Tuesday, June 12, 2018


बालकामगार विरोधी दिनानिमित्त रॅलीचे आयोजन
नांदेड, दि. 12 :- जागतिक बालकामगार विरोधी दिनानिमित्त जनजागृती रॅलीचे आयोजन आज करण्यात आले होते. रॅलीस उपजिल्हाधिकारी तथा बालकामगार प्रकल्पाचे सचिव सुनिल महेंद्रकर यांचे हस्ते जिल्हाधिकारी कार्यालयातून हिरवी झेंडी दाखवून सुरुवात करण्यात आली.  
जागतिक बालकामगार विरोधी दिन 12 जून रोजी पाळला जातो. राष्ट्रीय बालकामगार प्रकल्पांतर्गत जिल्हयात 9 विशेष प्रशिक्षण केंद्र चालविले जातात. त्यामध्ये 442 बालकामगारांना शिक्षण दिले जाते. नांदेड शहरात 6 विशेष प्रशिक्षण केंद्र असून तीनशे बालकामगारांना शिक्षण दिले जाते. रॅलीत विद्यार्थी, संस्थेचे संस्थापक प्रमुख, कर्मचाऱ्यांनी सहभाग नोंदविला. तसेच नायब तहसिलदार तथा प्रभारी प्रकल्प संचालक डी. एन. पोटे, सहाय्यक कामगार कार्यालयातील कामगार अधिकारी अविनाश देशमुख व त्यांचे कर्मचारी, राष्ट्रीय बालकामगार प्रकल्पाचे कार्यक्रम व्यवस्थापक श्रीमती पवळे रुक्मीणी यांचाही सहभाग होता. रॅलीचा समारोप अल्पबचत भवन येथे करण्यात आला. यावेळी विद्यार्थ्यांना पालकांनी कामाला पाठवू नये याबाबत मार्गदर्शन केले. तसेच अर्धापूर, मुदखेड, भोकर याठिकाणी जागतिक बालकामगार विरोधी दिन साजरा करण्यात आला.
0000


शासकीय तंत्र प्रशाला केंद्रात
व्यवसाय अभ्यासक्रमाचे प्रवेश सुरु
नांदेड, दि. 12 :- शासकीय तंत्र प्रशाला केंद्रातील विविध व्यवसाय अभ्यासक्रम सन 2018-19 साठी प्रवेश सुरु झाली आहेत. इलेक्ट्रीकल, ॲटोमोबॉईल व कॉम्प्युटर टेक्नॉलॉजी अभ्यासक्रम पुर्ण करणाऱ्या विद्यार्थ्यांना शासकीय, निमशासकीय, खाजगी कंपनीत नौकरीची संधी प्राप्त होते. या व्यवसायाच्या मर्यादीत जागा असल्यामुळे इच्छुक विद्यार्थ्यांनी प्रवेशासाठी शासकीय तंत्र प्रशाला केंद्र, भारत गॅस एजन्सी समोर बाबानगर, नांदेड येथे संपर्क साधावा, असे आवाहन शासकीय तंत्र प्रशाला केंद्राचे मुख्याध्यापक यांनी केले आहे. 
00000


शासकीय ईबीसी वसतीगृहातील
प्रवेशासाठी प्रक्रिया सुरु
            नांदेड, दि. 12 :- शासकीय ईबीसी मुलांचे वसतीगृह मालेगाव रोड तथागत नगर नांदेड येथे सन 2018-19 या शैक्षणिक वर्षात इयत्ता 8 वी, 11 वी, पदवी प्रथम वर्षे कला, वाणिज्य, विज्ञान शाखेच्या विद्यार्थ्यांसाठी नूतन प्रवेश तसेच वर्ग 9 वी, 10 वी, 12 वी, पदवी द्वितीय आणि तृतीय व पदवीत्तर द्वितीय वर्षे पुर्नप्रवेशासाठी विद्यार्थ्यांकडून प्रवेश अर्ज शनिवार 30 जून 2018 पर्यंत सुट्टीचे दिवस वगळून मागविण्यात येत आहेत.
अर्जासोबत वार्षिक परीक्षेच गुणपत्रक सन 2017-18 या वर्षाचे वार्षिक उत्पन्नाचे तहसिलदार यांनी दिलेले प्रमाणपत्र, जातीचे प्रमाणपत्र, रहिवासी प्रमाणपत्राच्या सत्यप्रती साक्षांकित करुन प्रवेश अर्जासोबत जोडणे आवश्यक आहे. प्रवेश अर्ज व नियमावली कार्यालयीन वेळेत 30 जून पर्यंत सुट्टीचे दिवस वगळून कार्यालयात मिळतील. या कालावधीत संपूर्णपणे भरलेले अर्ज कागदपत्रांसह स्विकारले जाणार आहेत.
प्रवेश अर्जाची किंमत 10 रुपये असून अर्ज विद्यार्थ्यांने समक्ष घेऊन जावेत. विद्यार्थ्यांची प्रवेशाची निवड प्रक्रिया पूर्ण झाल्यावर वसतीगृह नियमीत सुरु होईल. वसतीगृहात निवड झालेल्या विद्यार्थ्यांना 500 रुपये अनामत रक्कम भरावी लागेल. शासनाकडून वसतीगृहास निवासाची, भोजनाची विनामुल्य सोय करण्यात आली आहे. विद्यार्थ्‍यांना गुणवत्तेनुसार वसतीगृहात प्रवेश दिला जातो. मागासवर्गीय विद्यार्थ्यांना 20 टक्के जागा राखीव आहेत. या वसतीगृहात प्रवेश अर्ज स्विकारण्याची शेवटची तारीख 30 जून 2018 ही असून या तारखेनंतर आलेले अर्ज स्विकारले जाणार नाहीत. चूक किंवा अपूर्ण माहितीचे अर्ज तसेच कागदपत्रांची पूर्तता न केलेले अर्ज स्विकारले जाणार नाही याची संबंधीत विद्यार्थी, पालकांनी नोंद घ्यावी, असे आवाहन गृहप्रमुख शासकीय ईबीसी वसतीगृह नांदेड यांनी केले आहे.
वसतीगृहातील प्रवेशासाठी एकूण 100 विद्यार्थ्यांची निवड करण्यात येणार आहे. त्याचा तपशील पुढील प्रमाणे.
माध्यमिक विभाग ( 8, 9 , 10 वी )- 40 जागा, पूर्नप्रवेशाच्या जागा- 24, नुतन प्रवेशाची विद्यार्थी संख्या- 14, खुला संवर्गासाठी- 11, राखीव- 3.
उच्च माध्यमिक विभाग ( 11 12 वी )- 40 जागा, पूर्नप्रवेशाच्या जागा- 27, नुतन प्रवेशाची विद्यार्थी संख्या- 11, खुला संवर्गासाठी- 9, राखीव- 2.
वरिष्ठ महाविद्यालय विभाग ( पदवी / पदव्युत्तर )- 20 जागा, पूर्नप्रवेशाच्या जागा- 24, नुतन प्रवेशाची विद्यार्थी संख्या- निरंक, खुला संवर्गासाठी- निरंक, राखीव- निरंक.
000000

  वृत्त क्र.   252   शस्त्रास्त्र बाळगण्यावर बंदी ; विनापरवानगी लाऊडस्पिकर नाही   जिल्हयात 144 कलम लागू ; आचारसंहितेचा कडक अवलंब     नांदेड ...