आरटीओचे माहूर येथील शिबीर रद्द

नांदेड दि. 29 :- प्रत्येक महिन्याच्या 30 तारखेला माहूर येथे मासिक शिबीर घेण्यात येत होते. परंतू 30 जुनला सार्वजनिक बांधकाम विभागाचे विश्रामगृह उपलब्ध नसल्यामुळे शुक्रवार 30 जुन 2017 रोजीचे मासिक शिबीर रद्द करण्यात आले आहे. याची संबंधितांनी नोंद घ्यावी, असे आवाहन प्रादेशिक परिवहन अधिकारी नांदेड यांनी केले आहे.

00000

ऊर्जा मंत्री चंद्रशेखर बावनकुळे यांचा सुधारीत दौरा

नांदेड दि. 29 :-  राज्याचे ऊर्जा, नवीन व नवीकरणीय ऊर्जा, राज्य उत्पादन शुल्क मंत्री चंद्रशेखर बावनकुळे हे नांदेड दौऱ्यावर येत असून त्यांचा सुधारीत दौरा कार्यक्रम पुढील प्रमाणे राहील.

शुक्रवार 30 जुन 2017 रोजी सकाळी 8 ते 9 वाजेपर्यंत राखीव. सकाळी 9 वा. आयपीडीएस योजनेंतर्गत तरोडा नाका, लोहा, कंधार, बिलोली व DDUJY योजनेअंतर्गत 33 केव्ही उपकेंद्र अर्धापूर तालुक्यातील अमराबाद (बारसगाव), कंधार तालुका- हळदा, नांदेड तालुका- कासारखेडा, मुखेड तालुका- चंडोला व जांब, बिलोली तालुका- लोहगाव, उमरी तालुका- ढोलउमरी, हदगाव तालुका- घोगरी, किनवट तालुका- मालबोरगाव, हिमायतनगर तालुका- पोटा व धर्माबाद तालुका- येताळ्याचे भुमीपूजन. स्थळ : कुसुम सभागृह व्हीआयपी रोड नांदेड. दुपारी 11 ते 1 वाजेपर्यंत जनतेच्या तक्रारी स्वीकारण्यासाठी राखीव वेळ. स्थळ : कुसुम सभागृह व्हीआयपी रोड नांदेड. दुपारी 1 ते 2 वाजेपर्यंत राखीव. दुपारी 2 ते 4 वाजेपर्यंत लोकप्रतिनिधी समवेत बैठक स्थळ : शासकीय विश्रामगृहाचे सभागृह, मिनी सह्याद्री नांदेड. दुपारी 4 वा. पत्रकार परिषद, स्थळ : शासकीय विश्रामगृहाचे नांदेड. दुपारी 4.30 वा. नांदेड येथुन नागपुरकडे प्रयाण करतील.

0000000

पालकमंत्री अर्जुन खोतकर यांचा दौरा

नांदेड दि. 29 :- राज्याचे पशुसंवर्धन, दुग्धव्यवसाय विकास, मत्स्यव्यवसाय व वस्त्रोद्योग तथा नांदेड जिल्ह्याचे पालकमंत्री अर्जुन खोतकर हे नांदेड जिल्ह्याच्या दौऱ्यावर येत असून त्यांचा दौरा कार्यक्रम पुढील प्रमाणे राहील.

शुक्रवार 30 जुन 2017 रोजी हैद्राबाद येथुन मोटारीने रात्री 2 वा. माहुर येथे आगमन व शासकीय विश्रामगृह माहुर येथे मुक्काम.

शनिवार 1 जुलै 2017 रोजी सकाळी 9.30 वा. रेणुकामाता मंदीर माहुर येथे देवीचे दर्शन. सकाळी 10 वा. चार कोटी वृक्ष लागवड कार्यक्रमाच्या शुभारंभ समारंभास उपस्थिती. स्थळ- दत्तशिखर मंदिर परिसर माहुर. दुपारी 12.30 वा. माहुरगड विकास आराखडा आढावा बैठक. स्थळ- तहसिल कार्यालय माहुर. दुपारी 1.30 वा. राखीव. दुपारी 2.30 वा. माहूर येथुन मोटारीने नांदेडकडे प्रयाण. सायं. 5 वा. नांदेड येथे आगमन व महावीर बावरी नांदेड येथे भेट व नांदेड येथे झालेल्या कामाची पाहणी व बैठक. सायं. 6 वा. आषाढी महोत्सव कार्यक्रमास उपस्थिती. स्थळ- कै. शंकरराव चव्हाण प्रेक्षागृह नांदेड. रात्री 8 वा. शासकीय विश्रामगृह नांदेडकडे प्रयाण. शासकीय विश्रामगृह नांदेड येथे आगमन व राखीव.  

