वृत्त  

विद्यानिकेतन व आदर्श आश्रमशाळेत ‘हिंद की चादर’ गुरु तेग बहादूर यांना अभिवादन

धाराशिव,दि.१६ जानेवारी (जिमाका ) ‘हिंद की चादर’ म्हणून ओळखल्या जाणाऱ्या गुरु तेग बहादूर यांच्या ३५० व्या शहादत वर्षानिमित्त विद्यानिकेतन माध्यमिक आश्रमशाळा व आदर्श प्राथमिक आश्रमशाळा, शिंगोली (ता.जि.धाराशिव) यांच्या संयुक्त विद्यमाने गुरुवारी १५ जानेवारी रोजी विशेष कार्यक्रमाचे आयोजन करण्यात आले.

कार्यक्रमाची सुरुवात श्रीमती.ज्योती राठोड यांच्या हस्ते "हिंद दि चादर" गुरु तेग बहादूर यांच्या प्रतिमेचे पूजन करून करण्यात आली.यानंतर प्रभात फेरी काढण्यात येऊन विविध घोषणा देण्यात आल्या.

कार्यक्रमाचे प्रास्ताविक रत्नाकर पाटील सर यांनी केले.ते म्हणाले की,गुरु तेग बहादूर हे सिखांचे नववे गुरु असून त्यांनी अन्याय व अत्याचाराच्या विरोधात आवाज उठवत खंबीरपणे लढा दिला.धर्म व देशाच्या रक्षणार्थ त्यांनी आपले बलिदान दिले. देशरक्षणासाठी दिलेल्या या महान त्यागामुळेच त्यांना “हिंद की चादर” ही गौरवशाली उपाधी बहाल करण्यात आली,असे गौरवोद्गार त्यांनी काढले.

या कार्यक्रमाला शाळेतील शिक्षक दिपक खबोले,चंद्रकांत जाधव,कैलास शानिमे, पडवळ खंडू,साने ज्योती,सुरेखा कांबळे, श्रद्धा सूर्यवंशी,सुधीर कांबळे,शेषेराव राठोड,सचिन राठोड,बालिका बोयणे, इरफान शेख तसेच शिक्षकेत्तर कर्मचारी गोविंद बनसोडे,सागर सूर्यवंशी,संजय मस्के आदी उपस्थित होते.

गुरु श्री गुरु तेग बहाद्दर साहिब जी यांच्या ३५० व्या शहादत समागम वर्षानिमित्त शाळेत चित्रकला व निबंध स्पर्धांचेही आयोजन करण्यात आले.कार्यक्रमाचे सूत्रसंचालन शिक्षक रत्नाकर पाटील यांनी केले,तर आभार शिक्षक दिपक खबोले यांनी मानले.

****