स्पर्धा परीक्षेतील यशासाठी

"उज्ज्वल नांदेड" उपक्रम फलदायी

- प्रा. अभिजित राठोड

नांदेड, दि. 5 :- सध्याचा काळ स्पर्धेच्या असून खासकरुन स्पर्धा परीक्षेची तयारी करताना करावी लागणारी स्पर्धा व  सातत्यपूर्ण अभ्यास, ग्रंथालयाची उपलब्धता व योग्य मार्गदर्शन या सर्व बाबींचा विचार करता जिल्हा प्रशासनाच्यावतीने राबविण्यात येत असलेला "उज्ज्वल नांदेड" उपक्रम स्पर्धा परीक्षेची तयारी करणाऱ्या विद्यार्थ्यांना अत्यंत फलदायी ठरणार आहे, असे प्रतिपादन प्रा. अभिजित राठोड यांनी केले.

जिल्हाधिकारी कार्यालय, सेतू समिती,नांदेड-वाघाळा शहर मनपा व जिल्हा ग्रंथालय अधिकारी कार्यालय यांचे संयुक्त विद्यमाने उज्ज्वल नांदेड मोहीमेअंतर्गत आयोजित स्पर्धा परीक्षा मार्गदर्शन शिबिरात राज्यसेवा पूर्व परीक्षा रणनिती : अर्थशास्त्र व राज्यव्यवस्था या विषयावरील व्याख्यानामध्ये प्रा.राठोड बोलत होते.

जिल्हा ग्रंथालय अधिकारी सुनील हुसे यांच्या अध्यक्षतेखाली झालेल्या या शिबिरास पोलिस निरिक्षक  सुभाष राठोड, आरती कोकूलवार, संजीव कार्ले, प्रा. श्रीकांत आडे, प्रा. निलेश राठोड, प्रा. रितेश पाटील, प्रा.मलेश तलांडी व राहूल राठोड यांची प्रमुख उपस्थिती होती.

यावेळी प्रा.अभिजित राठोड यांनी पहिल्या सत्रामध्ये परीक्षेची रणनिती व दुसऱ्या सत्रामध्ये अर्थशास्त्र व राज्यव्यवस्था यावर सखोल असे मार्गदर्शन करुन विद्यार्थ्यांशी संवाद साधला.     पोलिस निरीक्षक श्री. राठोड यांनी मार्गदर्शन करताना जिद्द,चिकाटी,आत्मविश्वास व सातत्य बाळगून अभ्यास केल्यास यश हमखास मिळते असे सांगीतले. जिल्हा ग्रंथालय अधिकारी श्री हुसे यांनी जिल्हा प्रशासनाच्यावतीने राज्यसेवा पूर्वपरीक्षेची तयारी करणाऱ्या विद्यार्थ्यांसाठी 8 जानेवारी ते 26 मार्च याकालावधीत दर सोमवारी सराव परीक्षेचे नि:शुल्क आयोजन करण्यात येणार असल्याचे सांगीतले.

सुरवातीला व्याख्यात्यांचे स्वागत ग्रामगीता देऊन करण्यात आले. त्यानंतर प्रा. हनमंत हतनुरे लिखीत व साईनाथ डहाळे संपादित 'मराठी व इंग्रजी प्रश्नसंच' या ग्रंथाचे प्रकाशन जिल्हा ग्रंथालय अधिकारी सुनील हुसे यांचे हस्ते संपन्न झाले. दिवसभर चाललेल्या या मार्गदर्शन शिबिरात मोठया संख्येने विद्यार्थ्यांनी सहभागी घेतला होता.  सूत्रसंचलन नितीन कसबे, व्याख्यात्यांचा परिचय मुक्तीराम शेळके यांनी करुन दिला. कार्यक्रमाचे संयोजन प्रताप सुर्यवंशी, अजय वट्टमवार, कोंडीबा गाडेवाड, बाळू पावडे, रघूवीर श्रीरामवार, लक्ष्मण शेनेवाड, सोपान यनगुलवाड, कृष्णा वाईकर आदी संयोजन केले.

000000