Saturday, December 23, 2017

किनवट येथील महाआरोग्य शिबिराची तयारी पुर्ण
जीवनात एखाद्या कार्यामुळे जे समाधान
मिळते ते रुग्णसेवेतून मिळते
                     - जिल्हाधिकारी अरुण डोंगरे
नांदेड, दि. 23 :- जीवनात एखाद्या कार्यामुळे जे समाधान मिळते ते रुग्णसेवेतून मिळते, अन्य कुढल्याही कामातून मिळत नाही, असे प्रतिपादन जिल्हाधिकारी अरुण डोंगरे यांनी केले.
राज्याचे मुख्यमंत्री देवेंद्र फडणवीस यांच्या संकल्पनेतून व वैद्यकीय शिक्षण व जलसंपदा मंत्री गिरीष महाजन यांचे मार्गदर्शन व संयोजनाने तसेच नांदेड जिल्हा प्रशासन व निरामय सेवा फाऊंडेशन मुंबई यांच्या संयुक्त विद्यमाने रविवार 24 डिसेंबर रोजी कोठारी (चि.) ता. किनवट येथील अटल मैदानावर आयोजित ग्रामीण महाआरोग्य शिबिराच्या तयारीचा आढावा जिल्हाधिकारी रु डोंगरे यांनी घेतला. यावेळी जिल्हाधिकारी यांच्या प्रमुख उपस्थितीत प्रशिक्षण, कार्यशाळा संपन्न झाली.
या शिबीराची तयारी र्ण झाली आहे. राज्याच्या विविध भागातील नामांकीत डॉक्टरांची टीम किनवट येथे दाखल होत आहे. शिबीराचे नेटके संयोजन वैद्यकीय शिक्षण, जलसंपदा लाभक्षेत्र विकासमंत्री गिरीष महाजन त्यांच्या टीमकडून होत आहे. महाआरोग्य या कार्यक्रमात अधिकारी, कर्मचारी, नागरीक, अंगणवाडी कार्यकर्ते विविध सामाजिक संघटनांचे पदाधिकारी, कार्यकर्ते शिबीर यशस्वीतेसाठी प्रयत्न करीत आहेत. आतापर्यंत 50 हजारांच्या जवळपास रुग्णांची पूर्वतपासणी करण्यात आली आहे. जनसेवेसाठी सकारात्मक दृष्टीकोन ठेवत सर्वच विभागांची मदत मिळत आहे. राज्याचे मुख्यमंत्री देवेंद्र फडणवीस, वैद्यकीय शिक्षण मंत्री गिरीष महाजन यांनी ही चांगली संधी माहूर, किनवट, हदगाव, हिमायतनगर भोकर तालुक्यातील रुग्णांसाठी उपलब्ध करुन दिली आहे. या शिबीरात एक ते दिड लाखांच्यावर तपासणी, उपचार पुढील उपचारासाठी मार्गदर्शन करण्यात येणार आहे, असे जिल्हाधिकारी अरुण डोंगरे यांनी सांगितले.
            याप्रसंगी माजी खासदार डी. बी. पाटील, सहाय्यक जिल्हाधिकारी तथा प्रकल्पाधिकारी अजित कुंभार, अप्पर जिल्हाधिकारी संतोष पाटील, प्रभारी मुख्य कार्यकारी अधिकारी डॉ. शरद कुलकर्णी, सहाय्यक प्रकल्प अधिकारी डॉ. प्रविण घुले, उपमुख्य कार्यकारी अधिकारी व्ही. आर. कोंडेकर, तहसीलदार नरेंद्र देशमुख, उपविभागीय पोलीस अधिकारी जहरवाल, गटविकास अधिकारी सुहास कारेगावे, मुख्याधिकारी काकासाहेब डोईफोडे, अशोक पाटील सर्यवंशी, वैद्यकीय शिक्षण, जलसंपदा लाभक्षेत्र विकासमंत्री गिरीष महाजन यांचे स्वीय सहाय्यक संदिप जाधव, विशेष कार्यकारी अधिकारी आरोग्यदूत रामेश्वर नाईक, महाआरोग्य शिबीर समन्वयक डॉ. यशवंत पाटील तसेच आदि विविध विभागाचे विभाग प्रमखांची यावेळी उपस्थिती होती.

0000

  वृत्त क्र.   252   शस्त्रास्त्र बाळगण्यावर बंदी ; विनापरवानगी लाऊडस्पिकर नाही   जिल्हयात 144 कलम लागू ; आचारसंहितेचा कडक अवलंब     नांदेड ...