Friday, January 26, 2018

जिल्हा रुग्णालयात तंबाखू मुक्त प्रतिज्ञा
नांदेड, दि. 27 :- राष्ट्रीय तंबाखू नियंत्रण कार्यक्रमांतर्गत तंबाखूजन्य पदार्थापासून होणाऱ्या दुष्परिणामाबाबत अवगत करून देणे व कोट्पा कायदा 2003 ची प्रभावी अंमलबजावणी करण्याच्या उद्देशाने जिल्हा रुग्णालय नांदेड येथे प्रजासत्ताक दिनानिमित्त अधिकारी, कर्मचाऱ्यांना तंबाखू मुक्त प्रतिज्ञा देण्यात  आली.
 यावेळी जिल्हा शल्यचिकित्सक डॉ. बी. पी. कदम व अतिरिक्त जिल्हा शल्य चिकित्सक डॉ. एच. आर. गुंटूरकर यांनी तंबाखू व तंबाखूजन्य पदार्थ सेवनाचे दुष्परिणामाबद्दल मार्गदर्शन केले. उपस्थितांनी तंबाखू सेवन न करण्याचा संकल्प करुन आजूबाजूचा परिसर तंबाखू मुक्त ठेवण्याची प्रतिज्ञा घेतली.
00000


तूर खरेदीसाठी गावपातळीवर
ऑनलाईन नोंदणी सुरु
नांदेड, दि. 27 :- केंद्र शासनाच्या आधारभत किंमत खरेदी योजनेतर्गत हमी भावाने हंगाम सन 2017-18 मध्ये तूर खरेदी करण्यासाठी गावपातळीवर ऑनलाईन पद्धतीने शेतकरी नोंदणी सुरु आहे. शेतकरी बांधवांनी नोंदणीसाठी  येताना सोबत पिक पेऱ्याची नोंद असलेला सात-बाराचा उतारा, आधार कार्डची झेरोक्स प्रत, बँक पास बुकच्या पहिल्या पानाची झेरक्स प्रत सोबत आणावी, असे आवाहन जिल्हा मार्केटींग अधिकारी नांदेड यांनी केले आहे.
गाव पातळीवरील नोंदणी कार्यक्रम पुढील  प्रमाणे आहे.
तारीख
नोंदणीची वेळ
तालुका
नोंदणी करावयाचे गाव
ऑनलाईन करणाऱ्या नोंदणी करणाऱ्या संस्थेचे / सेवकाचे नाव
ऑनलाईन करणाऱ्या नोंदणी करणाऱ्या सेवकाचे मोबाईल नं.
२७/०१/२०१८
स.११ ते ५
कंधार
कुरुळा
ता.ख.वी.स.लोहा श्री.सिरसाट
श्री. सोनकांबळे
7020731894
9970973214
२८.०१.२०१८.
स.११ ते ५
कंधार
कंधार
ता.ख.वी.स.लोहा श्री.सिरसाट
श्री. सोनकांबळे
7020731894
9970973214
२९.०१.२०१८.
स.११ ते ५
लोहा
मारतळा
ता.ख.वी.स.लोहा श्री.सिरसाट
श्री. सोनकांबळे
7020731894
9970973214
२९.०१.२०१८.
स.११ ते ५
लोहा
सोनखेड
ता.ख.वी.स.लोहा श्री.सिरसाट
श्री. सोनकांबळे
7020731894
9970973214
२७/०१/२०१८
स.११ ते ५
मुखेड
मुक्रमाबाद
ता.ख.वी.स.मुखेड श्री.येनुरवार,
श्री. कागदे,
श्री.प्रसाद,
 श्री.कुलकर्णी
8485024675
7378899937
9764614402
8698619286
२८.०१.२०१८.
स.११ ते ५
मुखेड
बाऱ्हाळी
ता.ख.वी.स.मुखेड श्री.येनुरवार,
श्री. कागदे,
श्री.प्रसाद,
श्री.कुलकर्णी
8485024675
7378899937
9764614402
8698619286
३०.०१.२०१८.
स.११ ते ५
मुखेड
जांब
ता.ख.वी.स.मुखेड श्री.येनुरवार,
श्री. कागदे,
श्री.प्रसाद,
श्री.कुलकर्णी
8485024675
7378899937
9764614402
8698619286
२९.०१.२०१८.
