एकलव्य रेसिडेंशियल पब्लीक स्कूलमध्ये  प्रवेशाबाबत आवाहन

नांदेड (जिमाका) दि. 22 :- आदिवासी विकास विभागा अंतर्गत इंग्रजी माध्यमाच्या एकलव्य रेसिडेंशियल पब्लीक स्कुलमध्ये प्रवेशपुर्व स्पर्धा परीक्षा ऑनलाईन पध्दतीने परीक्षा घेऊन गुणवत्तेनुसार प्रवेश दिला जातो. परंतु सद्यस्थितीत कोरोना (कोविड-19) विषाणुच्या वाढत्या प्रादुर्भावामुळे राज्यातील सर्व परीक्षा रद्द करण्यात आलेल्या आहेत. त्यामुळे एकलव्य मॉडेल रेसिडेंशियल स्कुल प्रवेशपूर्व ऑनलाईन स्पर्धा परीक्षा रद्द करुन तथापी त्या ऐवजी विद्यार्थ्यांच्या मागील वर्षाच्या (शैक्षणिक वर्ष 2010-20) पहिल्या सत्राच्या गुणांच्या आधारे विद्यार्थ्यांची गुणवत्तेनुसार निवड करण्यात येणार आहे.

प्रवेश घ्यावयाची इयत्ता	गुण व गुणपत्रकाची आवश्यकता	सन 2019-20 च्या प्रथम सत्राचे एकुण 900 गुणांचे गुणपत्रिका mtpss.org.in या लिंकवर अपलोड करावे.
इयत्ता 6 वी	इयत्ता 5 वी प्रथम सत्र
इयत्ता 7 वी	इयत्ता 6 वी प्रथम सत्र
इयत्ता 8 वी	इयत्ता 7 वी प्रथम सत्र
इयत्ता 9 वी	इयत्ता 8 वी प्रथम सत्र

        अपर आयुक्त, आदिवासी विकास अमरावती यांचे अधिनस्त येत असलेल्या प्रकल्प अधिकारी, एकात्मिक आदिवासी विकास प्रकल्प, धारणी, पांढरकवडा, किनवट, अकोला, पुसद, कळमनुरी, औरंगाबाद यांच्या कार्यक्षेत्रात असलेल्या 12 जिल्ह्यातील सर्व शासकीय व अनुदानित आश्रमशाळा जिल्हा परिषद, नगरपालिका व महानगरपालिकेच्या प्राथमिक व माध्यमिक शाळा तसेच सर्व शासनमान्य अनुदानित/विनाअनुदानीत प्राथमिक व माध्यमिक शाळेतील विद्यार्थ्यांची मागील शैक्षणिक वर्षातील प्रथम सत्राच्या गुणांच्या आधारे गुणानुक्रमे विद्यार्थ्यांची निवड होणार आहे. विद्यार्थ्यांचे प्रवेश हे ज्या वेळी विद्यार्थ्यांनी ऑनलाईन अर्जामध्ये संपूर्ण माहिती नमूद केल्याप्रमाणे, एकलव्य पब्लीक स्कुल चिखलदरा, जि.अमरावती, सहस्त्रकुंड जि.नांदेड व बोटोणी जि.यवतमाळ या ठिकाणी असलेल्या एकलव्य पब्लीक स्कुलमध्ये विद्यार्थ्यांना प्रवेश देण्यात येईल.

        mtpss.org.in या लिंकवर ज्या जिल्ह्यातील ज्या शाळेतील विद्यार्थ्याचे आवेदनपत्र यापुर्वी भरलेले आहेत. त्या विद्यार्थ्यांनी/पालकांनी/संबंधित शाळेतील मुख्याध्यापकांनी विद्यार्थ्यांची प्रथम सत्राची मार्कलिस्ट वरील लिंकवर अपलोड करावी. याबाबत विद्यार्थ्यांस गुणानुक्रमे निवड झाल्यास आयुक्तालयाकडुन एस.एम.एस. द्वारे कळविण्यात येईल, असे आवाहन अपर आयुक्त, आदिवासी विकास अमरावती यांनी केले आहे.

*****

 

 जिल्ह्यात जमावबंदी, शस्त्रबंदी आदेश 23 सप्टेंबर पासून लागू

नांदेड (जिमाका) दि. 22 :- नांदेड जिल्ह्यात 23 सप्टेंबर रोजी सकाळी 6 वाजेपासून ते 7 ऑक्टोंबरच्या मध्यरात्री पर्यंत शस्त्रबंदी व जमावबंदी आदेश लागू राहणार आहे, अशी माहिती अपर जिल्हादंडाधिकारी कार्यालयाकडून देण्यात आली आहे. 

