 :- कृषि विभागाचा लोगो प्रचलित असून कार्यालयीन कामकाजासाठी वापरण्यात येतो. सद्या कृषि क्षेत्रात आधुनिक तंत्रज्ञान, माहिती तंत्राज्ञनाचा वापर करुन शेतकऱ्यांच्या हितासाठी विविध योजना राबविण्यात येतात.

प्रचलित लोगोमध्ये बदल करुन नव्याने लोगो करण्याचे प्रस्तावित आहे. या लोगोमध्ये सुधारणा करुन डीटीपी डिझाईनची सॉफ्ट व हार्ड रंगीत कॉपी कृषि माहिती विभाग कृषि भवन दुसरा मजला शिवाजीनगर पुणे येथे समक्ष व ddinfor@gmail.com या ईमेलद्वारे 25 मार्च 2020 पर्यंत पाठविण्यात यावा. उत्कृष्ट लोगो तयार करणाऱ्या व्यक्ती, संस्था, फर्म्सला 1 लाख रुपये रक्कम पारितोषिक देऊन विजेता म्हणून घोषित करण्यात येईल. तसेच हा लोगो वापरण्याचे स्वामित्व हक्क कृषि विभागाकडे राहील याची नोंद घ्यावी. अधिक माहितीसाठी कृषि उपसंचालक (माहिती) कृषि भवन, कृषि आयुक्तालय महाराष्ट्र राज्य पुणे- 5 कार्यालय नंबर 020-25537865 मो. नं. 9823356835 वर संपर्क साधावा, असे आवाहन कृषि संचालक (विस्तार व प्रशिक्षण) कृषि आयुक्तालय महाराष्ट्र राज्य पुणे यांनी केले आहे.              

000000

प्रादेशिक परिवहन कार्यालयातील

अनुज्ञप्ती चाचणी शिबिराच्या दिनांकात बदल

नांदेड, दि. 27 :- शासनाने राज्यातील सर्व शासकीय कार्यालयांना महिन्यातील प्रत्येक शनिवारी सुट्टी निश्चित केल्यामुळे 29 फेब्रुवारी 2020 ते 4 एप्रिल 2020 पर्यंतच्या शनिवार रोजी शिकाऊ अनुज्ञप्ती चाचणीसाठी ज्यांनी अपॉईटमेंट घेतलेल्या आहेत त्यांच्या अपॉईंमेंट पुढीलप्रमाणे बदलून देण्यात आली आहे.

कंसाबाहेर अपॉईंटमेंट घेतलेले दिनांक (कंसात बदल केलेले दिनांक) कंसाबाहेर स्लॉट क्रमांक (कंसात स्लॉट वेळ) याप्रमाणे 29 फेब्रुवारी 2020 (2,3,4,5 मार्च 2020) 1,2,3,4 (9.30 ते 11, 11 ते 12.30, 12.30 ते 14, 14.30 ते 15 वा.) 7 मार्च 2020 (9, 11 मार्च 2020) 1 व 2, 3 व 4 (9.30 ते 12.30, 12.30 ते 15, 9.30 ते 12.30). 21 मार्च 2020 (23, 24 मार्च 2020)  1 व 2, 3 व 4 (9.30 ते 12.30, 12.30 ते 15.00). 4 एप्रिल 2020 (7 एप्रिल 2020) सर्व स्लॉट (9.30 ते 15.00).

नांदेड प्रादेशिक परिवहन कार्यालयाच्या अधिपत्याखाली घेण्यात येणारे माहूर येथील अनुज्ञप्ती चाचणी शिबीर शनिवार 29 फेब्रुवारी 2020 रोजी चालू राहणार आहे, याची नोंद घ्यावी असे आवाहन नांदेडचे सहा प्रादेशिक परिवहन अधिकारी अनंता जोशी यांनी केले आहे.

00000

कोरोना आजाराच्या प्रतिबंधासाठी आरोग्य यंत्रणा सज्ज

नांदेड, दि. 27 :- जिल्हा समन्वय समितीची बैठक जिल्हाधिकारी डॉ. विपीन ईटणकर यांच्या अध्यक्षतेखाली जिल्हाधिकारी कार्यालयात आज घेण्यात आली. यावेळी कोरोना विषाणूजन्य आजाराच्या प्रतिबंधसाठी महत्वपूर्ण चर्चा करण्यात आली.  

