प्रादेशिक परिवहन विभागातर्फे स्कुलबस तपासणी विशेष मोहिम 

नांदेड (जिमाका) दि. 1 :- प्रादेशिक परिवहन कार्यालयाच्यावतीने बुधवार 9 नोव्हेंबर 2022 पासून स्कुलबस तपासणी विशेष मोहिम राबविण्यात येत आहे. सर्व स्कूलबस धारकांनी वाहनासंबंधिचे सर्व वैध कागदपत्रे वाहनासोबत ठेवावीत. वाहने तांत्रिक दृष्टया दोषमुक्त व सुस्थितीत ठेवावी. ज्या वाहनंचे कागदपत्र वैध नसल्यास त्यांनी सर्व कागदपत्रे वैध करून घ्यावीत. या मोहिमेत तपासणी दरम्यान दोषी आढळणाऱ्या वाहनांवर मोटार वाहन कायद्यानुसार कारवाई करण्यात येईल, याची संबंधितांनी नोंद घ्यावी. स्कुल बसमध्ये वाहतूक करतांना विद्यार्थ्यांची गैरसोय होणार नाही याची स्कुलबस चालक, मालक यांनी दक्षता घ्यावी. या गैरसोईबाबत संबंधित स्कुलबस चालक, मालक व शाळेच्या मुख्याध्यापक यांची जबाबदारी राहील, असे प्रादेशिक परिवहन अधिकारी यांनी प्रसिध्दी पत्रकाव्दारे कळविले आहे.

00000