Sunday, March 26, 2017

भारतरत्न डॉ. बाबासाहेब आंबेडकर स्वाधार योजनेत
कोणत्याही वर्गातील विद्यार्थी अर्ज करण्यास पात्र
नांदेड दि. 26 :-  शासकीय वसतिगृहात प्रवेश न मिळालेल्या अनुसूचित जाती व नवबौद्ध प्रवर्गातील विद्यार्थ्यांसाठी "भारतरत्न डॉ. बाबासाहेब आंबेडकर स्वाधार योजना" अंतर्गत अर्ज करण्यासाठी इयत्ता अकरावी प्रथम वर्षात प्रवेश घेतलेल विद्यार्थी पात्र, ही अट रद्य करण्यात आली आहे. आता कोणत्याही वर्गात शिक्षण घेत असलेला विद्यार्थ्यांना या योजने अर्ज करता येणार आहे, असे पुणे समाज कल्याण आयुक्त यांनी कळविले आहे.
या योजनेतील इतर नियम अटी पुर्वीप्रमाणेच लागू राहतील. या योजनेचा लाभ घेण्यासाठी अर्जाचा विहि नमुना https://mahaeschol.maharashtra.gov.in, https://sjsa.maharashtra.gov.in, https://www.maharashtra.gov.in  या संकेतस्थळावर  उपलब्ध आहे, अशी माहिती सहाय्यक आयुक्त समाज कल्याण नांदेड यांनी दिली आहे.

000000
तालुक्याच्या सर्वांगिण विकासासाठी
पं. स. माध्यमातून प्रयत्न केले जातील -  महादेव जानकर
नांदेड दि. 26 :- तालुक्याच्या सर्वांगिण विकासासाठी पंचायत समितीच्या माध्यमातून विविध विकास योजना राबविण्यासाठी प्रयत्न केली जातील, असे प्रतिपादन राज्याचे पशुसंवर्धन, दुग्धविकास, मत्सव्यवसाय मंत्री महादेव जानकर यांनी कंधार येथे केले.
कंधार येथील बचत भवन येथे पंचायत समितीच्यावतीने महादेव जानकर यांचा पंचायत समिती सभापती सौ. सत्यभामा पंडीत देवकांबळे यांच्या हस्ते शाल, श्रीफळ, कंधारच्या भुईकोट किल्ल्याची प्रतिकृती देऊन यथोचित सत्कार करण्यात आला. त्यावेळी ते बोलत होते. यावेळी पंचायत समितीचे उपसभापती भिमराव जायेभाये, भाजपा प्रदेश कार्यकारणीचे सदस्य ॲड मुक्तेश्वर धोंडगे, जिल्हा परिषद सदस्य दशरथ लोहबंदे, पंचायत समिती सदस्य शिवकुमार नरंगले, रासपचे जिल्हाध्यक्ष सर्जेराव देशमुख,  पशुसंवर्धनचे विभागीय सहआयुक्त डॉ. एस. एम. सुर्यवंशी, तहसिलदार अरुणा संगेवार, गटविकास अधिकारी किरण सायपोते, जिल्हा पशुसंवर्धन अधिकारी डॉ. शिवाजी पवार, मत्सव्यवसाय विभागाचे सहाय्यक आयुक्त उमाकांत सबनीस आदी अधिकारी, पंचायत समिती सदस्य उपस्थित होते.
शासनाच्या विविध विकास योजनेतून तालुक्याचा सर्वांगीण विकास केला पाहिजे. पंचायत समितीच्या माध्यमातून हे प्रयत्न केले जातील. शासकीय अधिकाऱ्यांनी शेतकऱ्यांच्या हिताचे निर्णय, लोकाभिमूख योजना पारदर्शकरित्या राबवाव्यात. तसेच पंचायत समितीचे उत्पन्न वाढण्यासाठी व्यापारी संकुलासारखे उपक्रम राबवून युवकांना रोजगार निर्मितीसाठीही मदत करावी. शेतकऱ्यांचे उत्पन्न दुप्पटीने वाढविण्यासाठी कुक्कुटपालन, दुग्धविकाससारखे शेतीपुरक व्यवसाय केले पाहिजे. शेततळे असणाऱ्या शेतकऱ्यांना मत्सबीज व मत्सखाद्य शासनाच्यावतीने मोफत देण्याचे प्रयत्न केले जाणार आहे. शेतीपुरक व्यवसाय करुन शेतकऱ्यांच्या मुलांनी उद्योजक बनावे, असेही श्री. जानकर यांनी यावेळी सांगितले.
यावेळी मुक्तेश्वर धोंडगे यांनी लोकाभिमूख व पारदर्शक कारभार करुन कंधार पंचायत समिती आदर्श बनविण्यासाठी प्रयत्नशील राहू असे सांगितले. तर जिल्हा परिषद सदस्य दशरथ लोहबंदे यांचेही समयोचित भाषण झाले.
प्रास्ताविक पंचायत समिती सदस्य शिवकुमार नरंगले यांनी केले. यावेळी श्री. जानकर यांनी पंचायत समिती कार्यालयासही भेट दिली.  या समारंभास नागरिक, अधिकारी, कर्मचारी उपस्थित होते.

