ऊसतोड कामगारांच्या मुला-मुलींच्या वसतिगृहासाठी
खाजगी इमारत धारकांनी अर्ज करण्याचे आवाहन
नांदेड (जिमाका) दि. 28 :- जिल्ह्यातील कंधार, मुखेड व लोहा येथे संत भगवानबाबा शासकीय वसतिगृह योजनेअंतर्गत ऊसतोड कामगारांच्या मुला-मुलींचे प्रत्येकी 1-1 वसतिगृह मंजूर आहे. ही वसतिगृहे भाड्याच्या इमारती घेवून सुरु करण्यात येणार आहेत. त्याअनुषंगाने कंधार, मुखेड व लोहा या तालुक्याच्या ठिकाणी 100 विद्यार्थी क्षमता असलेल्या वसतिगृहासाठी सर्व सोयीयुक्त इमारती भाडयाने घेण्यात येणार आहेत. खाजगी इमारत धारकांनी आपल्या इमारती उपलब्ध सोयी-सुविधा, मालकी हक्काबाबतचे कागदपत्रे व इमारतीचे फोटोसह आपले अर्ज सहाय्यक आयुक्त, समाज कल्याण, नांदेड यांच्याकडे 4 जानेवारी 2024 पर्यत सादर करावेत, असे आवाहन समाज कल्याण विभागाचे सहाय्यक आयुक्त शिवानंद मिनगिरे यांनी केले आहे.
कंधार, मुखेड व लोहा या तालुक्याच्या ठिकाणी ऊसतोड कामगारांच्या मुला-मुलींसाठी संत भगवानबाबा शासकीय वसतिगृहे प्रत्येकी 100 विद्यार्थी क्षमतेची शासन निर्णय 15 जून 2021 अन्वये मंजूर करण्यात आलेली आहे. ही वसतिगृहे सुरु करण्यासाठी इमारती भाड्याने घेवून वसतिगृहे सुरु करण्याचे निर्देश आहेत. कंधार येथे मुलांचे 1 व मुलींचे 1 असे एकूण 2 आणि मुखेड तालुक्याच्या ठिकाणी मुलांसाठी 1 व मुलींसाठी 1 असे एकूण 2 वसतिगृह सुरु करण्यात येणार आहेत. तर लोहा तालुक्याच्या ठिकाणी मुलांचे 1 व मुलींचे 1 असे एकूण 2 वसतिगृह सुरु करण्यात येणार आहेत.
0000
No comments:
Post a Comment