0000

ऊर्जामंत्री बावनकुळे आज नांदेडात

महावितरणच्या पंधरा उपकेंद्राचे करणार भुमिपूजन

नांदेड दि. 29 :- राज्याचे ऊर्जा , नवीन व नवीकरणीय ऊर्जा, राज्य उत्पादन शुल्क मंत्री  चंद्रशेखर बावनकुळे आज नांदेड दौ-यावर येत आहेत. नांदेड जिल्हयातील महावितरण कंपनीच्या प्रस्तावीत कामांचे भुमिपूजन ऊर्जामंत्र्यांच्या हस्ते करण्यात येणार आहे. त्याचबरोबर वीजग्राहकांच्या विविध समस्यांचे निराकरण करण्यासाठी जनता दरबाराचे कुसूम सभागृह येथे वीजग्राहकांशी मुक्त संवाद साधणार आहेत.

नांदेड जिल्हयातील महावितरणच्या पंडीत दीनदयाल उपाध्याय ग्रामज्योती योजनेअंतर्गत मंजूर झालेल्या 33 केव्ही उपकेंद्र अमराबाद (बरसगाव) ता. अर्धापूर, हळदा ता. कंधार, कासारखेडा ता. नांदेड, चांडोळा ता. मुखेड, जांब ता. मुखेड, लोहगाव ता. बिलोली, ढोलउमरी ता. उमरी, घोगरी ता. हदगाव, मालबोरगाव ता. किनवट, पोटा ता. हिमायतनगर, येताळा ता. धर्माबाद त्याचबरोबर एकात्मिक ऊर्जा विकास योजने अंतर्गत तरोडानाका, लोहा, कंधार व बिलोली येथील मंजुर विद्युत उपकेंद्राचे भुमीपूजन ऊर्जामंत्री श्री. बावनकुळे यांच्या हस्ते कुसूम सभागृह येथे सामुहिकरित्या सकाळी 9 वा. केले जाणार आहे. भुमिपुजनानंतर लगेच नांदेड जिल्हयातील सर्वपक्षीय पदाधिकारी, लोकप्रतिनिधी त्याचबरोबर वीजग्राहक यांच्या उपस्थितीत वीज समस्येबाबत विविध प्रकारच्या तक्रारी, निवेदने व सुचना यांचा स्विकार करून त्यांचे निराकरण जनता दरबाराच्या माध्यमातून केले जाणार आहे.

सर्वसामान्य वीजग्राहकांसोबतच नांदेड जिल्हयातील खासदार, आमदार, जिल्हा परिषद सदस्य, पंचायत समिती सदस्य, महापौर, नगराध्यक्ष, नगरसेवक, सभापती, पदाधिकारी यांच्यासोबत तसेच महावितरण, महापारेषण कंपनीचे कार्यकारी अभियंता ते वरिष्ठस्तरावरील अधिकारी, राज्य उत्पादन शुल्क विभागाचे उपअधीक्षक ते वरिष्ठस्तर अधिकारी यांच्या उपस्थितीत सार्वजनिक बांधकाम विभागाच्या शासकीय विश्रामगृहाच्या सभागृहात दुपारी 2 ते 4 या कालावधीत चर्चा करणार असून त्याच ठिकाणी दुपारी 4 वा. विविध माध्यमांचे प्रतिनिधी यांच्यासोबत सुसंवाद साधणार आहेत.

रास्तभाव धान्य दुकानात

जुलैसाठी साखर उपलब्ध

नांदेड दि. 29 :- सार्वजनिक वितरण व्यवस्थेअंतर्गत नांदेड जिल्ह्यातील अंत्योदय शिधापत्रिकाधारकांसाठी जुलै 2017 करीता साखर रास्तभाव धान्य दुकानात उपलब्ध झाल्याचे जिल्हा पुरवठा अधिकारी  नांदेड  यांनी कळवले आहे. 

या नियतनानुसार प्रती  शिधापत्रिका एक किलो याप्रमाणे मंजूर केले आहे. जिल्ह्यासाठी 748.06 क्विंटल साखरेचा पुरवठा उपलब्ध झाला आहे. तालुका निहाय उपलब्ध साखर पुढील प्रमाणे क्विंटल मध्ये : नांदेड व लोहा- 6.5, हदगाव- 67.7, किनवट- 154, भोकर- 37, बिलोली- 56.48, देगलूर- 49, मुखेड- 67.31, कंधार- 43.07, लोहा- 35, अर्धापूर- 15, हिमायतनगर- 33, माहूर- 65, उमरी- 28, धर्माबाद- 25, नायगाव- 50, मुदखेड- 16. सर्व अंत्योदय शिधापत्रिकाधारकांनी स्वस्त धान्य दुकानातून साखरेची उचल करावी, असे आवाहन  जिल्हा पुरवठा अधिकारी नांदेड यांनी केले आहे.

0000000

माहुर येथे वृक्षारोपण मोहिमेचा 1 जुलैला

पालकमंत्री खोतकर यांच्या हस्ते शुभारंभ

जिल्ह्यात 17 लाख 52 हजार वृक्ष लागवडीसाठी जिल्हा प्रशासन सज्ज

नांदेड दि. 29 :- चार कोटी वृक्ष लागवड कार्यक्रमाच्या निमित्ताने नांदेड जिल्ह्यात वृक्षारोपण मोहिमेचा शुभारंभ 1 जुलै रोजी सकाळी 10 वा. माहुर येथील दत्तशिखर मंदिर परिसरात होणार आहे. या मोहिमेचा शुभारंभ राज्याचे वस्त्रोद्योग, पशुसंवर्धन, दुग्धविकास व मत्स्य विकास तथा नांदेड जिल्ह्याचे पालकमंत्री अर्जुन खोतकर यांच्या हस्ते होणार असून कार्यक्रमाच्या अध्यक्षस्थानी माजी मुख्यमंत्री व खासदार अशोकराव चव्हाण हे राहणार आहेत.