स.११ ते ५
मुखेड
बेटमोगरा
ता.ख.वी.स.मुखेड श्री.येनुरवार,
श्री. कागदे,
श्री.प्रसाद,
श्री.कुलकर्णी
8485024675
7378899937
9764614402
8698619286
२७/०१/२०१८
स.११ ते ५
नांदेड
बाजार समिती वसुली कार्यालय बारड
ना.जि.फळे व भाजीपाला  स.ख.वी.सं.नांदेड
श्री. वाघमारे
श्री. सपाट
8668678587
7219781928
२९.०१.२०१८.
स.११ ते ५
नांदेड
ग्रामपंचायत,मालेगाव
ना.जि.फळे व भाजीपाला  स.ख.वी.सं.नांदेड
श्री. वाघमारे
श्री. सपाट
8668678587
7219781928
३०.०१.२०१८.
स.११ ते ५
नांदेड
उपबाजारपेठ, निमगाव
ना.जि.फळे व भाजीपाला  स.ख.वी.सं.नांदेड
श्री. वाघमारे
श्री. सपाट
8668678587
7219781928
०१/०२/२०१८.
स.११ ते ५
माहूर
बाजार समिती माहूर
कृ.ऊ.बा.स.किनवट
श्री. राठोड
9284309880
२७/०१/२०१८.
स.११ ते ५
देगलूर
ग्रामपंचायत, शहापूर
ना.जि.फळे व भाजीपाला  स.ख.वी.सं.नांदेड
श्री. कर्णे
श्री. वानखेडे
8329095066
9834143810
२९.०१.२०१८.
स.११ ते ५
देगलूर
ग्रामपंचायत, सुगाव
ना.जि.फळे व भाजीपाला  स.ख.वी.सं.नांदेड
श्री. कर्णे
श्री. वानखेडे

8329095066
9834143810
३०.०१.२०१८.
स.११ ते ५
देगलूर
ग्रामपंचायत, करडखेड
ना.जि.फळे व भाजीपाला  स.ख.वी.सं.नांदेड
श्री. कर्णे
श्री. वानखेडे
8329095066
9834143810
२७/०१/२०१८.
स.११ ते ५
हदगाव
कृ.ऊ.बा.स.तामसा
ता.ख.वी.स.हदगाव
श्री. बोरकर
श्री. ठोंबरे
8605364833
9146560408
२८.०१.२०१८.
स.११ ते ५
हदगाव
कृ.ऊ.बा.स.निवघा
ता.ख.वी.स.हदगाव
श्री. बोरकर
श्री. ठोंबरे
8605364833
9146560408
२९.०१.२०१८.
स.११ ते ५
हदगाव
कृ.ऊ.बा.स.हिमायतनगर
ता.ख.वी.स.हदगाव
श्री. बोरकर
श्री. ठोंबरे
8605364833
9146560408
३०.०१.२०१८.
स.११ ते ५
हदगाव
कृ.ऊ.बा.स.हिमायतनगर
ता.ख.वी.स.हदगाव
श्री. बोरकर
श्री. ठोंबरे
8605364833
9146560408

000000
मौजे ब्रम्हपुरी गोदावरी नदीच्या
पात्र परिसरात कलम 144 लागू 
नांदेड, दि. 27 :- मौजे ब्रम्हपुरी येथील गोदावरी नदी पात्र परिसरात शांतता व सुव्यवस्था अबाधीत रहावी यासाठी फौजदारी प्रक्रिया संहिता 1973 चे कलम 144 प्रमाणे नांदेड ग्रामीण पोलीस स्टेशनच्या हद्दीतील नदी पात्रातील परिसर प्रतिबंधीत क्षेत्र म्हणून शनिवार 27 जानेवारी पासून घोषित करण्यात आले आहे. त्याबाबत जिल्हादंडाधिकारी कार्यालयाने आदेश निर्गमीत केले आहेत.
