जीवनावश्यक वस्‍तुंचा पुरवठा
करणारी
कारखाने, उद्योग कार्यान्वित ठेवण्याचे
जिल्हाधिकारी डॉ. विपीन इटनकर
यांचे निर्देश
नांदेड, दि. 30 :- कोरोना विषाणुंचा प्रादुर्भाव रोखण्‍यासाठी करण्‍यात आलेल्‍या
लॉकडाऊन कालावधीत जीवनावश्यक वस्‍तुंचा पुरवठा व उत्‍पादन सुरळीत राहणे आवश्यक असल्याने
त्याअनुषंगाने जिल्हाधिकारी तथा जिल्हा आपत्ती व्यवस्थापन प्राधिकरणाचे अध्यक्ष
डॉ. विपीन इटनकर यांनी संबंधित विभाग प्रमुखांना विविध निर्देश दिले आहेत.
उपप्रादेशीक परिवहन अधिकारी यांना आंतरराज्‍य, आंतर जिल्हा,
आंतर तालुका वाहतुक नियंत्रण व त्‍या
संबंधाने येणाऱ्या तक्रारी सोडविण्‍याची
जबाबदारी देण्‍यात आली आहे. लॉकडाऊनच्‍या कालावधीत जीवनावश्यक वस्‍तुंचे वाहतुकी संबंधाने आवश्यक
ती कामे पार पाडावी. उपप्रादेशीक परिवहन अधिकारी अविनाश राऊत मो. क्रं. ९८२२२४६०२३
या कार्या‍न्‍वयीन यंत्रणेशी संपर्क साधावा.
औद्योगिक विकास
महामंडळाने लॉकडाऊनच्‍या कालावधीत जीवनावश्यक वस्‍तुंचे सतत उत्‍पादन, प्रक्रिया
करणारे विविध कारखाने, उद्योग तसेच या वस्‍तुंचा पुरवठा करणारी मोठी घाऊक विक्रेते
यांची आस्‍थापना या कालावधीत चालू राहतील याची दक्षता घ्‍यावी. त्यानुसार विविध
उपाययोजना कराव्यात. सदर विविध कारखाने, उद्योग, जीवनावश्यक वस्‍तुंचा पुरवठा
करणारी मोठी घाऊक विक्रेते यांना आवश्यक असणारा कामगार वर्ग उपलब्‍ध न झाल्‍यास
सहायक कामगार आयुक्‍त यांचेशी समन्‍वय साधून आवश्यक कार्यवाही करावी. औद्यो. विकास महामंडळाचे प्रादेशिक अधिकारी यांचा
मो. क्रं. ९९७५५९७७११, महामंडळाचे कार्यकारी अभियंता व्‍यंकट मुद्दे यांचा मो.
क्रं. ८८३००३३९३० असा आहे.
लॉकडाऊनच्‍या कालावधीत
जीवनावश्यक वस्‍तुंचे सतत उत्‍पादन, प्रक्रिया करणारे विविध कारखाने, उद्योग, जीवनावश्यक वस्‍तुंची
पुरवठा करणारी मोठी घाऊक विक्रेते यांची आस्‍थापना यांना आवश्यक असणारा कामगार
वर्ग उपलब्‍ध न झाल्‍यास या कामगार उपलब्‍धेची आवश्यक कार्यवाही करावी. या काळात उद्भवणाऱ्या कामगारांशी संबंधीत अतर अडचणी संबंधाने
समन्‍वयक म्‍हणून कार्यवाही करावी. सहायक
कामगार आयुक्‍त सय्यद मोहसीन मो. क्रं. ७२७६२१६०६६ यांच्‍याशी संपर्क
साधावा.
या अनुषंगाने कामे पार
पाडतांना कोरोना विषाणुंचा प्रादुर्भाव रोखण्‍यासंबंधी यापूर्वी वेळोवेळी निर्गमित
करण्‍यात आलेले शासन निर्णय, विविध परिपत्रके, जिल्हाधिकारी कार्यालयाकडील
आदेशातील नमुद अटी व शर्तीच्‍या अधिन राहून आवश्यक ती कार्यवाही करावी. या कामात कोणत्‍याही अधिकारी, कर्मचारी यांच्‍याकडून
कुचराई, दिरंगाई केल्‍याचे निदर्शनास आल्‍यास
त्‍यांचे विरुध्‍द महाराष्‍ट्र कोव्‍हीड -19 उपायोजना नियम 2020 मधील तरतुद व आपत्ती
व्‍यवस्‍थापना अधिनियम 2005 च्‍या कलम 51 व इतर अनुषंगिक कायद्यानुसार कारवाई करण्‍यात
येईल, असेही आदेशात जिल्हाधिकारी तथा जिल्हा आपत्ती व्यवस्थापन
प्राधिकरणाचे अध्यक्ष डॉ. विपीन इटनकर यांनी नमूद केले आहे.
00000
No comments:
Post a Comment