Thursday, September 14, 2017

वंचित घटकांच्या सर्वांगिण विकासासाठी
प्रयत्नशील रहावे - जिल्हाधिकारी डोंगरे
नांदेड दि. 14 :-  समाजातील वंचित घटकांच्या सर्वांगिण विकासासाठी संबंधीत अधिकाऱ्यांनी अधिक प्रयत्नशील रहावे, असे निर्देश जिल्हाधिकारी अरुण डोंगरे यांनी आज येथे दिले.
नांदेड जिल्हाधिकारी यांच्या निजी कक्षात वंचित घटकासाठी करावयाच्या उपाय योजनाबाबतची बैठक जिल्हाधिकारी श्री. डोंगरे यांच्या अध्यक्षतेखाली झाली. त्यावेळी ते बोलत होते. यावेळी जिल्हा पुरवठा अधिकारी संतोष वेणीकर, जिल्हा ग्रामीण विकास यंत्रणेचे सहाय्यक प्रकल्प अधिकारी प्रवीणकुमार घुले व जी. बी. सुपेकर, जिल्हा माहिती व बाल विकास अधिकारी डी. पी. शाहू, महिला आर्थिक विकास महामंडळाचे जिल्हा समन्वय अधिकारी चंदनसिंग राठोड, समाज कल्याण विभागाचे बी. एस. दासरी, सहाय्यक जिल्हा पुरवठा अधिकारी श्रीमती संतोषी देवकुळे, लीड बॅक व्यवस्थापक विजय उशीर, स्टेट बँक ग्रामीण स्वयंरोजगार प्रशिक्षण संस्थेचे संचालक दिलीप शिरपुरकर आदी उपस्थित होते.  
समाजातील वंचित घटकांना विकासाच्या मुख्य प्रवाहात आणण्यासाठी जिल्ह्यात पथदर्शी प्रकल्प राबविण्यात येणार आहे. सध्या नांदेड तालुक्यातील सांगवी व लोहा या दोन गावातील वंचित कुटुंबाचा सर्वे करण्यात आला असून सांगवी येथे 182 व लोहा येथे 113 कुटुंबे आढळून आली आहेत. या सर्व कुटुंबांचे पुनर्वसन, आरोग्य, निवारा, शिक्षण, व्यवसाय, अन्नधान्य, प्रशिक्षण आदी सुविधा उपलब्ध करुन देण्यासाठी संबंधीत अधिकाऱ्यांनी अधिक प्रयत्नशील रहावे, शासकीय योजनांचा त्यांना लाभ मिळवून दयावा. त्यासाठी येत्या 15 दिवसात अधिकाऱ्यांनी कुटुंबांच्या भेटी घेऊन त्यांच्याशी चर्चा करावी. त्यांना आवश्यक असणाऱ्या सुविधा मिळवून देण्यासाठी प्रयत्न करावेत. त्यासाठी प्रत्येक शासकीय विभागाने सुक्ष्म नियोजन करावे, असा सूचना जिल्हाधिकारी श्री. डोंगरे यांनी दिल्या.
प्रारंभी जिल्हा पुरवठा अधिकारी संतोष वेणीकर यांनी वंचित घटकांसाठी आतापर्यंत केलेल्या कामाची माहिती यावेळी दिली.

00000


त्वचारोग तपासणी शिबीर संपन्न
नांदेड दि. 14 :- श्री गुरुगोबिंद सिंघजी स्मारक जिल्हा रुग्णालय नांदेड व समता मेमोरीयल फाऊडेशन यांच्या संयुक्त विद्यमाने जिल्हा मध्यवर्ती कारागृह नांदेड येथे जिल्हा शल्यचिकीत्सक डॉ. बी. पी. कदम यांच्या मार्गदर्शनाखाली त्वचारोग तपासणी व उपचार शिबीर नुकतेच घेण्यात आले.
 शिबिराच्या अनुषंगाने कारागृहातील 98 कैदी व 6 कर्मचारी अशा 104 रुग्णाच्या त्वचेची तपासणी जिल्हा रुग्णालय येथील त्वचारोग तज्ज्ञ  डॉ. दीपक हजारी यांचेकडून करण्यात आली. समुपदेशक सदाशिव सुवर्णकार यांनी संबंधीत रुग्णांना त्वचेच्या आजारापासून दूर राहण्यासाठी आवश्यक असणाऱ्या बाबीचे  समुपदेशन केले. शिबिरास वैद्यकीय अधिकारी डॉ. एच. के. साखरे, कारागृह अधीक्षक जी. के. राठोड, तुरुंग अधिकारी बलभीम माळी, फार्मासिस्ट आर. के. देवकते, सुभेदार राजेंद्र पाटील, समता मेमोरीयल फाऊडेशन समन्वयक प्रविण गव्हाणे आदी उपस्थित होते.