या बंदी आदेशात म्हटले आहे की, फौजदारी प्रक्रिया संहिता 1973 चे कलम 144 नुसार प्राप्त अधिकाराचा वापर करुन चतु:सिमा पुर्वेस वाजेगाव कोल्हापुरी बंधारा, पश्चिमेस नांदेड ते देगलूरकडे जाणाऱ्या रोडवरील जुना पूल, दक्षिणेस गोदावरीचे नदीचे पात्र आणि उत्तरेस चिल्ला / दर्गाची संरक्षण भिंत यामधील जागा 27 जानेवारी 2018 रोजी सकाळी 6 वाजेपासून ते बुधवार 28 फेब्रुवारी 2018 रोजीच्या मध्यरात्री पर्यंत फौजदारी प्रक्रिया संहिता 1973 चे कलम 144 प्रमाणे प्रतिबंधीत क्षेत्र म्हणून जिल्हादंडाधिकारी यांनी घोषित केले आहे.  हा आदेश शासकीय कर्तव्यावरील अधिकारी व कर्मचारी, एक खिडकी पथकातील अधिकाऱ्यांनी परवानगी दिलेल्या भाविकांना तसेच ज्यांना जिल्हाधिकारी नांदेड व पोलीस अधीक्षक नांदेड यांनी परवानगी दिली अशा व्यक्तींना लागू राहणार नाही. 

00000
जिल्ह्यात जमावबंदी, शस्त्रबंदी आदेश लागू
नांदेड, दि. 27 :- जिल्ह्यात मंगळवार 6 फेब्रुवारी 2018 रोजी मध्यरात्रीपर्यत शस्त्रबंदी व जमावबंदी आदेश लागू केला आहे, अशी माहिती अपर जिल्हादंडाधिकारी कार्यालयाकडून देण्यात आली आहे.
जिल्ह्यातील कायदा व सुव्यवस्था अबाधित रहावी म्हणून अपर जिल्हादंडाधिकारी यांनी मुंबई पोलीस अधिनियम 1951 चे कलम 37 (1) व (3) अन्वये जिल्ह्यात 23 जानेवारी ते 6 फेब्रुवारी 2018 रोजी मध्यरात्रीपर्यत शस्त्रबंदी व जमावबंदी आदेश लागू केला आहे. त्यानुसार पाच किंवा पाचपेक्षा अधिक व्यक्तींनी या आदेशात नमुद असलेली कृत्ये सार्वजनिक परिसर किंवा त्याच्या जवळपास करण्यास बंदी घालण्यात आली आहे. हा आदेश पोलीस अधिकारी, शासकीय कर्मचारी, विवाह, अंत्ययात्रा, धार्मिक कार्यक्रम, यात्रा व इतर सक्षम अधिकारी यांनी विशेषरित्या परवानगी दिलेल्या मिरवणुकांना लागू होणार नाही.
अशा मिरवणुकांना परवानगी देण्याचे अधिकार तसेच पाच व पाचपेक्षा जास्त इसम जमण्यासाठी, सभा, मिरवणुका, मोर्चा काढणे, ध्वनीक्षेपक वाजविण्यास परवानगी देण्याचे अधिकार जिल्ह्यातील पोलीस ठाणे प्रभारी अधिकारी यांना तसेच पोलीस अधीक्षक नांदेड यांनी प्राधिकृत केलेल्या इतर पोलीस अधिकारी यांना राहतील.

000000
जिल्हा नियोजन समितीच्या बैठकीत
नांदेडच्या 469 कोटीच्या प्रारुप नियोजन आराखड्यास मान्यता
नांदेड दि. 26 :- नांदेड जिल्ह्याच्या सर्वांगिन विकासासाठी सन 2018-19 च्या जिल्हा वार्षिक योजनेच्या 469 कोटी 1 लाख रुपयांच्या प्रारुप आराखड्यास जिल्ह्याचे पालकमंत्री तथा राज्याचे पर्यावरण मंत्री रामदास कदम यांच्या अध्यक्षतेखाली झालेल्या जिल्हा नियोजन समितीच्या बैठकीत मान्यता देण्यात आली.
