Monday, December 17, 2018


नांदेड शिख गुरुव्‍दारा सचखंड श्री हजूर अपचलनगर साहिब मंडळ

निवडणूक 2018 साठी निवडणूक विषयक पहिले प्रशिक्षण संपन्‍न

नांदेड, दि. 17:- जिल्‍हाधिकारी, नांदेड यांची अधिसूचना दि. 26 नोव्‍हेंबर 2018 अन्‍वये नांदेड शिख गुरुव्‍दारा सचखंड श्री हजूर अपचलनगर साहिब मंडळाच्‍या तीन सदस्‍य निवडणूकीसाठी निवडणूक कार्यक्रम जाहीर करण्‍यात आला आहे. सदरील निवडणूकीसाठी दिनांक 14 डिसेंबर 2018 रोजी श्री गुरु ग्रंथ साहिब भवन, नांदेड येथे सर्व अधिकारी कर्मचारी यांचे प्रशिक्षण संपन्‍न झाले.

या प्रशिक्षणामध्‍ये नांदेड, औरंगाबाद, बीड, जालना, लातुर, उस्‍मानाबाद, परभणी, हिंगोली व चंद्रपुर जिल्‍ह्यातील अपर जिल्‍हाधिकारी, अतिरीक्‍त पोलीस अधिक्षक, संबंधित उपविभागीय अधिकारी, तहसिलदार, क्षेत्रिय अधिकारी,  मतदान केंद्राध्‍यक्ष, मतदान अधिकारी हे उपस्थित होते. निवडणूक प्रक्रियेबाबतचे सविस्‍तर प्रास्‍ताविक जिल्‍हाधिकारी अरुण डोंगरे यांनी केले. तसेच निवडणूकीदरम्‍यान कायदा सुव्‍यवस्‍थेची परिस्थिती हाताळण्‍याबाबतचे मार्गदर्शन पोलीस अधिक्षक संजय जाधव  यांनी उपस्थितांना केले. मतदान प्रक्रियेबाबत आणि मतमोजणी करण्‍याबाबतचे प्रशिक्षण उपजिल्‍हाधिकारी श्रीमती अनुराधा ढालकरी यांनी दिले.

सदरील निवडणूकीचे दुसरे प्रशिक्षण व निवडणूक साहित्‍य वाटप दि.25 डिसेंबर, 2018 रोजी श्री गुरु ग्रंथ साहिब भवन, नांदेड येथे होणार असल्‍याबाबत सर्व संबंधितांनी नोंद घ्‍यावी. असे निवडणूक निर्णय अधिकारी तथा जिल्‍हाधिकारी नांदेड यांच्‍या वतीने कळविले आहे.

 

****


नांदेड शिख गुरुव्‍दारा सचखंड श्री हजूर अपचलनगर साहिब मंडळ निवडणूक 2018

प्रशिक्षणास गैरहजर असलेल्‍या अधिकारी / कर्मचारी यांना कारणे दाखवा नोटीस

नांदेड,दि. 17:- जिल्‍हाधिकारी, नांदेड यांची अधिसूचना दिनांक-26 नोव्‍हेंबर 2018 अन्‍वये नांदेड शिख गुरुव्‍दारा सचखंड श्री हजूर अपचलनगर साहिब मंडळाच्‍या तीन सदस्‍य निवडणूकीसाठी निवडणूक कार्यक्रम जाहीर करण्‍यात आला आहे. सदरील निवडणूकीसाठी दिनांक 14 डिसेंबर 2018 रोजी श्री गुरु ग्रंथ साहिब भवन, नांदेड येथे सर्व अधिकारी कर्मचारी यांचे प्रशिक्षण संपन्‍न झाले. सदरील प्रशिक्षणामध्‍ये नांदेड, औरंगाबाद, बीड, जालना, लातुर, उस्‍मानाबाद, परभणी, हिंगोली व चंद्रपुर जिल्‍ह्यातील सर्व अपर जिल्‍हाधिकारी, सर्व अतिरीक्‍त पोलीस अधिक्षक, संबंधित उपविभागीय अधिकारी, तहसिलदार, सर्व क्षेत्रिय अधिकारी,  मतदान केंद्राध्‍यक्ष, मतदान अधिकारी हे उपस्थित होते.