0000000
कृषि योजनेंतर्गत लाभार्थी निवडीसाठी
 प्रस्ताव सादर करण्यास 25 सप्टेंबर मुदत
नांदेड दि. 14 :- जिल्हा परिषद कृषि विभागामार्फत सन 2017-18 या वर्षासाठी डॉ. बाबासाहेब आंबेडकर कृषि स्वावलंबन योजनेंतर्गत अनुसचीत जाती, नवबौध्द शेतकऱ्यांना तसेच आदिवासी उपयोजना क्षेत्राअंतर्गत क्षेत्राबाहेरील योजनेंतर्गत अनु. जमातीच्या शेतकऱ्यांशेतीसाठी अर्थसहाय्य देण्याकरीता लाभार्थी निवडीसाठी आवश्यक कागदपत्रासह प्रस्ताव गटविकास अधिकारी पंचायत समिती यांचेकडे सोमवार 25 सप्टेंबर 2017 पर्यंत सादर करावेत, असे आवाहन जिल्हा परिषदेचे कृषि विकास अधिकारी नांदेड यांनी केले आहे.
लाभार्थी निवडीचे अटी शर्ती पुढील प्रमाणे राहतील. लाभार्थी हा अनुसूचित जाती नवबौध्द शेतकरी असला पाहिजे. शेतक-यांकडे सक्षम प्राधिका-याने दिलेले जात प्रमाणपत्र असले पाहिजे. शेतक-यांकडे सक्षम प्राधिका-याने दिलेले जात वैधता प्रमाण पत्र असले पाहिजे (ओटीएसपी टिएसपी योजनेकरिता) शेतक-याच्या  नावे जमीन धारणेचा 7/ 12 दाखला 8- चा उतारा असणे आवश्यक आहे. शेतक-याच्या नावे किमान 0.40 हेक्टर  कमाल 6.0 हेक्टर मर्यादेपर्यंत शेत जमीन असणे आवश्यक आहे. लाभार्थ्यांकडे आधारकार्ड असणे आवश्यक आहे. लाभार्थ्याचे बँक खाते असणे सदर बँक खाते आधारकार्डशी संलग्न असणे आवश्यक आहे. दारिद्रय रेषेखालील लाभार्थ्यांस प्रथम प्राधान्य. दारिद्रय रेषेखालील नसलेले अनु.जाती / नवबौध्द / शेतक-यांचे सर्व मार्गानी मिळणारे सन 2016-17 या वर्षाचे  वार्षिक उत्पन्न 1 लाख 50 हजार रुपयापेक्षा जास्त नसेल तरच या योजनेचा लाभ घेण्यास पात्र असतीलदारिद्रयरेषेखालील (बीपीएल) यादीत अंतर्भूत  शेतक-यांसाठी वार्षिक उत्पन्नाच्या मर्यादेची अट राहणार नाही. परंतु ज्यांचे सर्व मार्गानी मिळणारे वार्षिक उत्पन्न 1 लाख 50 हजार रुपयाचे मर्यादीत आहे. अशा शेतक-यांनी सबंधीत तहसीलदार यांचेकडून मागील वर्षाचे उत्पन्नाचा अदयावत दाखला घेणे अर्जासोबत सादर करणे बंधनकारक राहील. अधिक माहितीसाठी पंचायत समितीचे कृषि अधिकारी यांचेशी संपर्क  साधावा.
 सन 2011 च्या जनगणनेनुसार तालुक्यातील ग्रामीण लोकसंख्येच्या प्रमाणात अनु.जातीच्या लोकसंख्येवर अनु.जमाती च्या लोकसंखेवर आधारीत लाभार्थी निवडीचे उददीष्ट दर्शविणारा तक्ता 
तालुका
सन 2017-18 साठी
 डॉ. बाबासाहेब आंबेडकर कृषि स्वावलंबन योजने अंतर्गत अनुसूचीत जाती / नवबौध्द शेतकरी  लाभार्थी निवडीचे उद्दीष्ट
सन 2017-18 साठी आदिवासी उपयोजना क्षेत्राबाहेरील (ओटीएसपी) योजने अंतर्गत लाभार्थी निवडीचे उद्दीष्ट
सन 2017-18 साठी आदिवासी उपयोजना क्षेत्राअंतर्गत  (टीएसपी) योजने अंतर्गत लाभार्थी निवडीचे उद्दीष्ट
नांदेड
227
03
--
मुदखेड
31
02
--
अर्धापूर
31
02
--
बिलोली
58
03
--
धर्माबाद
29
03
--
नायगांव
64                                      
02
--
मुखेड
                    102
04
--
कंधार
82
02
--
लोहा
 65
02
--
हदगांव
88
06
--
हिमायतनगर
24
04
--
भोकर
34
05
--
उमरी
32
02
--
देगलुर
81
03
--
किनवट
38
14
62
माहुर
14
03
13
एकुण
1000
60
75
00000


  वृत्त क्र.   252   शस्त्रास्त्र बाळगण्यावर बंदी ; विनापरवानगी लाऊडस्पिकर नाही   जिल्हयात 144 कलम लागू ; आचारसंहितेचा कडक अवलंब     नांदेड ...