एकात्मिक फलोत्पादन विकास अभियानांतर्गत लाभार्थ्यांना अर्ज करण्याचे आवाहन

 वृत्त क्र. 457

एकात्मिक फलोत्पादन विकास अभियानांतर्गत

लाभार्थ्यांना अर्ज करण्याचे आवाहन

नांदेड (जिमाका) दि. 28 :-  एकात्मिक फलोत्पादन विकास अभियान सन 2023-24 अंतर्गत महाडिबीटी पोर्टलवर अर्ज घेणे सुरु आहे. या घटकात अनुसूचित जाती व  जमाती प्रवर्गाचे अर्ज लक्षांका पेक्षा कमी आहेत. यासाठी जिल्ह्यातील अनुसूचित जाती व  जमाती प्रवर्गाच्या शेतकऱ्यांनी जास्तीत जास्त अर्ज करावेत, असे आवाहन जिल्हा अधिक्षक कृषि अधिकारी भाऊसाहेब बऱ्हाटे यांनी केले आहे.

एकात्मिक फलोत्पादन विकास अभियानांतर्गत ड्रॅगन फ्रुट व स्ट्रॉबेरी लागवड, सामुहिक शेततळे, वैयक्तीक शेततळे अस्तरीकरण, हरितगृह, शेडनेट हाऊस, प्लास्टिक मल्चिंग, 20 एचपीच्या आतील ट्रॅक्टर, पावरटीलर, पॅक हाऊस, कांदाचाळ इत्यादी घटकासाठी अर्ज करता येणार आहेत. अधिक माहितीसाठी तालुका कृषि अधिकारी कार्यालयाशी संपर्क साधावा, असे जिल्हा अधिक्षक कृषि कार्यालयाने प्रसिध्दीपत्रकाद्वारे कळविले आहे.

00000