नांदेड येथील कै. शंकरराव चव्हाण नियोजन भवनाच्या सभागृहात झालेल्या या बैठकीस जिल्हा परिषद अध्यक्षा शांताबाई पवार, आ. अमर राजूरकर, आ. वसंत चव्हाण, आ. सुभाष साबणे, आ. प्रदीप नाईक, आ. नागेश पाटील आष्टीकर, आ. हेमंत पाटील, आ. डॉ. तुषार राठोड, महापौर शिलाताई भवरे, जिल्हाधिकारी अरुण डोंगरे, जिल्हा परिषदेचे मुख्य कार्यकारी अधिकारी अशोक शिनगारे, पोलीस अधीक्षक चंद्रकिशोर मीना, मनपा आयुक्त गणेश देशमुख तसेच समिती सदस्यांची प्रमुख उपस्थिती होती.
सन 2018-19 च्या प्रारुप आराखड्यामध्ये सर्वसाधारण योजनेसाठी 235 कोटी 20 लाख, अनुसुचित जाती उपयोजनेसाठी 159 कोटी 3 लाख, ओटीएसपीसह आदिवासी उपयोजनेसाठी 74 कोटी 78 लाख अशा एकुण 469 कोटी 1 लाख रुपयांचा नियतव्यय प्रस्तावित करण्यात आला आहे. याशिवाय कार्यान्वयीन यंत्रणेच्या मागणी प्रमाणे शासनाने दिलेला नियतव्यय वगळता 415 कोटी 63 लाख रुपयांच्या वाढीव मागणीचा प्रस्ताव राज्यस्तरीय बैठकीत सादर करण्यास नियोजन समितीच्या या बैठकीत मान्यता देण्यात आली. यावेळी सन 2017-18 म्हणजे चालु वर्षातील जिल्हा वार्षिक योजनेच्या पूनर्विनियोजन प्रस्तावासही मान्यता देण्यात आली. माहे डिसेंबर अखेर झालेल्या चालु वर्षाच्या खर्चाचा आढावा या बैठकीत घेण्यात आला. सरासरी 64 टक्के खर्च झाल्याचे यावेळी सांगण्यात आले.
नियोजन समितीच्या मागील बैठकीच्या इतिवृत्तावरील अनुपालन कार्यवाहीचा यावेळी आढावा घेण्यात आला. नांदेड शहरातील स्वच्छतेच्या मुद्यावर बोलतांना पालकमंत्री श्री कदम म्हणाले की, नांदेड शहर स्वच्छ होईल यासाठी महानगरपालिकेने घणकचरा व सांडपाणी व्यवस्थापनाच्या कामास सर्वोच्च प्राधान्य दिले पाहिजे. यासाठी शासन स्तरावरुन निधी उपलब्ध करुन दिला जाईल. एप्रिल महिना अखेर शहर स्वच्छ झाले पाहिजे. यासाठी महानगरपालिकेने पुढाकार घ्यावा, अशी सुचना करुन त्यांनी दलित वस्ती सुधारणेसाठी दोन वर्षातील निधी आणि कामांची सांगड घालून मार्च अखेर संपूर्ण कामे पूर्ण करण्याचे नियोजन करण्याचे निर्देश दिले. यासाठी मंत्रालय स्तरावर बैठक घेऊन प्रश्न निकाली काढण्यात येईल, असेही ते म्हणाले.
खड्डे मुक्त अभियानाच्या संदर्भात जिल्ह्यात 90 टक्के काम झाले असले तरी उर्वरीत रस्त्यांच्या दुरुस्तीच्या कामाला गती दयावी आणि मार्च अखेर सर्व रस्ते खड्डे मुक्त होतील याची दक्षता सार्वजनिक बांधकाम विभागाने घ्यावी अशी सुचना करुन पालकमंत्री कदम यांनी जिल्ह्यातील पाणी टंचाई उपाययोजना आणि पाणी पुरवठा योजनांच्या कामकाजाविषयी उपयुक्त निर्देश दिले. जिल्ह्यातील फ्लोराईडयुक्त पिण्याच्या पाणी पुरवठ्याबाबत आणि आठ गावांच्या पाणी पुरवठा योजनेबाबत चौकशी करुन कार्यवाही करण्याच्या सुचना पालकमंत्री यांनी दिल्या. नाविण्यपूर्ण योजनेखाली नियमित स्वरुपाच्या योजना न घेता नवीन वैशिष्ट्यपूर्ण योजनांचा समावेश असावा असे सांगून त्यांनी वृक्ष लागवड मोहिमेच्या कामांचा आढावा घेतांना मोहिमेतील वृक्ष जगवले पाहिजेत असे सांगून वन विभागाने विशेष प्रयत्न करण्याची सुचना केली. उर्दू घराच्या कामाला गती देण्याचा व सर्व सदस्यांना सन्मानपूर्वक निधी वितरण करण्याचा मनोदय पालकमंत्री कदम यांनी व्यक्त केला. यावेळी सर्वसंमतीने पालकमंत्री यांना समान निधी वितरणाचा अधिकार देण्याचा ठराव घेण्यात आला. तसेच पालकमंत्रीपदी नियुक्ती झाल्याबद्दलही सर्व संमतीने अभिनंदनाचा ठराव मांडण्यात आला.
