मिनी ट्रॅक्टर व त्यांची उपसाधने पुरवठा योजनेत
पात्र बचतगटासाठी 27 एप्रिल रोजी कार्यशाळा
नांदेड (जिमाका) दि. 20 :- अनुसूचित जाती व नवबौध्द घटकांच्या स्वयंसहाय्यता बचत गटांना मिनी ट्रॅक्टर व त्यांची उपसाधने याचा पुरवठा करणेबाबत योजना सुरु आहे. या योजनेअंतर्गत सन 2022-23 या वर्षासाठी जिल्ह्यातील अनुसूचित जाती व नवबौध्द घटकांच्या स्वयंसहाय्यता बचत गटांना ऑनलाईन अर्ज करण्याबाबत समाज कल्याण कार्यालयाच्यावतीने कळविण्यात आले होते. त्यानुसार या योजनेत एकूण 279 बचत गटांनी अर्ज सादर केले आहेत. त्यापैकी 231 बचत गटांचे अर्ज छाननी अंती पात्र ठरले आहेत. या योजनेत पात्र ठरलेल्या बचत गटांसाठी मार्गदर्शनपर कार्यशाळा डॉ. बाबासाहेब आंबेडकर सामाजिक न्याय भवन सभागृहात गुरुवार 27 एप्रिल रोजी दुपारी 12 वा. आयोजित केली आहे. या कार्यशाळेस या योजनेतील पात्र बचतगटांनी उपस्थित राहावे, असे आवाहन समाज कल्याण कार्यालयाचे सहाय्यक आयुक्त डॉ. तेजस माळवदकर यांनी केले आहे.
00000
No comments:
Post a Comment