या प्रशिक्षणास गैरहजर असणाऱ्या मतदान केंद्राध्‍यक्ष, क्षेत्रिय अधिकारी तसेच इतर अधिकारी / कर्मचारी यांना निवडणूक निर्णय अधिकारी तथा जिल्‍हाधिकारी नांदेड यांनी कारणे दाखवा नोटीस बजावली असून, संबंधित जिल्‍हाधिकारी यांचेमार्फत त्‍यांना खुलासा सादर करण्‍यास कळविले आहे. गैरहजेरीचा खुलासा सादर करणा-यांविरुध्‍द शिस्‍तभंग विषयक कार्यवाही प्रस्‍तावित करण्‍यात येईल. याची सर्व संबंधितांनी नोंद घ्‍यावी. असे निवडणूक निर्णय अधिकारी तथा जिल्‍हाधिकारी नांदेड यांच्‍या वतीने कळविले आहे.

****

अनुसूचित जाती नवबौध्द घटकातील युवक युवतींसाठी

सैन्य पोलीस भरती पुर्व प्रशिक्षण

 

नांदेड, दि. 17:- सामाजिक न्याय विशेष सहाय्य विभागा मार्फेत अनुसूचित जाती नवबौध्द घटकातील युवक युवतींसाठी सैन्य पोलीस भरती पुर्व प्रशिक्षण कार्यक्रम मंजुर करण्यात आला आहे. प्रक्षिणाचा कालावधी-तीन महिन्यांचा असुन सदर प्रशिक्षण श्री हनुमान व्यायाम प्रसारक मंडळ अमरावती येथे होणार आहे. प्रशिक्षणाकरिता राहणे, भोजन, गणवेश, मैदानी चाचणीचे प्रशिक्षण लेखी चाचणीचे प्रशिक्षण मोफत देण्यात येते.  

तेव्हा पुढील प्रशिक्षण सत्र 01 जोनवारी, 2019 पासुन सुरू होणार आहे. त्यानुसार प्रशिक्षणासाठी  प्रशिक्षणार्थीची निवड करावयाची आहे. अनुसूचित जाती नवबौध्द घटकातील युवक युवतींसाठी सैन्य पोलीस भरती पुर्व प्रशिक्षणासाठी पात्रतेच्या अटी शर्ती खालील प्रमाणे आहेत.

उमेदवार हा महाराष्ट्रातील अनुसूचित जाती नवबौध्द घटकातील असावा. उमेदवाराचे वय 18 ते 25 वर्ष असावे. उमेदवाराची उंची - पुरुष = (165 सेमी) महिला = (155 सेमी) असावी. छाती फुगवता - पुरुष = (79 सेमी) फुगवुन = (84 सेमी) असावी. शैक्षणिक पात्रता इयत्ता 12 वी पास. उमेदवार हा शारीरिक मानसिक दृष्टया निरोगी असावा.

जातीचे प्रमाणपत्र, रहिवाशी दाखला, शाळा सोडल्याचे प्रमाणपत्र , ओळखपत्राची सत्यप्रत देणे कागदपत्रे आवश्यक आहेत.

अनुसूचित जाती नवबौध्द घटकातील युवक / युवतींना कळविण्यात येते की, त्यांनी दि.17 डिसेंबर, 2018 रोजी सोमवार, सकाळी 10.00 ते सायंकाळी 05.00 पर्यंत डॉ. बाबासाहेब आंबेडकर सामाजिक न्याय भवन, अर्धापुर रोड, ग्यानमाता हायस्कुल समोर, नांदेड जि.नांदेड येथे मुळ कागदपत्रासह साक्षांकित प्रतीसह अर्ज सादर करावा स्वत: उपस्थित राहावे. हजर राहणाऱ्या उमेदवारांना जाण्या - येण्याचा भत्ता दिला जाणार नाही, याची नोंद घ्यावी. असे आवाहन  नांदेडचे  सहाय्यक आयुक्त, समाज कल्याण तेजस माळवदकर यांनी केले आहे.

****  

  वृत्त क्र.   252   शस्त्रास्त्र बाळगण्यावर बंदी ; विनापरवानगी लाऊडस्पिकर नाही   जिल्हयात 144 कलम लागू ; आचारसंहितेचा कडक अवलंब     नांदेड ...