औद्योगिक प्रशिक्षण संस्थेत तासिका तत्वावर शिल्पनिदेशकांची पदभरतीसाठी थेट मुलाखत

 औद्योगिक प्रशिक्षण संस्थेत तासिका तत्वावर

शिल्पनिदेशकांची पदभरतीसाठी थेट मुलाखत

नांदेड (जिमाका) दि. 28 :- औद्योगिक प्रशिक्षण संस्थेत शिल्पकारागीर योजनेतर्गंत शिल्पनिदेशकांची पदे अत्यंत तात्पुरत्या स्वरूपात निव्वळ तासिका तत्वावर भरावयाची आहेत. ही पदे सैध्दांतिक व प्रात्यक्षिक शिकविण्यासाठी भरावयाची आहेत. इच्छूक व पात्र उमेदवारांनी 4 ऑगस्ट 2023 पर्यत अर्ज सादर करावेत. उमेदवारांनी 6 ऑगस्ट 2023 रोजी सकाळी 11 वा. मुळ व छायांकित कागदपत्रासह शासकीय औद्योगिक प्रशिक्षण संस्थेत मुलाखतीसाठी उपस्थित राहावे, असे आवाहन औद्योगिक प्रशिक्षण संस्थेचे प्राचार्य यांनी केले आहे.

एमएमव्ही, फिटर, टर्नर, मेसन, ऑर्किटेक्ट असिस्टंट, फाऊर्डीमॅन, इंजिनिअरिंग ड्राईंग या व्यवसायासाठी मुलाखत होणार आहेत. या व्यवसायासाठी उमेदवार हा मेकॅनिकल, इलेक्ट्रानिक्स, इलेक्ट्रीकल, सिव्हील अभियांत्रिकी मधील किमान द्वितीय श्रेणीमध्ये पदवी किंवा पदविका उत्तीर्ण असावा. त्यानंतर एक वा दोन वर्षाचा संबंधित व्यवसायातील अनुभव असावा. तसेच आयटीआय प्रमाणपत्रधारकांनी एनसीव्हीटी/एटीएस परीक्षा उत्तीर्ण व त्यानंतरचा तीन वर्षाचा अनुभव असावा. सीटीआय उत्तीर्ण उमेदवारांना प्राधान्य देण्यात येईल. सध्या तासिका तत्वावरील सैध्दांतीक साठी 250 रुपये व प्रात्यक्षिकासाठी 125 रुपये प्रति तास याप्रमाण मानधन मिळेल असेही औद्योगिक प्रशिक्षण संस्थेच्यावतीने कळविण्यात आले आहे.  

00000