Friday, November 30, 2018


-निविदाबाबत कृषि कार्यालयाचे आवाहन
            नांदेड, दि. 30 :  उपविभागी कृषि अधिकारी नांदेड कार्यालयांतर्गत लोहा तालुक्यातील वाका 1, 2 मजरेसांगवी येथील जलयुक्त शिवार अभियान या योजनेअंतर्गत ढाळीचेबांध माती नाला बांधची कामांची निविदा www.mahatender.gov.in वर प्रसिध्दी करण्यात येणार आहे. ही -निविदा भरण्याचा कालावधी 3 ते 10 डिसेंबर 2018 असा आहे, असे उपविभागीय कृषि अधिकारी नांदेड यांनी प्रसिद्धी पत्रकाद्वारे कळविले आहे.
00000

जिल्ह्यात जमावबंदी, शस्त्रबंदी आदेश लागू
नांदेड, दि. 30 :- जिल्ह्यात 15 डिसेंबर 2018 रोजी मध्यरात्रीपर्यत शस्त्रबंदी व जमावबंदी आदेश लागू केला आहे, अशी माहिती अपर जिल्हादंडाधिकारी कार्यालयाकडून देण्यात आली आहे.
जिल्ह्यातील कायदा व सुव्यवस्था अबाधित रहावी म्हणून अपर जिल्हादंडाधिकारी यांनी मुंबई पोलीस अधिनियम 1951 चे कलम 37 (1) व (3) अन्वये जिल्ह्यात 1 डिसेंबर ते 15 डिसेंबर 2018 रोजी मध्यरात्रीपर्यंत शस्त्रबंदी व जमावबंदी आदेश लागू केला आहे. त्यानुसार पाच किंवा पाचपेक्षा अधिक व्यक्तींनी या आदेशात नमुद असलेली कृत्ये सार्वजनिक परिसर किंवा त्याच्या जवळपास करण्यास बंदी घालण्यात आली आहे. हा आदेश पोलीस अधिकारी, शासकीय कर्मचारी, विवाह, अंत्ययात्रा, धार्मिक कार्यक्रम, यात्रा व इतर सक्षम अधिकारी यांनी विशेषरित्या परवानगी दिलेल्या मिरवणुकांना लागू होणार नाही.
अशा मिरवणुकांना परवानगी देण्याचे अधिकार तसेच पाच व पाचपेक्षा जास्त इसम जमण्यासाठी, सभा, मिरवणुका, मोर्चा काढणे, ध्वनीक्षेपक वाजविण्यास परवानगी देण्याचे अधिकार जिल्ह्यातील पोलीस ठाणे प्रभारी अधिकारी यांना तसेच पोलीस अधीक्षक नांदेड यांनी प्राधिकृत केलेल्या इतर पोलीस अधिकारी यांना राहतील.
000000

शबरीमला केरळ उत्सवास
जाणाऱ्या भाविकांना आवाहन
नांदेड, दि. 30 :- शबरीमला केरळ येथे उत्सवास जाणऱ्या भाविकांनी तांत्रिकदृष्टया योग्य असलेल्या प्रवासी वाहनातून प्रवास करावा, असे आवाह उप प्रादेशिक परिवहन अधिकारी नांदेड यांनी केले आहे.
शबरीमला केरळ येथे 17 नोव्हेंबर 2018 ते 20 जानेवारी 2019 या कालावधीत होणाऱ्या उत्सवात राज्यातील निरनिराळया ठिकाणाहून तसेच नांदेड जिल्हयातून भाविक जातात. भाविक या यात्रेस ज्या वाहनातून प्रवास करतात ती तांत्रिकदृष्टया योग्य असल्यास अपघात होण्याची शक्यता नसते. प्रवासी वाहनाव्यतिरीक्त अन्य वाहनातून किंवा मालवाहतूक करणाऱ्या वाहनातून प्रवास करु नये, असेही आवाहन केले आहे.
00000

  वृत्त क्र.   252   शस्त्रास्त्र बाळगण्यावर बंदी ; विनापरवानगी लाऊडस्पिकर नाही   जिल्हयात 144 कलम लागू ; आचारसंहितेचा कडक अवलंब     नांदेड ...