Monday, February 6, 2017

अर्थशास्त्रावरील कोळंबे यांच्या
व्याख्यानास उत्स्फुर्त प्रतिसाद 
नांदेड, दि. 6 :- स्पर्धा परीक्षेची तयारी करणाऱ्या विद्यार्थ्यांसाठी जिल्हाधिकारी कार्यालय सेतू समिती, नांदेड वाघाळा शहर महानगरपालीका, जिल्हा ग्रंथालय धिकारी यांच्यावतीने उज्ज्वल नांदेड माहिमेअतंर्गत रविवार 5 फेब्रुवारी 2017 रोजी स्पर्धा परीक्षा मार्गदर्शन शिबिराचे आयोजन करण्यात आले. महाराष्ट्रात ज्यांची ख्याती आहे असे पुणे येथील अर्थशास्त्राचे व्याख्याते रजंन कोळंबे यांनी विद्यार्थ्यांना सखोल असे मार्गदर्शन केले. या व्याख्यानासाठी होतकरु विद्यार्थ्यांची मोठी गर्दी झाली.

व्याख्यानात श्री. कोळंबे यांनी स्पर्धा परीक्षमधील अर्थशास्त्राचे महत्व या विषयातील महत्वाच्या अभ्यासाच्याबाबी, परीक्षेतील प्रश्नांचे स्वरुप, उत्तराची पध्दत एकूणच स्पर्धा परीक्षेमध्ये यशस्वी होण्यासाठी करावी लागणारी अभ्यासाची तयारी याविषयीही मार्गदर्शन केले.
शिबिराचे उद्घाटन अप्पर जिल्हाधिकारी संतोष पाटील यांनी केले. ते म्हणाले की,  विद्यार्थ्यांनी परीक्षेची तयारी करताना कोणताही मनात न्यूनगंड बाळगता सक्षमपणे परीक्षांना सामोरे जावे. प्रशासन विद्यार्थ्यांसाठी सर्व सुविधा पुरविण्यासाठी कटीबद्ध आहे.
व्याख्याते रंजन कोळंबे त्यांच्या पत्नी पूनम कोळंबे यांचे ग्रामगीता देऊन स्वागत करण्यात आले. राज्यातून प्रथम क्रमांकाने सहायक कक्ष अधिकारी या पदासाठी निवड झालेल्या अश्विनी अर्जूनराव पोतलवार याचा यावेळी मान्यवरांचे हस्ते सत्कार करण्यात आला.
व्याख्यानासाठी विद्यार्थ्यांची मोठी गर्दी झाली. सभागृह तुंड भरल्यानतर सभागृहा बाहेर एलईडी स्क्रीनची व्यवस्था करण्यात आली होती. अनेक विद्यार्थी झाडाखाली, जिकडे जागा मिळेल तिकडे दानामध्ये उभे राह, बसून  व्याख्यान ऐकत होते. मनपाच्या सहायक आयुक्त माधवी मारकड, उमरी-धर्माबादच्या मुख्याधिकारी अंधारे, नायगावच्या मुख्याधिकारी टोंगे यांच्यासह इतरही अधिकारी ज्यांना कोळंबे यांचे मार्गदर्शन मिळाले आहे तेही आवर्जून उपस्थित होते.
उपविभागीय अधिकारी डॉ. अजित थोरबोले यांनी प्रास्ताविक केले. सुत्रसंचालन भार  जिल्हा ग्रंथालय अधिकारी सुनील हुसे यांनी केले. कार्यक्रमाच्या यशस्वी आयोजनासाठी मीना सोलापूरे, आरती कोकूलवार, संजय कर्वे, प्रताप सुर्यंवशी, अजय वटमवार, कोंडिबा गाडेवाड, विठ्ठ यनगुलवार, बाळू पावडे, रघुवीर श्रीरामवार, शहादत्त पुयड, अभीजीत पवार, नितीन कसबे, सतपाल सिंग, लक्ष्मण सेनेवाड, ज्ञानेश्वर सेनेवाड, सोपान यनगुलवार आदींने सहकार्य केले.

