Thursday, June 22, 2017

खते, बी-बियाणे खरेदीची काळजी घेण्याचे
कृषि विभागाचे शेतकऱ्यांना आवाहन
नांदेड, दि. 22 :- जिल्हयाच्या बहुतांश भागात पेरणी योग्य पाऊस झाल्याने शेतकऱ्यांनी खरीपाच्या पेरण्यांना वेग दिला आहे. पेरणीच्या घाईत बियाणे, खते किटकनाशकांची खरेदी करताना फसवणूक होऊ शकते. यामुळे शेतकऱ्यांनी पुरेशी काळजी घ्यावी, असे आवाहन  जिल्हा परिषदेचे कृषि विकास अधिकारी पंडीत मोरे यांनी केले आहे.
शेतकऱ्यांनी खरीपातील पेरण्यांसाठी बियाणे, अधिकृत परवानाधारक  विक्रेत्यांकडूनच खरेदी करावीत. गावात फिरुन वाहनांतून खते बियाणांची विक्री करणाऱ्यांकडून खरेदी करु नये. अशा व्यक्ती कमी भावात खते बियाणांची विक्री करत असल्या तरी यातून बनावट खते बियाणांची विक्री होऊन फसवणूक होऊ शकते. असे प्रकार शेतकऱ्यांनी तातडीने कृषि विभागाच्या निदर्शनास आणून दयावेत. फसवणूक टाळण्यासाठी अधिकृत विक्रेत्यांकडून पक्क्या पावतीसह बियाणे खते खरेदी करा. पावतीवर शेतकरी विक्रेता या दोघांच्या स्वाक्षरी असावी. खरेदी केलेल्या बियाणांचे आवरण (वेष्टन) पिशवी, टॅग, खरेदीची पावती त्यातील थोडे बियाणे पिकांची कापणी होईपर्यंत जपून ठेवावेत. बनावट भेसळयुक्त बियाणांची शंका दूर करण्यासाठी बियाणांची पॉकिटे सीलबंद मोहोरबंद असल्याची खात्री करा.
बियाणे उगवणीच्या खात्रीसाठी पॉकिटावरची अंतिम मुदत पाहून घ्या. कमी वजनाची छापील किंमतीपेक्षा जास्त किंमतीने बियाणे खतांची विक्री होत असल्यास शेतकऱ्यांनी तालुका कृषि अधिकारी किंवा पंचायत समिती कृषि अधिकारी जिल्हा परिषदेच्या मोहीम अधिकाऱ्यांशी तातडीने संपर्क करणे आवश्यक असल्याचे  श्री. पंडीत मोरे यांनी सांगितले. किटकनाशकांच्या बाबतीत ते अंतिम मुदतीच्या आतील असल्याची खात्री करावी.
शेतकऱ्यांनी बियाणे, खते किटकनाशकांच्या बाबतीत असलेल्या तक्रारीसाठी प्रत्यक्ष, दुरध्वणी, ई-मेल एस.एम.एस. द्वारे तसेच कृषि विभागाचा टोल फ्री क्रमांक 1800 233 4000 (02462) 230123 भरारी पथकाचे फ्लेक्स वरील दुरध्वणी क्रमांकांवर संपर्क साधावा, असेही आवाहन  जिल्हा परिषदेच्या कृषि विभागाने केले आहे.

000000

No comments:

Post a Comment

  वृत्त क्र.   280   सार्वजनिक सुट्टीच्या दिवशी आरटीओ कार्यालय राहणार  सुरु     नांदेड दि.  27  :-  सन  2023 2024  हे वित्तीय वर्ष दिनांक  3...