Thursday, April 5, 2018


कुंडलवाडी नगरपरिषद पोटनिवडणुकीची
मतमोजणी गुरुवार 12 एप्रिल रोजी होणार  
नांदेड दि. 5 :- राज्य निवडणूक आयोगाच्या निर्देशानुसार नगरपरिषद कुंडलवाडी प्रभाग क्र. 5 ब च्या रिक्त पदाच्या पोटनिवडणुकीची मतमोजणी शनिवार 7 एप्रिल 2018 ऐवजी गुरुवार 12 एप्रिल 2018 रोजी करण्यात येणार आहे, असे जिल्हाधिकारी नांदेड यांनी कळविले आहे.
00000


कुंडलवाडी नगरपरिषद पोटनिवडणुकीच्या
मतदान, मतमोजणी केंद्र परिसरात 144 कलम
नांदेड दि. 5 :-  जिल्ह्यातील कुंडलवाडी नगरपरिषद पोटनिवडणुकीची संपर्ण प्रक्रिया शांततेत, निर्भय व न्याय्य वातावरणात पार पाडण्याच्या दृष्टीकोणातून तसेच निवडणूक कालावधीत कायदा, सुव्यवस्था अबाधीत रहावी यादृष्टीने मतदानाच्या दिवशी शुक्रवार 6 एप्रिल रोजी मतदान केंद्र परिसरात व मतमोजणीच्या दिवशी शनिवार 7 एप्रिल 2018 रोजी मतमोजणी केंद्र परिसरात फौजदारी प्रक्रिया संहिता 1973 चे कलम 144 अन्वये जिल्हादंडाधिकारी अरुण डोंगरे यांनी आदेश लागू केला आहे.  
 या निर्वाचक गणाच्या मतदान व मतमोजणी केंद्राच्या हद्दीपासून 200 मीटर परिसरातील मंडपे, सर्व दुकाने, मोबाईल, कॉडलेस फोन, पेजर, वायरलेस सेट, ध्वनीक्षेपके, सर्व प्रकारचे फेरीवाले व इतर इलेक्ट्रॉनिक्स उपकरणे, निवडणुकीच्या कामाव्यतीरिक्त खाजगी वाहन, चिन्हांचे प्रदर्शन व निवडणुकीच्या कामाव्यतीरिक्त व्यक्तीस प्रवेश करण्यासाठी प्रतिबंधीत करण्यात आले आहे. या मतदान केंद्राच्या हद्दीपर्यंत 6 एप्रिल रोजी मतदान सुरु झाल्यापासून मतदान संपेपर्यंत तर मतमोजणी केंद्राच्या हद्दीपर्यंत 7 एप्रिल रोजी सकाळी 6 ते मतमोजणी प्रक्रिया संपेपर्यंत अंमलात राहील, असेही आदेशात म्हटले आहे.

