नांदेड जिल्ह्यात 14 व्यक्ती कोरोना बाधित

तर 6 कोरोना बाधित झाले बरे 

 

नांदेड (जिमाका) दि. 6 :- जिल्ह्यात आज प्राप्त झालेल्या 250 अहवालापैकी 14 अहवाल कोरोना बाधित आले आहेत. यात आरटीपीसीआर तपासणीद्वारे 12 तर अँटिजेनद्वारे 2 अहवाल बाधित आले आहेत. जिल्ह्यात आजवर एकुण बाधितांची संख्या 1 लाख 3 हजार 275 एवढी झाली असून यातील 1 लाख 490 रुग्णांना रुग्णालयातून सुट्टी देण्यात आलेली आहे. आजच्या घडीला 93 रुग्ण उपचार घेत आहेत.

 

जिल्ह्यात आतापर्यंत बाधित मृत रुग्णांची संख्या 2 हजार 692 एवढी आहे. आजच्या बाधितांमध्ये आरटीपीसीआर तपासणीद्वारे नांदेड मनपा 9, धर्माबाद 2, कंधार 1 तर अँटिजेन तपासणीद्वारे हिमायतनगर 1, मुखेड 1 असे एकुण 14 कोरोना बाधित आढळले आहे. 

 

आज जिल्ह्यात नांदेड जिल्ह्यातील तालुक्यांतर्गत गृह विलगीकरण 1, नांदेड मनपा अंतर्गत गृह विलगीकरण 4, शासकीय वैद्यकीय महाविद्यालय 1 असे एकुण 6 कोरोना बाधितांना औषधोपचारानंतर बरे झाल्याने सुट्टी देण्यात आली. 

 

उपचार घेत असलेल्या बाधितांमध्ये शासकीय वैद्यकिय महाविद्यालय विष्णुपूरी 1, नांदेड जिल्ह्यातील तालुक्यांतर्गत गृह विलगीकरण 69,  नांदेड मनपा अंतर्गत गृहविलगीकरण 20, खाजगी रुग्णालय 3 असे एकुण 93 व्यक्ती उपचार घेत आहेत. 

0000