वसतिगृहातील प्रवेशासाठी 15 डिसेंबर पर्यंत अर्ज करण्याचे आवाहन 

नांदेड (जिमाका) दि. 9 :- मागासवर्गीय मुलां-मुलींचे सर्व शासकीय वसतिगृहे सुरु झालेली आहेत. विद्यार्थ्यांना वसतिगृहात प्रवेश देण्याबाबतची प्रक्रीया सुरु झालेली आहे. जिल्ह्यातील इच्छुक व पात्र विद्यार्थ्यांनी वसतिगृह प्रवेशासाठी बुधवार 15 डिसेंबर 2021 पर्यत अर्ज करावेत, असे आवाहन समाज कल्याण विभागाचे सहाय्यक आयुक्त तेजस माळवदकर यांनी केले आहे. 

इयत्ता आठवीमध्ये शिक्षण घेत असलेल्या तसेच इयत्ता अकरावीमध्ये शिक्षण घेणाऱ्या व पदवी  प्रथम वर्षात व पदव्युत्तर प्रथम वर्षात शिक्षण घेत असलेल्या प्रवेशोत्सूक विद्यार्थ्यांनी संबंधित वसतिगृहातील गृहपाल यांच्याकडे प्रवेश अर्ज भरून द्यावेत. त्यानंतर आलेल्या अर्जाचा विचार केला जाणार नाही. याची कृपया नोंद घ्यावी, असेही समाज कल्याण विभागाने प्रसिद्धीपत्रकाद्वारे कळविले आहे.  

00000