कोरोना सदृश लक्षणे आढळून आलेल्या रुग्णांसाठी नांदेड जिल्हा रुग्णालय येथे विलगीकरण कक्षाची स्थापना करण्यात आली आहे. वरील प्रकारची लक्षणे आढळलेल्या रुग्णांनी जिल्हा रुग्णालय नांदेड संबंधित आरोग्य तपासणी सेवेचा तात्काळ लाभ घ्यावा, असे आवाहन जिल्हाधिकारी डॉ. विपीन इटणकर, जिल्हा शल्य चिकित्सक डॉ. एन.आय. भोसीकर व जिल्हा आरोग्य अधिकारी बालाजी शिंदे यांनी केले आहे.

बैठकीस अतिरिक्त जिल्हा आरोग्य अधिकारी डॉ. प्रवीण मुंढे, डॉ. विद्या झिने, मनपा वैद्यकीय अधिकारी डॉ. एस. आर. बिसेन जिल्हा पशुसंवर्धन अधिकारी डॉ. शिवाजी पवार, श.च.वै.म. (Dean) यांचे प्रतींनिधी डॉ. भुरके हे उपस्थित होते.

जगातील चीन या देशात मानवी आरोग्यास अत्यंत घातक अशा करोना विषाणुचा प्रसार मोठ्या प्रमाणात  झाल्याचे दिसून आले आहे. चीन या  देशात न्युमोनियाच्या रुग्ण संख्येत अचानकपणे मोठ्या प्रमाणात झालेली  वाढ ही (करोना) या विशानुजन्य आजाराचे मुख्य कारण असल्याचे सिद्ध झाले आहे.

या प्रकारचे रुग्ण चीन मधील हुबेई प्रांतातील वुहान या शहरात 31 डिसेंबर 2019 मध्ये आढल्याचे दिसून आले आहे. त्याचबरोबर थायलंड,जपान व इटली या शहरातूनही  या आजाराची रुग्ण आढळून आल्याचे दिसून आले. या विषाणूची आतापर्यंत 80 हजार 239  इतक्या रुग्णांना याची लागण झाली असून यामुळे 2 हजार 700 इतक्या रुग्णांचा मृत्यू झाला आहे.

याच पार्श्वभूमीवर भारत सरकारने सार्वजनिक आरोग्य विभागाच्या माध्यमातून मुंबई, दिल्ली व कलकत्ता या आंतरराष्ट्रीय विमानतळावर अशा बाधित देशातून येणाऱ्या प्रवाशांचे स्क्रीनिंग (आरोग्य तपासणी)  सुरु केलेली आहे.

अशा प्रवाशामधून आढळलेल्या संशयित रुग्णांचा  व त्यांच्या निकट सहवासितांचा पाठपुरावा व आवश्यक कार्यवाही ही एकात्मिक रोग सर्वेक्षण कार्यक्रमामार्फत (आयडीएसपी ) करण्यात येत असून राष्ट्रीय विषाणू विज्ञान संस्था पुणे येथे या आजाराच्या निदानाची सुविधा उपलब्ध आहे.

कोरोना विषाणूचा रोगप्रसार : या विषाणूचा प्रसार नक्की कशामुळे होतो याची निश्चित माहिती आजच्या घडीला उपलब्ध नाही. मात्र लक्षणांचे सवरूप पाहता, शिंकणे खोकणे या वाटे हवे मार्फत या विषाणूचा प्रसार होत असावा असा एक अंदाज आहे.

            या विषाणुकारिता कोणतेही लस किंवा विशिष्ट औषध उपलब्ध नाही. कोरोना विषाणू हा प्राणीजन्य आजार असला तरी हा नवीन विषाणू नक्की कोणत्या प्राण्यांच्या संपर्कातून पसरतो याबद्दल निश्चित माहिती उपलब्ध नाही.

कोरोना विषाणू आजाराची सर्वसामान्य लक्षणे : अचानक येणारा तीव्र ताप, खोकला, दमा लागणे, घसा बसने, श्वासास अडथळा, पचन संथेची लक्षणे.

कोरोना प्रतिबंधात्मक खबरदारी : या विषाणूचा उद्भव कसा झाला आणि त्याचा प्रसार कसा होतो हे निश्चितपणे माहित नसल्याने या संदर्भात निश्चित प्रतिबंधात्मक खबरदारी कशी घ्यावी यावर भाषा करणे कठीण असले तरी सर्वसाधारणपणे  आजाराचे स्वरूप लक्षात घेता हा आजार होऊ नये यासाठी पुढीलप्रमाणे खबरदारी घेणे आवशयक आहे.