प्लॅास्टीक बंदीचा निर्णय
प्लॅास्टीकच्या वस्तुंचा वाढता वापर आणि विघटन होत नसल्याने प्लॅास्टीकमुळे मोठी हानी होत आहे. मोठ्या प्रमाणात प्लॅस्टीकमुळे आरोग्य धोक्यात येत आहे. यामुळे राज्य शासनाने प्लॅास्टीक बंदीचा महत्वपूर्ण निर्णय घेतला असून लवकरच कायदा करण्यात येणार आहे. तरी कायदा होण्यापुर्वीच नांदेड जिल्हा प्लॅास्टीक बंदीमध्ये अग्रेसर राहून शंभर टक्के प्लॅस्टीक मुक्त होईल असा प्रयत्न राहील, असे सांगून पालकमंत्री कदम यांनी सर्व लोकप्रतिनिधी व अधिकाऱ्यांनी यासाठी पुढाकार घेऊन सहकार्य करावे, असे आवाहन केले. तत्पूर्वी त्यांनी जिल्हा प्रशासनातील प्रमुख अधिकाऱ्यांची बैठक घेऊन सुचना दिल्याचेही सांगितले. तसेच प्लॅस्टीकला पर्याय म्हणून कापडी पिशव्या उपलब्ध करुन देण्याची व्यवस्था केली जाईल. यासाठी बचतगटांना पिशव्या निर्मितीचे काम दिले जाईल असेही ते म्हणाले.
प्रारंभी जिल्हाधिकारी डोंगरे आणि नियोजन विभागाचे अधिकारी जी. बी. सुपेकर, एस. एस. राठोड, आणि वैशाली ताटपल्लेवार यांनी मान्यवरांचे स्वागत केले.
---000---



सर्वधर्म समभाव आणि एकजूटीची
भावना सर्वांनी वृद्धींगत करावी
-        पालकमंत्री रामदास कदम
नांदेड दि. 26 :-  भारतीय स्वातंत्र्यासाठी बलिदान दिलेल्या थोरांचे स्मरण करुन प्रत्येकाने सर्वधर्म समभाव आणि एकजूटीची भावना वृद्धींगत करावी, असे आवाहन राज्याचे पर्यावरण मंत्री तथा‍ जिल्ह्याचे पालकमंत्री रामदास कदम यांनी केले.  
भारतीय प्रजासत्ताक दिनाच्या 68 व्या वर्धापन दिनानिमित्त नांदेडच्या श्री छत्रपती शिवाजी महाराज पोलीस कवायत मैदानावर पालकमंत्री कदम यांच्या हस्ते मुख्य शासकीय ध्वजारोहण झाले. याप्रसंगी संदेशपर भाषणात ते बोलत होते. यावेळी जिल्हा परिषद अध्यक्षा शांताबाई पवार, महापौर शिलाताई भवरे, आमदार हेमंत पाटील, आमदार डी. पी. सावंत, आमदार अमर राजूरकर, जिल्हाधिकारी अरुण डोंगरे, विशेष पोलीस महानिरीक्षक चिरंजीव प्रसाद, पोलीस अधीक्षक चंद्रकिशोर मीना, जिल्हा परिषदेचे मुख्य कार्यकारी अधिकारी अशोक शिनगारे, मनपा आयुक्त गणेश देशमुख, अप्पर जिल्हाधिकारी संतोष पाटील, निवासी उपजिल्हाधिकारी जयराज कारभारी आदी मान्यवर पदाधिकारी, स्वातंत्र्य सैनिक, अधिकारी, नागरिक उपस्थित होते.   
