महाशिवरात्री निमित्त शेतकरी ते ग्राहक थेट फळ विक्री महोत्सवाचे आयोजन 

नांदेड (जिमाका) दि. 10 :-  राज्य शासनाच्या कृषि विभागामार्फत “विकेल ते पिकेल” धोरणांतर्गत संत शिरोमणी सावता माळी रयत बाजार अभियानांतर्गत महाशिवरात्री निमित्त फळे विक्रीचा शुभारंभ जिल्हाधिकारी डॉ. विपीन इटनकर जिल्हाधिकारी यांच्या हस्ते जिल्हाधिकारी कार्यालय येथे नुकताच करण्यात आला. या महोत्सवाला ग्राहकांचा मोठया प्रमाणात प्रतिसाद मिळत असून येथे फळांची विक्री मोठया प्रमाणावर होत आहे.  

जिल्हाधिकारी कार्यालय येथे सुरु असलेल्या शेतकरी ते ग्राहक थेट विक्री केंद्रात सुमारे दहा शेतकरी गटांनी विविध प्रकारची फळे थेट विक्रीसाठी ठेवली आहेत. हा महोत्सव 9 ते 12 मार्च 2021 या कालावधीत सकाळी 10 ते सायं. 6 वाजेपर्यंत सुरु रहाणार आहे. याठिकाणी टरबूज, खरबूज, पपई, चिकू, मोसंबी, स्ट्रॉबेरी, पेरु, रताळी इत्यादी उत्पादने विक्रीसाठी शेतकऱ्यांनी ठेवली आहेत. 

या फळे विक्री शुभारंभ प्रसंगी जिल्हा अधिक्षक कृषि अधिकारी रविशंकर चलवदे, कृषि उपसंचालक श्रीमती माधुरी सोनवणे, उपविभागीय कृषि अधिकारी आर. टी. सुखदेव, नांदेड तालुका कृषि अधिकारी एस. बी. मोकळे, अर्धापूर तालुका कृषि अधिकारी अर्धापूर ए. एन. शिरफुले, हदगाव तालुका कृषि अधिकारी आर. डी. रणवीर, तालुका लोहा कृषि अधिकारी ए. जी. घुमनवाड, मंडळ कृषि अधिकारी एस. एम. सावंत, लिंबगाव मंडळ कृषि अधिकारी पी. एस. पाटील, आत्माअंतर्गत सर्व तालुका तंत्रज्ञान व्यवस्थापन, कृषि सहाय्यक व शेतकरी गटाचे सदस्य उपस्थित होते.  

00000