000000
ग्रंथालय चळवळ अधिक सक्षम करण्यासाठी
राज्य शासन प्रयत्नशील - महादेव जानकर 
नांदेड दि. 26 :- वाचन संस्कृतीसाठी ग्रंथालय चळवळीला अधिक सक्षम करणे आवश्यक असल्याने राज्य शासन या चळवळीच्या पाठीमागे खंबीरपणे उभे राहील असा विश्वास राज्याचे पशुसंवर्धन, दुग्धविकास, मत्सव्यवसाय मंत्री महादेव जानकर यांनी व्यक्त केला.

कंधार तालुक्यातील चिंचोली येथील छत्रपती संभाजी महाराज सार्वजनिक वाचनालयाच्या रौप्य महोत्सवी वर्षेपुर्ती व कंधार तालुका अभिवक्ता संघाच्या संयुक्त विद्यमाने आयोजित मराठवाडा विभाग ग्रंथालयसंघाचे 40 वे व नांदेड जिल्हा ग्रंथालय संघाचे 21 वे अधिवेशनाचे उद्घाटन महादेव जानकर यांच्या हस्ते करण्यात आले. त्याप्रसंगी ते बोलत होते. अधिवेशनाच्या अध्यक्षस्थानी मराठवाडा विभाग ग्रंथालय संघाचे अध्यक्ष त्र्यंबकराव झंवर हे होते. तर स्वागताध्यक्ष भाजपा प्रदेश कार्यकारणीचे सदस्य ॲड मुक्तेश्वर धोंडगे होते. यावेळी माजी आमदार गुरुनाथ कुरुडे, नांदेड जिल्हा ग्रंथालय संघाचे अध्यक्ष व माजी आमदार गंगाधर पटणे, कंधार पंचायत समिती सभापती सौ. सत्यभामा पंडीत देवकांबळे, उपसभापती भिमराव जायेभाये, जिल्हा परिषद सदस्य चंद्रसेन पाटील व दशरथ लोहबंदे, पंचायत समिती सदस्य शिवकुमार नरंगले, देवीदास राठोड आदी उपस्थित होते.  
माणुस घडविण्यात ग्रंथालयाचे मोठे योगदान आहे. म्हणून ग्रंथालय चळवळीला अधिक सक्षम करणे, बळकटी देणे हे काम राज्य शासन निश्चित करेन. ही चळवळ वृद्धींगत करण्यासाठी केलेल्या मागण्यांना मा. मुख्यमंत्री देवेंद्र फडणवीस निश्चित न्याय मिळवून देतील. म्हणून राज्याचे मुख्यमंत्री, वित्तमंत्री, शिक्षणमंत्री यांच्यासह ग्रंथालय संघाच्या पदाधिकारी  समवेत मुंबईला येथे लवकरच बैठक घेतली जाईल, असेही श्री महादेव जानकर यांनी सांगितले.
लोकांच्या जीवनात प्रकाश निर्माण करण्याचे काम ग्रंथालय करीत असतात. त्यामुळे ग्रंथालय चळवळ गावोगावी पोहचली पाहिजे. या चळवळीकडे सर्वांनी सहानुभुतीने सहकार्याचा हातभार लावावा. ग्रंथालयाच्या अनुषंगीक कर्मचारी व ग्रंथालय यांचे प्रश्न, मागण्या राज्य शासनाने मार्गी लावाव्यात, अशी अपेक्षा त्र्यंबकराव झंवर यांनी अध्यक्षीय भाषणात व्यक्त केली.
अधिवेशनाचे स्वागताध्यक्ष ॲड मुक्तेश्वर धोंडगे यांचीही समयोचित भाषणे झाली. प्रारंभी चिंचोळी येथील छत्रपती संभाजी महाराज सार्वजनिक वाचनालयाचे अध्यक्ष सुधाकर कौशल्ये यांनी स्वागत करुन अधिवेशनामागील हेतू विषद केला.
या एकदिवसीय अधिवेशनात ग्रंथालय चळवळ वृद्धीगत करण्यासंबंधी मार्गदर्शन, ग्रंथालय चळवळीची सद्यस्थिती, मागण्या व उपाययोजना, ठराव वाचन व मार्गदर्शन असे कार्यक्रम ठेवण्यात आले होते.
या अधिवेशनास कंधार तालुका अभिवक्ता संघाचे अध्यक्ष ॲड बी. के. पांचाळ, प्राचार्य डॉ. निवृत्तीराव कौशल्ये, वसंत सुर्यवंशी, डॉ. रा. रा. बालेकर, सहाय्यक ग्रंथालय संचालक अशोक गाडेकर, जिल्हा ग्रंथालय अधिकारी सुनील हुसे, मराठवाड्यातील व नांदेड जिल्ह्यातील वाचनालयाचे पदाधिकारी, ग्रंथपाल, ग्रंथालय कर्मचारी, ग्रंथप्रेमी नागरिक आदी उपस्थित होते.
000000

  वृत्त क्र.   252   शस्त्रास्त्र बाळगण्यावर बंदी ; विनापरवानगी लाऊडस्पिकर नाही   जिल्हयात 144 कलम लागू ; आचारसंहितेचा कडक अवलंब     नांदेड ...