शिक्षक पात्रता परीक्षा (टीईटी) 21 नोव्हेंबरला 

नांदेड, (जिमाका) 22 :- महाराष्ट्र शिक्षक पात्रता परीक्षा (टीईटी)-2021 चे आयोजन  21 नोव्हेंबर रोजी घेण्यात येत असल्याचे महाराष्ट्र राज्य परीक्षा परिषद पुणेचे आयुक्त तुकाराम तुपे यांनी पत्रकान्वये कळविले आहे. त्यांनी दिलेल्या सुधारीत वेळापत्रकानुसार कार्यवाहीचे टप्पे पुढीलप्रमाणे आहेत. दि. 26 ऑक्टोंबर ते 21 नोव्हेंबर पर्यंत प्रवेश पत्राची ऑनलाईन प्रिंट काढून घेता येईल. 21 नोव्हेंबर रोजी सकाळी 10.30 ते दुपारी 1 पर्यंत शिक्षक पात्रता  परीक्षेचा पहिला पेपर असेल. तर दुपारी 2 ते सायं. 4.30 पर्यंत शिक्षक पात्रता परीक्षेचा दुसरा पेपर असेल. 

देगलूर-बिलोली विधानसभा पोटनिवडणूक लक्षात घेऊन पूर्वी जाहीर केलेल्या 30 ऑक्टोंबर रोजीच्या तारखेत हा बदल करण्यात आला असून आता ही परीक्षा 21 नोव्हेंबरला होईल.

00000