00000


उष्माघातापासून बचावासाठी उपाययोजना
नांदेड दि. 5 :- सर्वसाधारणपणे प्रामुख्याने प्रत्येक वर्षी एप्रिल, मे व जून या महिण्यात उष्माघाताचा प्रादुर्भाव होत असतो तसेच त्यामूळे मृत्यूही होण्याची शक्यता असते. महाराष्ट्रात विदर्भ व मराठवाडा या विभागात उष्माघात प्रादुर्भाव प्रामुख्याने आढळून येतो. उष्माघाताने जनतेचे आरोग्य बाधित होऊ नये, उष्माघातापासून बचाव व्हावा व जनतेत याबाबत नांदेड जिल्हा परिषदेचे जिल्हा आरोग्य अधिकारी यांनी पुढीलप्रमाणे उपाययोजनेची माहिती दिली आहे.
उष्माघात बाबत अतिजोखमीचे घटक - 65 वर्ष व त्यापेक्षा जास्त वय असणाऱ्या व्यक्ती. एक वर्षाखालील व 1 ते 5 वर्ष वयोगटातील मुले. गरोदर माता. मधूमेह व ऱ्हद्‌यविकार तसेच अल्कोहोलीक व्यक्ती. अतिउष्ण वातावरणामध्ये काम करणा-या व्यक्ती.
उष्माघात होण्याची कारणे:- उन्हाळ्यामध्ये शेतावर अथवा इतर मजूरीची कामे फार वेळ करणे. कारखान्याच्या बॉयलर रुममध्ये काम करणे,काच कारखान्यातील कामे करणे. जास्त तापमानाच्या खोलीमध्ये काम करणे. घट्‌ट कपडयांचा वापर करणे. अशा प्रत्यक्ष उष्ततेशी अथवा तापमानातील वाढत्या परिस्थितीशी सतत संबध येण्याने उष्माघात होतो.
लक्षणे:- थकवा येणे, ताप येणे, त्वचा कोरडी पडणे. भुक न लागणे, चक्कर येणे, निरुत्साही होणे, डोके दुखणे, पोटऱ्यात वेदना येणे अथवा पेटके येणे. रक्तदाब वाढणे, मानसिक बैचैन व अस्वस्थता, बेशुध्दावस्था इत्यादी.
प्रतिबंधक उपाय:- वाढत्या तापमानात फार वेळ कष्टाची कामे करणे टाळावे. कष्टाची कामे सकाळी लवकर अथवा संध्याकाळी कमी तापमान असताना करावीत. उष्णता शोषून घेणारे कपडे (काळा किंवा भडक रंगाचे ) वापरु नयेत,सैल पांढ-या रंगांचे कपडे वापरावेत. जलसंजीवनीचा वापर करावा,भरपूर पाणी प्यावे. सरबत प्यावे. अधुनमधुन उन्हामध्ये काम करणे थांबवावे व सावलीत विश्रांती घ्यावी. ही लक्षणे सुरु होताच ताबडतोब उन्हात काम करणे थांबवावे व उपचार सुरु करावा. उन्हात बाहेर जाताना गॉगल्स, डोक्यावर टोपी, टॉवेल, फेटा, उपकरणे यांचा वापर करावा.
उपचार- रुग्णास वातानुकूलीत अथवा हवेशीर खोलीत ठेवावे, खोलीत पंखे, कुलर ठेवावेत. रुग्णांचे तापमान खाली आणणाच्या दृष्टीने प्रयत्न करावेत.  रुग्णास थंड पाण्याने अंघोळ घालावी. रुग्णांच्या कपाळावर थंड पाण्याच्या पट्टया ठेवाव्यात. नजीकच्या दवाखान्यात जाऊन उपचार घ्यावेत.
उष्माघात टाळण्यासाठी काय करावे:- तहान लागलेली नसली तरीसुध्दा जास्तीत जास्त पाणी पिण्यात यावे. हलकी पातळ व सच्छिद्र सुती कपडे वापरावेत. बाहेर जाताना गॉगल्स छत्री/टोपी,बुट व चपलाचा वापर करण्यात यावा. प्रवास करताना पाण्याची बाटली सोबत घ्यावी. उन्हात काम करीत असलेल्या व्यक्तींनी डोक्यावर टोपी किंवा छत्रींचा वापर करण्यात यावा तसेच ओल्या कपड्यांनी डोके,मान व चेहरा झाकण्यात यावा. शरीरातील पाण्याचे प्रमाण कमी होत असल्यास ओआरएस,घरी बनविण्यात आलेली लस्सी,तोरणी,लिंबूपाणी,ताक इत्यादींचा नियमित वापर करण्यात यावा. अशक्तपणा, डोकेदुखी, सतत येणारा घाम इत्यादी उन्हाचा झटका बसण्याची चिन्हे ओळखावित व चक्कर येत असल्यास तात्काळ डॉक्टरांचा सल्ला घेण्यात यावा. घरे थंड ठेवण्यासाठी पडदे,शटर व सनशेडचा वापर करण्यात यावा.रात्री खिडक्या उघड्या ठेवण्यात याव्यात. पंखे, ओले कपडे यांचा वापर करण्यात यावा.तसेच थंड पाण्याने वेळोवेळी स्नान करण्यात यावे. कामाच्या ठिकाणी जवळच थंड पिण्याच्या पाण्याची व्यवस्था करण्यात यावी. सुर्य प्रकाशाचा थेट संबध टाळण्यासाठी कामगारांना सुचित करण्यात यावे. पहाटेच्या वेळी जास्तीत जास्त कामाचा निपटारा करण्यात यावा. बाहेर कामकाज करीत असताना मध्ये मध्ये ब्रेक घेऊन नियमित आराम करण्यात यावा. गरोदर स्त्रीया व आजारी कामगारांची अधिकची काळजी घेण्यात यावी. रस्त्याच्या कडेला उन्हापासून संरक्षणाकरीता शेड उभारावेत. जागोजागी पाणपोईची सुविधा करण्यात यावी.
काय करु नये :-  लहान मुलांना उन्हात जाऊ देऊ नये.बंद असलेल्या व पार्क केलेल्या वाहनात जाऊ देऊ नये. दुपारी 12 ते 3.30 या कालावधीत उन्हात बाहेर जाणे टाळावे. गडद रंगाचे, घट्ट व जाड कपडे घालण्याचे टाळावे. बाहेर तापमान अधिक असल्यास शारीरिक श्रमाची कामे टाळावित दुपारी 12.00 ते 3.30 या कालावधीत बाहेर काम करणे टाळावे. उन्हाच्या कालावधीत स्वयंपाक करण्याचे टाळण्यात यावे. तसेच मोकळ्या हवेसाठी स्वयंपाक घराची दारे व खिडक्या उघडी ठेवण्यात यावी.
000000