यावेळी जिल्हा परिषद अध्यक्ष श्रीमती शांताबाई पवार, खासदार राजीव सातव, खासदार डॉ. सुनिल गायकवाड, आमदार अमरनाथ राजुरकर, आमदार विक्रम काळे, आमदार सतीश चव्हाण, आमदार डी. पी. सावंत, आमदार प्रदीप नाईक, आमदार वसंत चव्हाण, आमदार प्रताप पाटील चिखलीकर, आमदार सुभाष साबणे, आमदार सौ. अमिता चव्हाण, आमदार हेमंत पाटील, आमदार नागेश पाटील आष्टीकर, आमदार डॉ. तुषार राठोड, जिल्हा परिषदेचे उपाध्यक्ष समाधान जाधव, माहुर नगरपंचायतीचे अध्यक्ष फेरोज खादर दोसानी, जिल्हाधिकारी अरुण डोंगरे, जिल्हा परिषदेचे मुख्य कार्यकारी अधिकारी अशोक शिनगारे, जिल्हा पोलीस अधीक्षक चंद्रकिशोर मिना यांची प्रमुख उपस्थिती राहणार आहे.  

पर्यावरणाचे असंतुलन, असमतोल, वाढते प्रदुषण आणि त्यातून होत असलेले पर्यावरणीय  बदलाची तीव्रता कमी करण्यासाठी शासनाचे  विविध विभाग व लोकसहभागातून येत्या 1 जुलै रोजी “वृक्ष लागवडीचा” महत्वाकांक्षी कार्यक्रम हाती घेतला आहे. जिल्ह्यास दिलेले वृक्षारोपणाचे उद्दीष्ट साध्य करण्यासाठी जिल्हा प्रशासनाने योग्यरित्या नियोजन केले आहे. सर्वांनी वृक्ष लागवडीच्या या मोहिमेत सहभागी होवून वृक्षारोपण करावे, असे आवाहन जिल्हाधिकारी अरुण डोंगरे यांनी केले आहे.    

वन व सामाजिक वनीकरण विभाग नांदेड यांच्यावतीने 1 ते 7 जुलै या कालावधीत वृक्ष लागवडीची मोहिम जिल्ह्यात राबविण्यात येणार आहे. जिल्ह्यात 17 लाख 52 हजार 876 वृक्ष लागवडीचे उद्दीष्ट देण्यात आले आहे. त्यासाठी जिल्ह्यात वन विभागाकडून 9 लाख 48 हजार 925 , सामाजिक वनीकरण विभागाकडून 1 लाख 51 हजार 375, वनविकास महामंडळाकडून 1 लाख 17 हजार 600, जिल्ह्यातील सर्व ग्रामपंचायतींना 364 प्रमाणे 4 लाख 76 हजार 476 व इतर यंत्रणाकडून 59 हजार 100 असे एकुण 17 लाख 52 हजार 876 वृक्ष लागवडीचे उद्दीष्ट देण्यात आले आहे. त्यासाठी रोपांची उपलब्धताही करण्यात आलेली आहे. या रोपांचे वितरण सुलभरित्या होण्यासाठी नियोजनही करण्यात आले आहे. वन विभागाच्या "रोपे आपल्या दारी" या मोहिमेंतर्गत जिल्ह्यात भोकर, नांदेड, देगलूर, मुखेड, हदगाव, हिमायतनगर, माहूर, बोधडी, इस्लापूर, अप्पारावपेठ, मांडवी, किनवट या बारा वनपरिक्षेत्राच्या ठिकाणी प्रत्येकी तीन वनमहोत्सव रोप विक्री केंद्रे सुरु केली आहेत. त्याठिकाणी सवलतीच्या दरात रोपे उपलब्ध होणार आहेत. वृक्षरोपणाच्या या कार्यक्रमात शाळा, महाविद्यालय, विद्यापीठ, शासकीय, निमशासकीय विभाग, ग्रामपंचायती, स्वयंसेवी संस्था, सामाजिक संस्था, एनएसएस, एनसीसी, स्काउट अॅड गाईड्स, हरित सेना, सहकारी संस्था आदींचा सहभाग घेतला जाणार आहे, अशी माहिती उपवनसंरक्षक आशिष ठाकरे यांनी दिली.           

0000000

वृक्षारोपण मोहिमेत सर्वांचा सहभाग... उद्याच्या चांगल्या वातावरणासाठी, मुलांप्रमाणे संगोपनाची भावना मनात घेऊन रोप नेतांना सायकलस्वाराचे छायाचित्रकार विजय होकर्णे यांनी विसावानगर नांदेड येथे टिपलेले छायाचित्र.