श्वसन संस्थेचा आजार असलेल्या व्यक्तींशी निकट सहवास टाळणे. हाताची नियमित स्वच्यता ठेवणे. न शिजवलेले अथवा अपुरे शिजवलेले मांस खाऊ नये. खोकताना शिंकताना नका- तोंडावर रुमाल / टिश्यू पेपरचा वापर करावा

खालील प्रकारच्या व्यक्तिनी विनाविलंब वैद्यकीय सल्ला घ्यावा : स्वस्नास त्रास होणाऱ्या व्यक्ती, प्रतिकार शक्ती कमी असलेल्या आजारी व्यक्ती आणि ज्यांनी नुकताच नवीन करोना विषाणू,बाधित देशात प्रवास केला असे व्यक्ती.

00000

  मोटार सायकलसाठी नवीन मालिका

नांदेड, दि. 27 :- मोटार सायकलसाठी MH 26-BT ही नविन मालिका सोमवार 2 मार्च 2020 पासून सुरु होत आहे. ज्या अर्जदारांना पसंती क्रमांक घ्यावयाचा आहे त्यांचे (आधारकार्ड, पॅनकार्ड मोबाईल नंबर व ई-मेलसह) अर्ज 3 मार्च 2020 रोजी दुपारी 2.30 पर्यंत स्विकारण्यात येणार आहेत. त्यानंतर पसंती क्रमांकासाठी अर्ज स्विकारण्यात येणार नाहीत.

ज्या पसंती क्रमांकासाठी एकापेक्षा जास्त अर्ज प्राप्त झाल्यास 4 मार्च 2020 रोजी सकाळी 11.30 वा. कार्यालयात त्याची यादी प्रदर्शित करण्यात येईल व Text message द्वारे संबंधीत अर्जदारास कळविण्यात येईल. नागरिकांनी याबाबतची नोंद घ्यावी , असे आवाहन प्रादेशिक परिवहन अधिकारी नांदेड यांनी केले आहे.

000000

बी.एस.चार वाहनाची नोंदणी

20 मार्च पूर्वी करण्याचे आवाहन

नांदेड, दि. 27 :- मा. सर्वोच्च न्यायालयाच्या निर्देशान्वये भारतात सद्य:स्थितीत वाहनांसाठीची प्रदुषण मानके बी.एस.चार चालू आहेत. ही मानके दि. 31 मार्च 2020 नंतर बंद केली जातील. कोणत्याही बी.एस.चार वाहनाची नोंदणी त्यानंतर केली जाणार नाही. वाहनाचे नोंदणी शुल्क, कर आदी भरलेला असला तरीही  31 मार्च 2020 नंतर बी.एस.चार वाहनांची नोंदणी होणार नाही.

सर्व वाहन वितरकांना व वाहन धारकांनी बी. एस. चार वाहन काही कारणास्तव नोंदणी करावयाचे प्रलंबित असेल जसे, वित्तदात्याकडील थकीत प्रकरण, वाहन मालकाचे आजारपण, वाहन मालकाचा अपघात इ. तर अशा वाहनाची नोंदणी 20 मार्च 2020 पूर्वी पूर्ण करुन घ्यावी. संगणकीय वाहन प्रणालीवर कोणत्याही परिस्थितीत 31 मार्च 2020 नंतर फक्त बी.एस.सहा मानकांच्या वाहनांची नोंदणी करता येणार आहे.

गुढीपाडव्यासाठी वाहन खरेदी करण्यासाठी इच्छुकांनी 25 मार्च 2020 तत्पूर्वी किमान 6 ते 7 दिवस अगोदर आपण आपल्या वाहनांच्या कागदपत्रांची पूर्तता (जसे की शुल्क, कर इ. भरणे) पूर्ण करुन घ्यावी. जेणेकरुन एचएसआरपी नंबर प्लेट बसवून वितरक आपणाला वाहन गुढी पाडव्याच्या शुभ मुहूर्तावर  25 मार्च 2020 रोजी वाहन डिलिव्हरी देवू शकेल.

मा. सर्वोच्च न्यायालयाचे आदेश पाहता व संगणकीय प्रणालीतील बदल पाहता वाहन वितरक व वाहन मालकांची कोणत्याही प्रकारची बी.एस.चार मानकांच्या वाहनांची नोंदणी अर्जाचा विचार केला जाणार नाही याची सर्वांनी नोंद घ्यावी व आपल्या वाहनाची नोंदणी प्रक्रीया 31 मार्च 2020 पूर्वीच पूर्ण करावी, असे आवाहन नांदेडचे प्रादेशिक परिवहन अधिकारी शैलेश कामत यांनी केले आहे.  