000000 
जि.प., पं.स निवडणुकीसाठीचे
निरीक्षक आजपासून जिल्हा दौऱ्यावर
नांदेड, दि. 6 :- जिल्ह्यातील जिल्‍हा परिषद, पंचायत समिती सार्वत्रिक निवडणूक-2017 साठी राज्‍य निवडणूक आयोगाकडून चार निवडणूक निरीक्षकांची नियुक्‍ती करण्‍यात आली आहे. मुख्‍य निवडणूक निरीक्षक व इतर निवडणूक निरीक्षक हे मंगळवार 7 फेब्रुवारी 2017 रोजी संबंधीत तालुक्‍यातील तहसिल कार्यालयात कार्यालयीन वेळेत उपस्थित राहणार आहेत. नागरीकांनी , उमेदवारांनी याची नोंद घ्‍यावी , असे आवाहन जिल्हाधिकारी कार्यालय नांदेड यांनी केले आहे.   
मुख्‍य निवडणूक निरीक्षक म्हणून परभणी जिल्हा परिषदेचे मुख्‍य कार्यकारी अधिकारी सुशिल खोडवेकर यांची नियुक्ती करण्यात आली आहे. श्री. खोडवेकर हे लोहा, कंधार मुखेड, देगलूर तालुक्यांचे काम पाहणार आहेत. औरंगाबाद विभागीय आयुक्त कार्यालयाचे उपआयुक्त (करमणूक) संजय काटकर यांची नांदेड, हदगाव, अर्धापूर, नायगाव खै. तालुक्यांचे निवडणूक निरीक्षक राहतील. औरंगाबाद विभागीय आयुक्त कार्यालयाच्या उपआयुक्त (पुरवठा) श्रीमती वर्षा ठाकूर यांची मुदखेड, उमरी, धर्माबाद, बिलोली तालुक्यांचे निवडणूक निरीक्षक राहतील. औरंगाबाद महाराष्ट्र राज्य रस्ते विकास महामंडळाचे अपर जिल्हाधिकारी जगदीश मिनियार माहूर, किनवट, हिमायतनगर, भोकर तालुक्यांचे निवडणूक निरीक्षक म्हणून काम पाहतील. 

0000000
 जि.प. , पं.स. निवडणूक मतदानासाठी
खासगी आस्थापनातील मतदारांना सुट्टी
नांदेड, दि. 6 :- जिल्ह्यातील जिल्हा परिषद व पंचायत समित्यांच्या सार्वत्रिक निवडणूक क्षेत्रातील दुकाने, आस्थापना, निवासी हॉटेल, खाद्यगृहे, अन्नगृहे, नाट्यगृहे, व्यापार, औद्योगिक उपक्रम किंवा इतर आस्थापना तसेच माहिती तंत्रज्ञान कंपन्या, शॉपिंग सेंटर्स, मॉल्स, रिटेलर्स इत्यादी आस्थापनांमध्ये कार्यरत असलेल्या मतदारांना मतदानाच्या दिवशी गुरुवार 16 फेब्रुवारी 2017 रोजी मतदान करण्यासाठी सुट्टी अथवा दोन तासांची सवलत देण्याबात उद्योग, उर्जा व कामगार विभागाने परिपत्रक काढले आहे. त्याची संबंधितांनी नोंद घ्यावी, असे आवाहन जिल्हा निवडणूक अधिकारी तथा जिल्हाधिकारी नांदेड यांच्यावतीने करण्यात आले आहे.
नांदेड जिल्ह्यात 16 तालुक्यात ज्या गट व गणामध्ये जिल्हा परिषद व पंचायत समिती सार्वत्रिक निवडणुका होणार आहेत त्या मतदान क्षेत्रातील विविध आस्थापनातील कामगारांना निवडणूक मतदानाचा हक्क बजावता यावा यासाठी भरपगारी सुट्टी देण्यात यावे, असे आदेशित करण्यात आले आहे. तसेच मतदानाच्या दिवशी निवडणूक क्षेत्रात कामगाराच्या अनुपस्थितीमध्ये धोका अथवा मोठ्या प्रमाणात नुकसान होईल अशा आस्थापनातील उद्योगातील कामगारांना तसेच माहिती तंत्रज्ञान कंपन्या निर्यात व्यवसायात असलेल्या कंपन्या, कायम / अखंडीत उत्पादन सुरु असलेल्या कंपन्यातील कामगारांना मतदानाच्या दिवशी मतदानाचा हक्क बजावण्यासाठी दोन तासांची सवलत देण्यात यावे, असेही परिपत्रकात म्हटले आहे.
00000

वृत्त क्र. 283

  वृत्त क्र.   283 निवडणूक खर्च निरीक्षक नांदेडमध्ये दाखल ; खर्चावर काटेकोर लक्ष ठेवण्याचे आवाहन नांदेड, दि. 28 : लोकसभा निवडणूक ही अतिशय गं...