आयटीआय पूर्ण केलेल्या प्रशिक्षणार्थ्यांना
अंतीम प्रमाणपञ प्राप्त करुण घेण्याची संधी
नांदेड दि. 5 :- औद्योगिक प्रशिक्षण संस्था नांदेड येथून सन 1980 ते 2017 या कालावधीत आयटीआय पूर्ण केलेल्या ज्या प्रशिक्षणार्थ्यांचे अंतीम प्रमाणपञ अद्याप पर्यंत प्राप्त झाले नाहीत. ज्यांच्या अंतिम प्रमाणपञांमध्ये दुरुस्ती करावयाची आहे किंवा ज्यांचे अंतीम प्रमाणपञ हरवले व दुबार प्रमाणपञ हवे आहे अशा प्रशिक्षणार्थ्यांनी रविवार 8 एप्रिल 2018 पर्यंत नमूद पुराव्यासह संस्थेत समक्ष येऊन अर्ज सादर करावेत, असे आवाहन संस्थेचे प्राचार्य यांनी केले आहे.
अंतीम प्रमाणपञ प्राप्त झाले नाही अशा उमेदवारांनी- आय.टी.आय. उत्तीर्ण असल्याबाबत पुरावा सादर करावा. ज्या बाबीमध्ये दुरुस्ती करावयाची आहे, ( उदा. स्वत:चे नाव, वडीलांचे नाव, जन्मतारीख, प्रशिक्षण कालावधी आणि उत्तीर्ण महिना व वर्ष) त्याबाबीच्या अनुषंगिक योग्य कागदपञे पुराव्यासाठी जोडण्यात यावीत (उदा. शाळा सोडल्याचा दाखला, माध्यमिक शालान्त प्रमाणपञ इ.). दुय्यम प्रमाणपञ हवे असल्यास- 1. प्रमाणपञ हरवल्याचा पोलिस स्टेशनचा प्रथम खबरी अहवाल (F.I.R.) प्रत. रुपये 100 च्या स्टॅम्प पेपरवरील शपथपञ.  हरवलेल्या प्रमाणपञाची झेरॉक्स प्रत असल्यास. निकालपञाची सत्यप्रत. नियमानुसार आवश्यक शुल्क पावतीची प्रत जोडावी, असेही प्रसिद्धी पत्रकात नमूद केले आहे.
0000000