00000

मौजे ब्रम्हपुरी गोदावरी नदीच्या

पात्र परिसरात कलम 144 लागू

नांदेड, दि. 27 :- मौजे ब्रम्हपुरी येथील गोदावरी नदी पात्र परिसरात शांतता व सुव्यवस्था अबाधीत रहावी यासाठी फौजदारी प्रक्रिया संहिता 1973 चे कलम 144 प्रमाणे नांदेड ग्रामीण पोलीस स्टेशनच्या हद्दीतील नदी पात्रातील परिसर प्रतिबंधीत क्षेत्र म्हणून 27 फेब्रुवारी 2020 पासून घोषित करण्यात आले आहे. त्याबाबत जिल्हादंडाधिकारी कार्यालयाने आदेश निर्गमीत केले आहेत.

याबंदी आदेशात म्हटले आहे की, फौजदारी प्रक्रिया संहिता 1973 चे कलम 144 नुसार प्राप्त अधिकाराचा वापर करुन चतु:सिमा पुर्वेस वाजेगाव कोल्हापुरी बंधारा, पश्चिमेस नांदेड ते देगलूरकडे जाणाऱ्या रोडवरील जुना पूल, दक्षिणेस गोदावरीचे नदीचे पात्र आणि उत्तरेस चिल्ला / दर्गाची संरक्षण भिंत यामधील जागा 27 फेब्रुवारी 2020 रोजी सकाळी 6 वाजेपासून ते 27 मार्च 2020 रोजीच्या मध्यरात्री पर्यंत फौजदारी प्रक्रिया संहिता 1973 चे कलम 144 प्रमाणे प्रतिबंधीत क्षेत्र म्हणून जिल्हादंडाधिकारी यांनी घोषित केले आहे.

हा आदेश शासकीय कर्तव्यावरील अधिकारी व कर्मचारी, एक खिडकी पथकातील अधिकाऱ्यांनी परवानगी दिलेल्या भाविकांना तसेच ज्यांना जिल्हाधिकारी नांदेड व पोलीस अधीक्षक नांदेड यांनी परवानगी दिली अशा व्यक्तींना लागू राहणार नाही.

00000

स्व. डॉ. शंकरराव चव्हाण,

स्व. कुसुमताई शंकरराव चव्हाण यांना

पुण्यस्मरणानिमित्त त्यांच्या समाधीस्थळी अभिवादन

नांदेड दि.27:-  स्व. डॉ. शंकरराव चव्हाण व स्व. कुसुमताई शंकरराव चव्हाण यांच्या पुण्यस्मरणा निमित्त धनेगाव ता. जि. नांदेड येथे त्यांच्या समाधीस्थळी राज्याचे सार्वजनिक बांधकाम मंत्री तथा नांदेड जिल्हा पालकमंत्री अशोक चव्हाण यांनी पुष्पअर्पण करुन अभिवादन केले.

याप्रसंगी माजी राज्यमंत्री डी. पी. सावंत, जिल्हा परिषदेच्या अध्यक्षा मंगराणी अंबुलगेकर, आमदार मोहन हंबर्डे, आमदार माधवराव जवळगावकर, अमिताताई चव्हाण, श्रेजया चव्हाण, सुजया चव्हाण, महापौर दिक्षाताई धबाले, माजी महापौर मंगलाताई निमकर, जिल्हाधिकारी डॉ. विपीन इटणकर,जिल्हा परिषदेचे मुख्य कार्यकारी अधिकारी अशोक काकडे, जिल्हा पोलीस अधीक्षक विजयकुमार मगर,गोविंदराव नागेलीकर, आनंद धारड आदिंची उपस्थिती होती.

00000

 जिल्हा ग्रंथालय कार्यालयात 

 मराठी भाषा गौरव दिन साजरा

नांदेड दि.27:- येथील जिल्हा ग्रंथालय कार्यालयात ज्येष्ठ कवी वि.वा. शिरवाडकर ऊर्फ कुसुमाग्रज यांचा 27 फेब्रुवारी हा दिवस जन्मदिवस मराठी भाषा गौरव दिन म्हणून साजरा करण्यात आला. 

नांदेड जिल्हा ग्रंथालय कार्यालयात मराठी भाषा गौरव दिनानिमित्त पुस्तक प्रदर्शनाचे उद्घाटन माजी आमदार गंगाधर पटणे व प्र. जिल्हा माहिती अधिकारी श्रीमती मीरा ढास यांनी केले. यावेळी ग्रंथालय अधिकारी आशिष ढोक आणि विविध स्पर्धा परीक्षेचा अभ्यास करणारे विद्यार्थी तसेच जिल्हा ग्रंथालय कार्यालयातील कर्मचारी यांची उपस्थिती होती.

00000