जिल्ह्यातील कायदा व सुव्यवस्था अबाधित रहावी म्हणून अपर जिल्हादंडाधिकारी यांनी मुंबई पोलीस अधिनियम 1951 चे कलम 37 (1) व (3) अन्वये जिल्ह्यात शनिवार 23 सप्टेंबर 2020 चे 06.00 वाजेपासून ते दिनांक 07 ऑक्टोंबर 2020 चे मध्यरात्रीपर्यंत शस्त्रबंदी व जमावबंदी आदेश लागू राहिल. त्यानुसार पाच किंवा पाचपेक्षा अधिक व्यक्तींनी या आदेशात नमुद असलेली कृत्ये सार्वजनिक परिसर किंवा त्याच्या जवळपास करण्यास बंदी घालण्यात आली आहे. हा आदेश कामावरील पोलीस अधिकारी, शासकीय कर्मचारी, विवाह, अंत्ययात्रा, धार्मिक कार्यक्रम, यात्रा व इतर सक्षम अधिकारी यांनी विशेषरित्या परवानगी दिलेल्या मिरवणुकांना लागू होणार नाही. 

अशा मिरवणुकांना परवानगी देण्याचे अधिकार तसेच पाच व पाचपेक्षा जास्त इसम जमण्यासाठी, सभा, मिरवणुका, मोर्चा काढणे, ध्वनीक्षेपक वाजविण्यास परवानगी देण्याचे अधिकार जिल्ह्यातील पोलीस ठाणे प्रभारी अधिकारी यांना तसेच पोलीस अधीक्षक नांदेड यांनी प्राधिकृत केलेल्या इतर पोलीस अधिकारी यांना राहतील.

00000 

 

317 कोरोना बाधितांना औषधोपचारानंतर सुट्टी

232 बाधितांची भर तर पाच जणांचा मृत्यू    

नांदेड (जिमाका) दि. 22 :- मंगळवार 22 सप्टेंबर 2020 रोजी सायं. 5.30 वाजेपर्यंतच्या कोरोना अहवालानुसार जिल्ह्यात 317 कोरोना बाधित व्यक्तींमध्ये सुधारणा झाल्यामुळे त्यांना रुग्णालयातून सुट्टी देण्यात आली आहे. याचबरोबर 232 व्यक्तींचे अहवाल बाधित आले आहेत. यात आरटीपीसीआर तपासणीद्वारे 84 तर ॲटिजेन किट्स तपासणीद्वारे 148 बाधित आले. 

आजच्या एकुण 1 हजार 44 अहवालांपैकी  790 अहवाल निगेटिव्ह आले.  जिल्ह्यात एकुण  बाधितांची संख्या आता 13  हजार 955 एवढी झाली असून यातील 9  हजार 978 बाधितांना औषधोपचारानंतर सुट्टी देण्यात आली आहे. एकुण 3 हजार 542 बाधितांवर रुग्णालयात औषधोपचार सुरु असून त्यातील 51 बाधितांची प्रकृती अतीगंभीर स्वरुपाची आहे.  

या अहवालात एकुण 5 रुग्णांचा उपचारा दरम्यान मृत्यू झाला. सोमवार 21 सप्टेंबर 2020 रोजी शासकीय वैद्यकीय महाविद्यालय विष्णुपुरी नांदेड येथे सिडको नांदेड येथील 70 वर्षाच्या एका पुरुषाचा, जुना कौठा  येथील 55 वर्षाच्या एका महिलेचा, हदगाव तालुक्यातील निवघा येथील 60 वर्षाच्या एका महिलेचा. नांदेड जिल्हा रुग्णालय कोविड हॉस्पिटल येथे भोकर तालुक्यातील बेंद्री येथील 54 वर्षाच्या एका पुरुषाचा, माहूर कोविड केअर सेंटर येथील माहूर तालुक्यातील पलाईगुडा येथील 65 वर्षाच्या एका पुरुषाचा उपचारा दरम्यान मृत्यू झाला आहे. जिल्ह्यात आतापर्यंत बाधित मृत्त रुग्णांची संख्या 366 झाली आहे.   

आज बरे झालेल्या बाधितांमध्ये जिल्हा रुग्णालय कोविड हॉस्पिटल नांदेड 15, माहूर कोविड केंअर सेंटर 1, धर्माबाद कोविड केंअर सेंटर 3, किनवट कोविड केंअर सेंटर 27, मुखेड कोविड केंअर सेंटर 20, देगलूर जैनब कोविड केंअर सेंटर 2, खाजगी रुग्णालय 15, शासकीय वैद्यकीय महाविद्यालय विष्णुपुरी 7, मुदखेड कोविड केंअर सेंटर 10, बिलोली कोविड केंअर सेंटर 4, लोहा कोविड केंअर सेंटर 23, एनआरआय / पंजाब भवन / महसूल भवन, होम आयसोलेशन 116, जिल्हा मध्यवर्ती कारागृह 74 असे 317 बाधित व्यक्तींना औषधोपचारानंतर सुट्टी देण्यात आली आहे. 