बनावट खत विक्री प्रकरणी 
कृषि विभागाची कारवाई
नांदेड दि. 5 :-  जिल्हयात सन 2017-18 या वर्षात बनावट निविष्ठा प्रकरणी बियाणे-एक, रासायनिक खत-तीन व किटकनाशक औषधी-एक असे एकूण 5 पोलीस केसेस दाखल करण्यात आले आहेत.
नायगाव पंचायत समितीचे कृषि अधिकारी तथा खत निरिक्षक यांनी मे. शिवशंकर कृषि सेवा केंद्र नायगाव येथे भेट दिली असता मे. सहारा ॲग्रो केमिकल्स ॲन्ड फर्टीलायझर प्रा.लि. हडपसर पुणे उत्पादीत विद्राव्य खत 19:19:19 विक्री होत असल्याचे आढळून आले. हे खत संशयास्पद वाटल्याने खताचे नमुने काढून तपासणीसाठी खत विश्लेषण प्रयोगशाळेस पाठविले. त्यानुसार प्रयोगशाळेकडून प्राप्त झालेल्या अहवालात हे खत निकृष्ट दर्जाचे आढळून आले. त्यामुळे संबंधीत उत्पादक कंपनी मे. सहारा ॲग्रो केमिकल्स ॲन्ड फर्टीलायझर प्रा.लि. हडपसर पुणे, मे. भारतीया प्रगती किसान ॲग्रो नाथनगर नांदेड व मे. शिवशंकर कृषि सेवा केंद्र नायगाव यांच्या विरोधात नायगाव पोलीस स्टेशन येथे गुन्हा दाखल करण्यात आला आहे.
पंचायत समिती कृषि अधिकारी एम. टी. राजे यांनी याप्रकरणी कार्यवाही केली असून सदर कार्यवाहीसाठी  जिल्हा अधिक्षक कृषि अधिकारी डॉ. तुकाराम मोटे, जिल्हा परिषदेचे कृषि विकास अधिकारी पंडीत एस. मोरे, तंत्र अधिकारी ए.पी. पाटील, मोहीम अधिकारी व्ही.आर.सरदेशपांडे व कृषि अधिकारी व्ही. जी. अधापूरे यांनी मार्गदर्शन केले.
00000



नगरपरिषद पोटनिवडणुकीसाठी
कुंडलवाडीचा आठवडी बाजार बंद
नांदेड दि. 5 :-  कुंडलवाडी नगरपरिषदेच्या प्रभाग क्र. 5 ब पोटनिवडणुकीचे शुक्रवार 6 एप्रिल 2018 रोजी मतदान होणार आहे. त्या ठिकाणच्या मतदारांना मतदानाचा हक्क बजावता यावा तसेच मतदान शांततेत पार पडावे यादृष्टीने जिल्हादंडाधिकारी अरुण डोंगरे यांनी मार्केट ॲड फेअर ॲक्ट 1862 चे कलम 5 अन्वये अधिकाराचा वापर करुन कुंडलवाडी नगरपरिषद  हद्दीतील शुक्रवार 6 एप्रिल 2018 रोजी भरणारा आठवडी बाजार बंद ठेवण्यास व शनिवार 7 एप्रिल 2018 रोजी भरविण्यात यावेत, असे आदेश काढले आहेत.   
000000

  वृत्त क्र.   252   शस्त्रास्त्र बाळगण्यावर बंदी ; विनापरवानगी लाऊडस्पिकर नाही   जिल्हयात 144 कलम लागू ; आचारसंहितेचा कडक अवलंब     नांदेड ...