जनतेला प्रजासत्ताक दिनाच्या शुभेच्छा देवून पालकमंत्री ना. कदम म्हणाले की, देशाच्या सिमेवर पाकिस्तानकडून होणारा दहशतवाद पाहता आपल्या भारतीयांना एकजूट दाखवून एकत्रित लढा दिला पाहिजे. सिमेवरील आपल्या जवानाला धीर दिला पाहिजे. आपण सर्वांना जाती-पाती, भेदभाव विसरुन एकत्रितपणे पुढे येण्याची गरज आहे.  राज्यात शेतकरी सुखी नाही . अजूनही आत्महत्या होत आहे. महाराष्ट्र बलवान आहे. आपल्या सर्वांना एकत्रितपणे जातीय तेढ निर्माण होणार नाही, अशी भूमिका घेण्याची गरज आहे, असेही ते म्हणाले.
यावेळी पालकमंत्री ना. कदम यांनी ज्येष्ठ स्वातंत्र्य सेनानी यांची भेट घेवून संवाद साधला . तसेच लोकप्रतिनिधी आणि नागरिकांशीही हितगुज केले. याप्रसंगी केंद्रीय राखीव बल (मुदखेड), राज्य राखीव बल अमरावती, सशस्त्र पोलीस पथक (क्युआरटी), सशस्त्र पोलीस पथक (पोलीस मुख्यालय) , सशस्त्र पोलीस पथक (नांदेड शहर) , शहर वाहतूक शाखा पथक (नांदेड शहर), पुरुष गृहरक्षक दल पथक , अग्निशमन दल पथक (म.न.पा), एनसीसी मुलांचे पथक (सायन्स महाविद्यालय) , महात्मा फुले हायस्कूल स्काऊट मुले पथक, महात्मा फुले हायस्कूल गाईड मुलींचे पथक, ऑक्सफोर्ड इंटरनॅशनल स्कूल मुले स्काऊट, पोलीस बँड पथक, श्वान पथक, बॉम्ब शोधक व नाशक पथक, मार्क्स मॅन क्यूआरटी, वज्र वाहन (दंगा नियंत्रण), बुलेट रायडर, मिनी रेस्क्यू फायर टेंडर, 108 आपतकालिन रुग्णवाहिका यांनी संचलन केले. प्राथमिक शिक्षण विभाग, वन विभागाचा चित्ररथही संचलनात सहभागी झाला होता.
पालकमंत्री ना. कदम यांच्या हस्ते पोलीस उपअधीक्षक विश्वेश्वर प्रभाकर नांदेडकर यांना महामहिम राष्ट्रपती पोलीस पदक जाहीर झाल्याबाबत त्यांचा सत्कार करण्यात आला. डॉ. हेमंत गोडबोले (न्यायवैद्यकशास्त्र), श्रीमती वालूबाई विश्वनाथ मुंडे, स्काऊट गाईड राज्यस्तरीय पुरस्कार प्राप्त विद्यार्थ्यांना पुष्पगुच्छ व प्रमाणपत्र देवून गौरविण्यात आले. तसेच नेहरु युवा केंद्रच्यावतीने अल-इम्रान प्रतिष्ठान (बिलोली) यांना उत्कृष्ट युवा मंडळ पुरस्कार देवून गौरविण्यात आले. यावेळी महात्मा फुले हायस्कूल , सावित्रीबाई फुले विद्यालय , प्रतिभा निकेतन हायस्कूलच्या मुलींची मासपीठी व महात्मा फुले हायस्कुलचे श्री कडटकर रघुनाथ यांच्या मार्गदर्शनाखालील लेझीम पथकांनी नागरिकांची मने वेधून घेतली. सुत्रसंचालन व्यंकटेश चौधरी, स्नेहलता स्वामी यांनी केले. या समारंभास शालेय विद्यार्थी , विद्यार्थींनी व नागरिक मोठ्या संख्येने उपस्थित होते.

**** 

  वृत्त क्र.   252   शस्त्रास्त्र बाळगण्यावर बंदी ; विनापरवानगी लाऊडस्पिकर नाही   जिल्हयात 144 कलम लागू ; आचारसंहितेचा कडक अवलंब     नांदेड ...