आजच्या बाधितांमध्ये आरटीपीसीआर तपासणीद्वारे नांदेड मनपाक्षेत्र 67, हिमायतनगर तालुक्यात 1, कंधार तालुक्यात 3, हिंगोली 3, यवतमाळ 1, हदगाव तालुक्यात 2, माहूर तालुक्यात 3, नायगाव तालुक्यात 7, परभणी 1 असे एकुण 84 बाधित आढळले.  

तर अँटिजेन तपासणीद्वारे  नांदेड मनपा क्षेत्र 58,  हदगाव तालुक्यात 3, अर्धापूर तालुक्यात 2, किनवट तालुक्यात 9, बिलोली तालुक्यात 5, भोकर तालुक्यात 10, देगलूर तालुक्यात 5, कंधार तालुक्यात 6, हिंगोली 1, नांदेड ग्रामीण 5, मुदखेड तालुक्यात 8, लोहा तालुक्यात 5, मुखेड तालुक्यात 20, नायगाव तालुक्यात 1, माहूर तालुक्यात 1, धर्माबाद तालुक्यात 7, यवतमाळ 2 असे एकुण 148 बाधित आढळले. 

जिल्ह्यात 3 हजार 542 बाधितांवर औषधोपचार सुरु आहेत. यात शासकीय वैद्यकीय महाविद्यालय विष्णुपुरी नांदेड येथे 282, एनआरआय, पंजाब भवन, महसूल भवन, होम आयशोलेशन एकत्रित  1 हजार 791, जिल्हा रुग्णालय कोविड हॉस्पिटल  नांदेड येथे 68, जिल्हा रुग्णालय कोविड हॉस्पिटल (नवीन इमारत) 53, नायगाव कोविड केअर सेंटर येथे 134, बिलोली कोविड केअर सेंटर येथे 58, मुखेड कोविड केअर सेंटर येथे 120,  देगलूर जैनब कोविड केअर सेंटर येथे 70, लोहा कोविड केअर सेंटर येथे 41, हदगाव कोविड केअर सेंटर 59, भोकर कोविड केअर सेंटर 44, कंधार कोविड केअर सेंटर येथे 41, बारड कोविड केअर सेंटर 22, आयुर्वेदिक शासकिय रुग्णालय कोविड रुग्णालय सेंटर येथे 46, अर्धापूर कोविड केअर सेंटर येथे 16, मुदखेड कोविड केअर सेटर 37,  माहूर कोविड केअर सेंटर येथे 22, किनवट कोविड केअर सेंटर येथे 160, धर्माबाद कोविड केअर सेंटर येथे 44, उमरी कोविड केअर सेंटर 82, हिमायतनगर कोविड केअर सेंटर 23,  खाजगी रुग्णालयात दाखल 326, औरंगाबाद 2 व निजामाबाद येथे 1 संदर्भित  झाले आहेत.   

जिल्ह्याची कोरोना संशयित व कोविड बाधितांची संक्षिप्त माहिती

एकुण घेतलेले स्वॅब- 73 हजार 729,

निगेटिव्ह स्वॅब- 56 हजार 496,

आज पॉझिटिव्ह स्वॅब संख्या- 232,

एकुण पॉझिटिव्ह बाधित व्यक्ती- 13 हजार 955,

आज स्वॅब तपासणी अनिर्णीत संख्या-14

आज स्वॅब नाकारण्यात आलेली संख्या- 4,

एकूण मृत्यू संख्या- 366,

एकूण रुग्णालयातून सुट्टी दिलेली संख्या- 9 हजार 978,

आज रुग्णालयात उपचार घेत असलेले बाधित व्यक्ती- 3 हजार 542,

आज प्रलंबित स्वॅब तपासणी संख्या- 1 हजार 169, 

आज रोजी अती गंभीर प्रकृती असलेले बाधित- 51,

उपचारानंतर बाधित रुग्ण घरी बरे होण्याचे प्रमाण 73.25 टक्के 

 

कोरोना संदर्भात जनतेने अफवांवर विश्वास ठेवू नये तसेच मनात कुठल्याही प्रकारची भिती न बाळगता अत्यावश्यक कामाशिवाय घराबाहेर पडू नये. आपल्या मोबाईलवर आरोग्य सेतू ॲप डाऊनलोड करुन घ्यावा जेणे करुन आपल्या सभोवती कोरोना बाधित रुग्ण असल्यास आपणास हे ॲप सतर्क करेल, असे आवाहन जिल्हा शल्यचिकित्सक डॉ. निळकंठ भोसीकर यांनी केले आहे.

00000