शासकीय तंत्रनिकेतन येथे योगासन शिबीर संपन्न 

नांदेड (जिमाका) दि. 6 :- शरीराला तंदुरूस्थ ठेवण्यासाठी योग अत्यंत प्रभावी असून नियमित योग केल्याने शारीरिक आणि मानसिक आरोग्य वाढते, असे प्रतिपादन शासकीय तंत्रनिकेतन संस्थेचे प्राचार्य डॉ. गोरक्ष गर्जे यांनी केले. 

शासकीय तंत्रनिकेतन नांदेड येथील विद्युत विभागातर्फे नववर्षानिमित्त संस्थेतील सर्व अधिव्याख्याता आणि कर्मचाऱ्यांसाठी योगासन शिबिराचे नुकतेच आयोजन केले होते. नववर्षाच्या पहिल्या दिवशी प्राचार्य डॉ. गोरक्ष गर्जे यांच्यासह विभागाच्या अधिव्याख्याता आणि कर्मचाऱ्यांनी योगासन केले. या शिबिराचे उद्घाटन संस्थेचे प्राचार्य डॉ. गर्जे यांनी केले. त्यावेळी ते बोलत होते. 

सध्याच्या जीवनशैलीत मानसिक आणि शारीरिक ताणतणावाला सर्वच वयोगटातील व्यक्तींना सामोरे जावे लागत आहे. स्पर्धेच्या आणि धकाधकीच्या आयुष्यात प्रत्येकाला स्वतःकडे पाहण्यासाठी मात्र पुरेसा वेळ मिळत नाही. यामुळे शरीर आणि मनाच्या व्याधींच्या तक्रारीत वाढ होऊ लागल्याने शारीरिक आणि मानसिक आरोग्याकडे सहजतेने पाहण्याचा दृष्टिकोन तयार होत आहे. अगदी कमी वेळात योग करून आरोग्याची काळजी घेण्याला प्राधान्य दिले जात आहे. 

या शिबिरामध्ये योग प्रशिक्षिका श्रीमती शारदा येम्मेवार यांनी योगासनाचे प्रशिक्षण आणि मार्गदर्शन केले. मुख्य समन्वयक व्ही. व्ही. सर्वज्ञ आणि समन्वयक अधिव्याख्याता श्रीमती ए. ए.सायर आणि अधिव्याख्याता श्रीमती पी. बी. खेडकर यांनी हे शिबीर आयोजीत केले. सूत्रसंचालन अधिव्याख्याता पी. के. विनकरे यांनी केले. प्रथम वर्षाचे विभाग प्रमुख श्री. मुधोळकर, अधिव्याख्याता एफ. एच. अब्दुल, अधिव्याख्याता पी. एस. लिंगे, अधिव्याख्याता ओ. एस. चव्हाण, अधिव्याख्याता वाय. एस. कटके या सर्वांनी कार्यक्रमाच्या यशस्वितेसाठी सहकार्य केले.

0000